သီဟသစ် ရဲ့ အားမာန်သစ်

သားလေး ချမ်းချမ်း ရဲ့ ဒိုင်ယာရီ (၁)

2011-03-03T01:25:00.000+08:00

ကိုယ့်ဘလော့ကိုယ် သွားမလည်ဖြစ်တာလည်း တစ်နှစ်ပြည့်ပါတော့မယ်။ အဲဒီရက်ပိုင်းတွေ အတွင်း ကျွန်တော်ရေးတဲ့ စာအသစ်တွေနဲ့ ပတ်သက်ပြီး အကောင်းလည်း အပြောမခံ ရပါဘူး၊ အဆိုးလည်း အပြောလည်း မခံရပါဘူး၊ အသစ်လည်း တစ်ပုဒ်မှမရေးဖြစ်ပါဘူး။ (မော့စ် စကား ငှားပြောတာပါ။)

မနှစ်က နောက်ဆုံးပို့စ် ရေးပြီး ရက်ပိုင်းအတွင်း သားလေးနဲ့ နှင်းဆီဖြူ စင်္ကာပူရောက်လာပါပြီ။ အရင် သားလေးနဲ့ အတူမနေရခင်တုန်းက အဝေးကနေပဲ ချစ်နေတာဆိုတော့ ပင်လည်းမပင်ပန်းဘူး၊ တအားလည်း မလေးနက်သလိုပါဘဲ။ သားလေးနဲ့ အတူတူနေရမှ လူပင်ပန်း၊ စိတ်ပင်ပန်းတွေ ဖြစ်ရပေမယ့် ပိုလည်းပျော် သူ့ကိုလည်းပိုပြီး ချစ်လာပါတယ်။ ပြီးတော့ လူကြီးလည်း မဆန်လို့ မရတော့ဘူး။ ကလေးတစ်ခုခု နေမကောင်းဖြစ်ခဲ့ရင် နှင်းဆီဖြူနဲ့ပဲ နှစ်ယောက်သား တိုင်ပင်၊ လုပ်စရာ ရှိတာ တန်းလုပ်ရတာမျိုးမို့ပါ။ ကလေးကို ဂရုစိုက်နေရတာမို့ စာလည်းမရေးဖြစ်တော့ပါဘူး။

သားလေးကလည်း အံ့သြစရာပါ။ ဟိုမှာ ၁၀ ရက်လောက်ပဲ အတူတူနေခဲ့ရပေမယ့် ဒီကို သူတို့လာတဲ့အခါ လေဆိပ်မှာ သွားကြိုတော့ တန်းပြန်မှတ်မိပြီး လူကို ချက်ချင်းလက်ကိုတန်းပုတ် နှုတ်ဆက်တာပါ။ နောက်တော့ တဖြေးဖြေးနဲ့ တအားတတ်လာပါပြီ။ မွေ့ရာပေါ် လမ်းစလျှောက်တတ်၊ အခန်းထဲလျှောက်တတ်၊ ခုတော့ မနည်းပြေးလိုက်နေရပြီ။ စကားကလဲ ကျွန်တော်တို့ သင်ပေးတာက ပါပါး၊ မာမား.သူ့ဘာသာသူ စပြောတာက ဖေဖေ၊ မေမေ တဲ့။ ပြောခိုင်းတိုင်းလည်း ပြောတာ မဟုတ်ပါဘူး၊ သူစိတ်ပါမှ ပြောတာပါ။ ခုသားလေးက တစ်နှစ်နဲ့ ၁၁ လထဲရောက်ပါပြီ။ ခုထိတော့ သူ့ဘာသာသူပဲ နားလည်တဲ့ Baby Language နဲ့ ပဲ ပြောနေတာပါပဲ။ သူကလဲ ပြောချင်တာပြော၊ ကိုယ်ကလဲ ဘာသာပြန်ချင်သလိုပြန် ကိုက်တော့ ကိုက်နေတာပါပဲ။

သားလေးက ဒီကိုရောက်ခါစတုန်းက ညညဆို ထထငိုတတ်ပါတယ်။ အဲဒီအခါတိုင်း ဘေးက တိုက်ခန်းချင်းကပ်ရက်နေတဲ့ တရုတ်မက အိပ်မရလို့ ထင်ရဲ့၊ သူ့အိမ်တံခါးမကြီး ဒုန်းဒိုင်းဖွင့်ပြီး ကျွန်တော်တို့ အခန်းရှေ့ ချောင်းလာလာဆိုးတတ်ပါသေးတယ်။ ကျွန်တော်လည်း ပြတင်းပေါက်တံခါးတွေ ပိတ်ထားတာမို့ မကြားချင်ယောင်ဆောင်ပြီး ကိုယ့်ကလေးကိုယ်ပဲ အငိုတိတ်အောင် ချော့ရပါတယ်။

နောက်တစ်မျိုးကတော့ အောက်ထပ်ကလူပါ။ သားလေးက ယောက်ျားလေးပီပီ ပစ္စည်းတွေ ထုရိုက်အသံထွက်နေရတာ သဘောကျပါတယ်။ အဲဒီတော့ သူက ကြမ်းပြင်ကို တ၀ုန်းဝုန်းထု၊ ကိုယ်က မီသလောက်လိုက်ဆွဲပေမယ့် မမီ၊ အဲဒီအခါကျတော့ အောက်ထပ်က တ၀ုန်းဝုန်းနဲ့ သူတို့မျက်နှာကျက်ကို ပြန်ရိုက်ပါတယ်။ အဲဒါကို သားတော်မောင်က သူမရိုက်ဘဲ ဘယ်လိုအသံထွက်ပါလိမ့်ဆိုပြီး သွားစပ်စုနေပါသေးတယ်။ တစ်ရက်လားကျတော့ သားလေးက ခုံပုလေးပေါ်က လိမ့်ကျလို့ အသံမြည်သွားတာကို အောက်ထပ်ကလူ တက်လာပြီး ဟောက်စားလုပ်ပါတော့တယ်။ ကျွန်တော်က ပုဆိုးဝတ်ထားတာတွေ့တော့ ဒါစင်္ကာပူ၊ ရဲတိုင်လို့ ရတယ် ဆိုတာက ပါသေးတယ်။ ကျွန်တော်က အဲဒီမတိုင်ညက သားလေးငိုလို့ အိပ်ရေးပျက်ထားတာမို့ အာရုံမရပြီး ဘာမှ သိပ်ပြန်မပြောနိုင်ပါဘူး။ တမင်သက်သက်လုပ်တာ မဟုတ်ဘူး၊ ကလေးလုပ်တာဆိုပြီးတော့ပဲ ပြောနိုင်ပါတယ်။ နောက်တော့ ဗလကောင်းတဲ့ အခန်းဖော်သူငယ်ချင်း ကျွန်တော့်နား လာရပ်မှပဲ ကိုယ့်လူလဲ ပြန်ဆင်းသွားပါတော့တယ်။

သားလေးတတ်တာတွေ ပြောရရင်တော့ အများသားပါ။ ကျွန်တော်ဘုရားရှိခိုးရင် သူက ကူညီတဲ့ အနေနဲ့ အနောက်ကနေ တွန်းပေးတတ်ပါသေးတယ်။ ဘုရားပုံတော်တွေကို သူ့အမေက လက်အုပ်ချီခိုင်းပြီး သြကာလို့ သင်ထားပေးတော့ သူ့ကို ပြတဲ့ သီချင်းထဲမှာ စေတီပုံတော်၊ ဘုရားပုံတော်တွေပါရင် သူ့ဘာသာသူ သြကာ မပီမသလေးပြောပြီး လက်အုပ်ချီတတ်နေပါပြီ။ သားလေးက သူ့အမေရိုက်ရင်လည်း ကျွန်တော့်ဆီ ပြေးလာပြီး ချီခိုင်းတတ်ပါတယ်။ သူ့ကို ဂရုမစိုက်ရင်လည်း သူ့ခေါင်းကို နံရံနဲ့ သာသာလေးသွားဆောင့်ပြီး ကျွန်တော်တို့ လက်ကိုယူပြီး သူ့ကိုပွတ်ခိုင်းတတ်ပါတယ်။ သူ့ကို နမ်းခိုင်းရင်လည်း စိတ်ပါလက်ပါရှိရင် နမ်းပါတယ်။ သူစိတ်မပါရင်တော့ အလုပ်များချင်ယောင်ဆောင်နေတတ်တာမျိုးပါ။ တစ်ခါလားကျတော့ နှင်းဆီဖြူနဲ့ ကျွန်တော်က သူ့ကို အလယ်ကထားပြီး နမ်းခိုင်းတာပါ။ သူက မနမ်းချင်တာနဲ့ စိတ်မရှည်ဖြစ်လာပြီး ဒီလောက် အနမ်းခံချင်တဲ့ နှစ်ယောက် အချင်းချင်း နမ်းကြဆိုပြီး နှစ်ယောက်လုံးရဲ့ ခေါင်းတွေကို သူ့လက်နဲ့ဆွဲပြီး မျက်နှာချင်းတွေ ဆုံပေးလိုက်ပါတော့တယ်။

သားလေးက ကျွန်တော်နဲ့ တူတာက စကားများတတ်ပြီး သူ့အမေနဲ့ တူတာက စိတ်ကောက်တတ်ပါတယ်။ တစ်ခါတစ်လေတော့ နှင်းဆီဖြူနဲ့ ပြောဖြစ်ပါတယ်။ တို့ဆီက ကောင်းတာတွေ မရပါလား၊ တို့ဆီမှာပဲ ကောင်းတဲ့အချက်များ မရှိတာလား ကိုယ့်ဘာသာကိုယ် သံသယဖြစ်လာပြီ လို့ပါ။

ခုတော့သားလေးက ဟိုမှာ ခဏနေခဲ့လို့ လွမ်းနေတာပါ။ နှင်းဆီဖြူဆီ ဖုန်းဆက်တော့လည်း သူက စကားလုပြောပါသေးတယ်။ သူ့Baby Language နဲ့ပါပဲ။ အလွမ်းပြေပေါ့လေ။ သားလေးအကြောင်းတွေ ဆက်ရေးပါအုံးမယ်။ ခုပို့စ်က စာမရေးဖြစ်တာကြာလို့ စရေးဖြစ်အောင် စနွှေးလိုက်တဲ့ပို့စ်ပါ။

ညီအစ်ကို မောင်နှမအားလုံး ရွှင်လန်းချမ်းမြေ့ကြပါစေ။

ခင်မင်စွာဖြင့်
သီဟသစ်

Bonus
၁) အလုပ် အင်တာဗျူး

အင်တာဗျူးတွင် အလုပ်လျှောက်သူက အလုပ်ရှင်ကို မေးသည်။
“မိသားစုအတွက် အချိန်ပေးဖို့ ဆိုတာ ကျွန်တော့်အတွက် အရေးကြီးဆုံးပဲ။ အဲဒီတော့ ကျွန်တော် အိုဗာတိုင် အတွက် အချိန်ဘယ်လောက်ဆင်းရမလဲ သိပါရစေ။”

အလုပ်ရှင်က သူ့ကို သက်သာရာ သက်သာကြောင်း ချက်ချင်းပြန်ဖြေသည်။

“ဒါပေါ့၊ မိသားစုဆိုတာ ပထမဆုံးထားရမှာပေါ”့

ပြီးတော့ အလုပ်ရှင်က ဆက်ပြောသည်။

“ဒီမှာ ၀န်ထမ်းအားလုံးက တို့အလုပ်ရှင်တွေကို မိသားစုလို့ သဘောထားခိုင်းထားတယ်”

၂) တရုတ်စာလေ့လာခြင်း

တရုတ်စားတော်ဆက်တွင် ထမင်းသွားစားသော ရောဘတ်၏ ဇနီး ရေချယ်တစ်ယောက် ဆိုင်မီနူးတွင် ရေးထားသော တရုတ်စာလုံး ပုံစံလေးကို သဘောကျနေသည်။ ထို့ကြောင့် မီနူးစာရွက်လေး အိမ်ယူခဲ့ပြီး ရှေ့ပိုင်းတွင် ထိုတရုတ်စာလုံးပါသော ဆွယ်တာလေး ထိုးသည်။ Cocktail ပါတီတစ်ခုတွင် ရေချယ် ထိုဆွယ်တာလေး ၀တ်သွားသည်။ တရုတ်စာလုံးကို သတိထားမိသော တရုတ်သမားတော်က မေးသည်။
အဲဒီစာလုံးဘယ်က ရတာလဲ

ရေချယ်: မီနူးထဲကပါ
သမားတော်: ဘာဆိုလိုတာလဲသိလား

ရေချယ်က: ကျွန်မ မမေးခဲ့မိဘူး။ ရှင်သိရင်ပြောပြပါလား
သမားတော်: အဲဒီစာသားဆိုလိုတာက “Cheap But Good” တဲ့ဗျ။

၃) ပြောင်းလဲလာသော မေးခွန်းများ

အသက်လေးဆယ်အရွယ် အပျိုကြီး မမ အဖို့ သူ့ အချစ်ရေးအခြေအနေကို သူငယ်ချင်းများ၊ အမျိုးများ၊ လုပ်ဖော်ကိုင်ဖက်များ မေးခွန်းထုတ်ကြသည်မှာ ရိုးလို့နေပြီ ဖြစ်သည်။ သို့သော် အသက်အရွယ်ပြောင်းလာသည်နှင့် အမျှ မေးခွန်းလည်း ပြောင်းလာတာ သတိထားမိသည်။

ဆယ်ကျော်သက်အရွယ်တုန်းကဆို သူငယ်ချင်းတွေက
ခုစနေ၊ တနင်္ဂနွေ ဘယ်သူနဲ့ အပြင်ထွက်လည်မလဲ မေးကြသည်။

နှစ်ဆယ်ပိုင်းအရွယ်ရောက်တော့ အမျိုးတွေက
ညည်းဘယ်သူနဲ့ ချစ်သူဖြစ်နေလဲ မေးကြသည်။

သုံးဆယ်ပိုင်းရောက်တော့ လုပ်ဖော်ကိုင်ဖက်တွေက
တစ်ယောက်ယောက်နဲ့များ အဆက်ဖြစ်နေသေးလား မေးကြသည်။

အခုတော့ လူတွေက
အဲဒီပိုက်ဆံအိတ်လှလှလေးကို ဘယ်က၀ယ်ခဲ့တာလဲဟင် လို့သာမေးကြတော့သည်။

(ဘလော့ဂါ အပျိုကြီးမမများ တိုက်ဆိုင်မှုရှိလျှင် ထိုသူများသို့သာ ရည်ညွှန်းပါသည်။ :P )

အမြဲစီးဆင်းနေသော မြစ်တစ်စင်း (သို့) ချစ်ခြင်းမေတ္တာ (၁)

2010-03-08T01:28:00.000+08:00

တွေ့တွေ့ချင်းက မနက်စောစောမို့ ထင်သည်။ သူ့ကိုခေါ်လိုက်တော့ မလိုက်ဘဲ အော်ငိုသည်။ မြန်မာပြည် မနက်ခင်းဆိုတော့ ထုံးစံအတိုင်း သိပ်မလင်းဘူးပေါ့။ သူက မှောင်ရင် သူ့အမေနားဘဲ ကပ်နေတာ အကျင့် ဖြစ်နေတာဖြစ်မည်။ မနက်လင်းတော့ တဖြည်းဖြည်း ကျွန်တော့်ကို နည်းနည်းသိလာပြီး ပြုံးပြသည်။ နောက်ကျတော့ မျက်စိအောက်ကတောင် အပျောက်မခံဘဲ လိုက်ကြည့်သည်။ သူဆိုတာတော့ သိကြတဲ့ အတိုင်း သားလေး လင်းသန့်ပိုင် ဖြစ်ပါသည်။

ကြီးလာရင် စာဖတ်ဝါသနာပါမည် မပါမည်တော့ မသိ၊ ခုတော့ ၀တ္ထုတို ပေါင်းချုပ်နဲ့ ဆော့နေတာ

သားလေးကို မြင်ရတော့ တကယ်ပဲ အမောတွေပြေသွားပါသည်။ သားလေးဆီကို ရောက်အောင်လာခဲ့ရတဲ့ ခရီးကို ပြန်လည်စဉ်းစားမိလိုက်သော အခါ..

မပြန်ခင် တစ်ရက်မှာ Client Site မှာ ဗိုက်ဆာနေမှာစိုးလို့လား၊ ရွှေနိုင်ငံ အပြန်ခရီးမှာ အလုပ်ကို မေ့သွားမှာ စိုးလို့လား မသိ့.. ဂျာကြီးက Client Site အထိ လိုက်လာပြီး မုန့်ဟင်းခါး လာကျွေး၏။ အို..ဘာဖြစ်ဖြစ် ချစ်တဲ့သူတွေနဲ့ တွေ့ရတော့မယ်.. နင်သွားငါမေ့..ဆိုပြီး စိတ်ထဲ ထားပစ်လိုက်သည်။ Flight တူတာက ဘလော့ ညီအစ်ကို မောင်နှမ ၅ ယောက်လောက်ရှိ၏။ သို့သော်လည်း ထုံးစံအတိုင်း မျိုးကျော့မြိုင်ကို ကြိုက်သော၊ သူ့လိုသာ မစွံတာ နောက်ကျတာ သွားတူသော သီဟသစ် တစ်ယောက် ဘယ်သူနဲ့မှ ထိုင်ခုံနေရာအတူတူမရ။ ကံဆိုးချင်တော့ သွားတိုက်ဆေးနှင့် ခေါင်းလိမ်းဆီဘူးကို Hand Carry အိတ်ထဲ ထည့်ထားမိသဖြင့် အမှိုက်ပုံးထဲ လွှင့်ပစ်ခံရလေသည်။ ကံကောင်းချင်တော့ Business Class ပြီးပြီးချင်း ပထမဆုံးအတန်းမှာ နေရာရလိုက်သည်။ ကံဆိုးချင်တော့ ပြတင်းပေါက်ခုံ မဟုတ်သဖြင့် အုန်းသီးကြီး မထုတ်လိုက်ရချေ။

ဟိုရောက်ရောက်ချင်း အားရပါးရ ပြေးဆင်းသွားလိုက်သည်။ အလှူဒါန ပြုကြသူငါ အစီအစဉ်မှာ စလုံး၁၀လှူလိုက်ခြင်းဖြင့် စကားလုံးများကို ချွေတာရေး လုပ်လိုက်လေသည်။ မန္တလေးသို့ အတူတူလိုက်ခဲ့ကြမယ့် အသိညီငယ်လေး၂ယောက် လာကြိုကြလို့ တော်သေးသည်။ နို့မို့ရင် လေဆိပ်ကလူတွေက ဇွတ်ဖော်ရွေကြသကိုး။ ဒါနဲ့ နိုင်ငံတကာ အဆင့်မီ လေယျာဉ်ကွင်းကြီးကနေ အဝေးပြေးကားကွင်းကြီးဆီ တိုက်ရိုက်ယွန်းပြီး သကာလ ည ၇ နာရီ ကားစထွက်လေသည်။ ခါတိုင်း မော်ဒယ်မိခင်ကြီးရဲ့ ကျွန်မတို့ ဟိုကစလို့ ဟိုကိုရောက်ပါပြီ ဘာညာ Video ကိုပြတတ်သော အဝေးပြေးကားလည်း ခုတစ်ခါတော့ အဲဒါကိုမပြတော့ချေ။ သီချင်းတွေကို ကိုးရီးယားကား မြန်မာကားထဲက ဖြတ်ညှပ်ကပ်ထားသော ရှူခင်းများဖြင့် တွဲလိုက်သောအခါ ဘာမှ မဆိုင်တော့သော Mood အောက်ချင်စရာ သီချင်းများကို သည်းခံနားထောင်ပြီး သကာလ မီးထိန်ထိန်လင်းနေသော နေရာတစ်ခုသို့ ရောက်လေသည်။ ကိုယ်တွေကလည်း မီးထိန်ထိန်လင်းရင် ဟိုနေရာပဲ ထင်တာ၊ ကားကမြန်လှချည်လား ဆိုတော့ တကယ်ကျ မဟုတ်သေးချေ ယာဉ်ရပ်နားစခန်း တည်နေခြင်း ဟူသတည်း။

လမ်းမှာထမင်းစားနားသော အခါ ရွှေရှမ်းလေးဟူသော ဆိုင်တွင်နားလေသည်။ ရွှေစက်တော်ကို သတိရချင်စရာ၊ တဲကြီးကြီးမိုးထားပြီး အိမ်သာတွေကလည်း ထရံကာလေးတွေနဲ့ ဖြစ်သည်။ ရှမ်းဆန်စီးစားရတာတော့ မဆိုးချေ။ ဂလိုနဲ့ ကားပေါ်မှာ ဟိုပြောဒီပြောလုပ်လိုက် အိပ်လိုက်နှင့် ဟိုနေရာကြီးကို ဖြတ်ရလေသည်။ ညအချိန်တွင်တော့ ရှူခင်းများ မဆိုးလှချေ။ နေ့ခင်းဘက်ဆိုရင်တော့ တစ်နေရာနဲ့ တစ်နေရာ ဒီလောက်ဝေးနေတာ သေအောင်ပူလိုက်မယ့် အမျိုးလို့ ထင်မိသည်။ စလုံးမှာ တစ်ခါမှ မသုံးရသည့် မှတ်ပုံတင်ကြီးကို ပြချင်သော်လည်း ကြည့်ချင်သူမရှိသဖြင့် မပြခဲ့ရ။

မနက် မန္တလေးရောက် ဟိုသွား ဒီသွား ပစ္စည်းတွေဝယ်တော့ မျက်စိထဲ ဆန်းတယ် ထင်တာတွေ့ရတယ်။ ကြွပ်ကြွပ်အိတ်တွေ နေရာတွင် ပလတ်စတစ်အိတ်အကြည်တွေ တွေ့ရခြင်းကြောင့် ဖြစ်သည်။ ကြွပ်ကြွပ်အိတ် ကင်းစင်ရေး နယ်မြေ ဆိုတာတွေ ဘာတွေ လုပ်နေကြတယ်ဆိုတဲ့ သတင်းသွား သတိရတယ်။ နှင်းဆီဖြူနဲ့ တွေ့တဲ့အခါ မေးကြည့်တော့ ကြွပ်ကြွပ်အိတ်ကို အကြည်ရောင် ဖြစ်အောင်လုပ်ထားကြတာဟု သိရလေသည်။ ကိုယ်ဘာပစ္စည်းတွေ ၀ယ်လာတယ် ဆိုတာ သူများတွေ မြင်နေရတော့သကိုး။ အရင်တုန်းကလို Orange သွား၊ ဖရဲသီးကြီးဝယ် ပြန်လာ၊ အိတ်အကြီးကြီးဆိုတော့ သူများတွေများ နည်းနည်းရှိန်မလားလို့ပေါ့၊ ခုတော့ ဒါမျိုးလုပ်လို့မရတော့ချေ။

ခေတ္တနား ပြီးနောက် မန္တလေး-မြစ်ကြီးနား ရထားရှိရာ ဘူတာကြီးကို သွားရပြန်၏။ နှင်းဆီဖြူလေးဆီ ရထားက အချိန်မှန်ထွက်တော့မည် ဖြစ်ကြောင်း လှမ်းအကြောင်းကြားပြီးသကာလ စာအုပ်ဆိုင်တွေမှာ ပြေးဝယ်ခဲ့သော စာအုပ်တွေနှင့် စတင်ဇိမ်ကျလေပြီ။ သို့သော်လည်း မပြောင်းလဲသော အကြောင်းတရားများ ဆိုသည့် အတိုင်း ရွှေကြက်ယက်ဘုရားနား အရောက် ရထားကြီး တွဲချော်လေတော့သည်။ ဒီအခါကျမှ သီဟလည်း အုန်းသီးကြီးကို စတင်အသုံးချခွင့် ရလေပြီ။ ဟိုရိုက်ဒီရိုက် လုပ်ပြီးသွားပြီး ၃ နာရီလောက်ကြာသွားသောအခါ ရထားကြီး စတင်ပြန်ထွက်လေသည်။ ရောက်ချင်ဇောတွေ အားကြီးနေလို့ထင့်၊ ပင်ပန်းနေသော်လည်း ရထားပေါ်ကောင်းကောင်း အိပ်မပျော်။ မိုးညှင်းမြို့ကိုရောက်တော့ မနက် ၅ နာရီလောက်ရှိပြီ။ အပါး(နှင်းဆီဖြူလေးရဲ့ အဖေ)က လာကြိုသည်။ ဘေဘီလေး လင်းသန့်ပိုင်လည်း နိုးနေပြီ။

မိုးလင်းတော့မှ သားလေးကို ကောင်းကောင်းချီရလေသည်။ ဟိုတစ်ခါ မွေးခါစမှာ တွေ့ရတုန်းက အူယားသဖြင့် မချီခဲ့ရ။ ချစ်ခြင်းမေတ္တာဆိုတာ အတူတူနေရမှ ပိုပြီးခံစားသိရှိရလေသည်။ သားလေးကို စလုံးကနေ ချစ်နေတယ် ဆိုသော်လည်း မတွေ့ရသဖြင့် စိတ်ကူးထဲ တအားပုံဖော်မရ၊ ဖုန်းထဲက နှင်းဆီဖြူလေး ပြောသမျှနဲ့သာ ခန့်မှန်းကြည့်ခဲ့ရသောကြောင့်ပင်။ သားလေးကလည်း တစ်ခါတစ်လေ တရေးနိုးလာရင် ကိုယ့်ကို မမှတ်မိပြန်။ ပါပါးလေ၊ ပါပါးလေ ဆိုပြီး သူ့အမေက ပြန်ပြန်မိတ်ဆက်ပေးရသည်။ ကလေးက စကားသာ မပြောတတ်သေးသာ ဖခင်ဆိုတာကို ခံစားသိရှိနိုင်သည် ထင်သည်။ အရင် သူ့အမေတစ်ယောက်တည်း ထိန်းရစဉ်က လူတွေကိုကြောက်၊ နေရာစိမ်းရင် ကြောက်သလောက် ကျွန်တော်နှင့်တွေ့တော့ အဲဒါမျိုးတွေ မရှိတော့။ ပိုလည်းလိမ်မာလာသည်။ သားလေးရဲ့ အဒေါ်တွေကတောင် အံ့သြယူရသည်။ သားလေးကို သိပ်ဖို့ နောက်ကျောဘက်မှာ အသိုင်းနဲ့ချည်ပြီး လမ်းလျှောက်ရသေး၏။ သူ့အမေလို ကျွန်တော်က သီချင်းမဆိုပြတော့ ကိုယ့်လူက အော်သေးသည်။

နောက်တစ်နေ့မှာ တရုတ်နှစ်ကူးဆိုတော့ အပါးနှင့် အမားကို ကန်တော့ ပြီးတော့ ဟုန်ပေါင်းတွေ ယူကြသည်။ (ဘယ်လောက်ရလဲ မမေးပါနဲ့တော့၊ ဟိုမှာ သုံးခဲ့တာ ကုန်သွားပြီ)ဘုန်းကြီးကျောင်းကို မိသားစုလိုက်သွား အလှူတွေလုပ်ကြသည်။ သားလေးကတော့ တစ်နေရာသွား ကားစီးလိုက်ရလျှင် မျက်လုံးလေးစင်းပြီး အိပ်ပျော်သွားပြီ။ တရုတ်နှစ်ကူးပြီး နောက်တစ်ရက်ပြန်ကြတော့မှာမို့ ပစ္စည်းတွေထည့်ရသည်။ သားလေးအတွက် ကစားစရာပစ္စည်းတွေကိုက Luggage တစ်အိတ်၊ စားစရာတွေက တစ်အိတ်ဖြစ်သည်။ လင်မယားနှစ်ယောက်သား အိတ်တွေကို စီစဉ်နေသလို ဘာလိုလို ယောင်တောင်ပေါင်တောင် လုပ်နေကြချိန် သားလေးက ကုတင်ပေါ်မှာ ဆော့နေသည်။ သူ့အမေက ဖက်တုန်းနှင့်ကာထားပေးကာမှ ဖက်တုန်းပေါ်မှ အရှိန်လွန်ပြီး ကြမ်းပြင်ပေါ် ခေါင်းနှင့် ပြုတ်ကျတော့သည်။ ကလေး နတ်စောင့်တယ် ဆိုတဲ့စကား တယ်မှန်သည်။ ကံကောင်းလို့ သူဘာမှတော့ မဖြစ်၊ တော်တော်တော့ လန့်သွားပုံရသည်။ ငိုနေတာ တော်တော်ကြာပြီး သူ့အမေကရင်ခွင်ထဲပွေ့ထား ချော့လိုက်၊ နို့တိုက်လိုက်မှ နည်းနည်းချင်း ရပ်သွား၏။ ကျွန်တော်လည်း တော်တော်ရင်ထိတ်သွားသည်။ သို့သော်လည်း နှင်းဆီဖြူလေးက လူကြီးကို ချော့နေဖို့ရာ မအားသဖြင့် သူ့အလိုလိုပဲ လန့်တာပျောက်လိုက်ရလေသည်။

ညနေအရောက် ရထားဆင်းကြသောအခါ သားလေးမှာ လူတွေအများကြီးနဲ့ တွေ့ရပေမယ့် မကြောက်မရွံ့ဘဲ ပျော်နေလေသည်။ အသံကြားရာလိုက်ကြည့်၏။ ဈေးသည် ဖြတ်သွားတဲ့ အသံ၊ စားသောက်တွဲက စားပွဲထိုးတွေရဲ့ အသံတွေကို အကုန်နားစွင့်ပြီး သူ့မြင်ကွင်းက မပျောက်မချင်း လိုက်ကြည့်တတ်လေသည်။ ဒါတင်မကသေး ကိုယ်ရဲ့ခုံကို ကျော်ပြီး တခြားခုံတွေကိုပါ လှမ်းကြည့်ပြုံးပြလုပ်နေသေးသည်။ ခဏနေတော့ သူလည်းပင်ပန်းသွားပြီး အိပ်တော့သည်။ ရထားပေါ်မှာ မွေ့ရာလေးခင်းသိပ်ရသည်။ အိပ်စင်တွဲကလည်း ကြားမြို့လည်းဖြစ်ပြန်၊ ကိုယ်တွေကလူတွေလည်း ဖြစ်ပြန်ဆိုတော့ ၀ယ်လို့မရသောကြောင့် ဖြစ်ပါည်။ ကလေးအိပ်နေတုန်း စားသောက်တွဲက စားပွဲထိုးလေးက ရေသန့်ဘူးကို မြောက်ဆော့ပြီး ယူလာတာ ကလေးနားသွားကျသေးသည်။ ကံကောင်းလို့ ကလေးပေါ်မကျတာဖြစ်သည်။ သားလေးကလည်း ရထားရပ်ထားရင် အိပ်နေရာက နိုးနိုးလာတတ်သည်။ ထို့ကြောင့် မြန်မြန်နှေးနှေး ရထားကြီး သွားနေပါစေလို့သာ ဆုတောင်းနေရတော့သည်။

ဆက်ပါဦးမည်..

ညီအစ်ကို မောင်နှမများ အားလုံး ရွှင်လန်းချမ်းမြေ့ကြပါစေ

ခင်မင်စွာဖြင့်
သီဟသစ်

လမ်းတိုင်းသည် မန္တလေးသို့ ဦးတည်နေကြသည်

2010-02-10T01:15:00.001+08:00

မန္တလေး အကြောင်း ရေးပြန်အုံးတော့ မလား ပိုပိုနိုင်လွန်း ဆိုရင်လည်း ခံရတော့မှာပဲ။ မန္တလေးကို ချစ်တယ် ဆိုတဲ့ စိတ်ကို မန္တလေးမှာ ကြာကြာမနေဖူးတဲ့သူတွေက နားလည်နိုင်မယ် မထင်ဘူး။ ခြင်ကိုက်တယ်၊ ဖုန်ထူတယ် ဆိုတာလည်း မှန်၏။ အဲဒါတွေက မန္တလေးကို ချစ်တဲ့စိတ်ကို လျော့မသွားစေနိုင်ပါဘူး။ ဒါတွေ ဘာကြောင့် ရေးနေတာလဲ ဆိုတော့ ချစ်သောမိသားစုနဲ့ တွေ့ဖို့ရာ ချစ်သော မန္တလေးကို အလည်သွားတော့မှာ မို့လို့ပါ။ ပြောသာပြောရတာ မန္တလေးလည်း သိပ်ကြာကြာ နေချိန်ရမယ် မထင်။

ရှေးလူကြီးတွေရဲ့ စကား "ပုဝါပါး ကြက်သားထုတ်တော့ စွန်းတတ်တယ်၊ တစ်ရွာသား ရည်းစား လုပ်တော့ လွမ်းတတ်တယ်" ဆိုတဲ့ စကားကို ရွဲ့ပြီးတွေးမိတာ ရှေးလူကြီးတွေများ နောင်ခေတ်တွေထိ မြန်မာနိုင်ငံ လမ်းပန်းဆက်သွယ်ရေး မလွယ်လောက်ဖူး ဆိုတာ ကြိုပြီးသိများနေသလား တွေးမိတယ်။ ဟိုတစ်ခါပြန်တုန်းက မိုးညှင်း၊ မန္တလေး၊မကွေး ကူးနေရတာနဲ့ ကားပေါ်၊ ရထားပေါ်မှာ ၇ ည အိပ်လိုက်ရတယ်။ ခုတစ်ခေါက်လည်း သိပ်ထူးမယ် မထင်ဘူး။ ကျောင်းမှာတုန်းက သူငယ်ချင်းပြောတာ သတိရတယ်။ သူက မိုးညှင်းနဲ့ မကွေးကို တိုက်ရိုက်သွားလို့ရတယ် ထင်နေတာ။ အဲဒါနဲ့ မင်း အထက်တန်းကျောင်းတုန်းက ပထ၀ီတော့ သင်ဖူးပါတယ်နော် လို့ မေးပလိုက်တယ်(၉ဘာသာ သင်ရတုန်းက ၁၀တန်းပါ)။ မိုးညှင်းသွား နှင်းဆီဖြူနှင့် ချန်းချင်လေးကို ခေါ်၊ မန္တလေး ဆင်း၊ အဖေ၊အမေ၊ အစ်မတွေနဲ့ တွေ့ဖို့ရာ က မကွေးကို သွား...ရဟူး..။ အင်းလေ ဒီဒုက္ခတွေက လိုချင်တိုင်းရတာမှ မဟုတ်တာ။ လူပျိုကြီးတွေဆို အဲလိုမျိုး လုပ်လို့မှမရတာ၊ :P

ခုတစ်ခေါက်ပြန်တာ အုန်းသီးလည်း ၀ယ်ထားစ ဆိုတော့ ကွက်တိပဲ။ ရှူခင်းတွေ လျှောက်ရိုက်မယ် စဉ်းစားထားတယ်။ ကလေးထိန်းလိုက်၊ ဓါတ်ပုံတွေ ရိုက်လိုက် လုပ်ရမှာပဲ။ သားလေးက ခုတစ်ခေါက် ဒုတိယအကြိမ် ပြန်တွေ့ရမှာပဲ။ သူမွေးမွေးချင်းတုန်းကတွေ့တာက သူဘယ်မှတ်မိမှာလဲ။ ခုတစ်ခေါက်တွေ့ရင်တော့ သူသိနေပြီလေ။ ကိုယ်နဲ့တွေ့ရင် သားလေး ဘယ်လိုနေမလဲ ဆိုတာ စဉ်းစားမိတာ ရင်တော့ခုန်စရာပဲ။

ခုတစ်ခေါက်တော့ အလွတ်ကျက်သွားတဲ့ သီချင်းလေးက

မောင်ရင် စိုင်းစိုင်းဆိုတာကို ကြိုက်လို့တော့ မဟုတ်ဘူး။ စာသားတွေက ကွက်တိပဲ။

နှင်းဆီဖြူလေးနဲ့ ချန်းချင်လေးကို ခေါ်ပြီး စင်္ကာပူပြန်လာတဲ့ အခါ မြင်ရမယ့် မြင်ကွင်းတွေ နည်းနည်းမှန်းကြည့်တယ်။ နှင်းဆီဖြူလေးအကြောင်းကို ညီအစ်ကို မောင်နှမတွေ မသိကြသေးလို့။ ကျားပေါက်ရဲ့ "သူ့အကြောင်း သီချင်းမရေးလို့ စိတ်တွေ ကောက်ပါ၏၊ ကြာကြာ မကောက်နိုင်ဘူး၊ သူဟာ ကလေးလေးချီ၊ သူဟာ ကလေးဆိုးကြီး" ဆိုတဲ့ "ကျွန်တော်၏ အခြားတစ်ဝက်" ဆိုတဲ့ သီချင်းလေးလိုပါပဲ။ စိတ်သိသိသာသာကောက်တတ်တယ်။ နှင်းဆီဖြူလေး ပြန်အလာကို မျှော်နေတဲ့ အဖွဲ့ ၂ ဖွဲ့ရှိ၏။ အဖွဲ့ ၁ က ကျောင်းတုန်းက သူငယ်ချင်းများ အဖွဲ့၊ နောက်တစ်ဖွဲ့က ဘလော့က ညီအစ်ကိုမောင်နှမ များအဖွဲ့ ဖြစ်သည်။ အဖွဲ့ချင်းမတူပေမယ့် ရည်ရွယ်ချက်ချင်းတော့ တူကြလေသည်။ သီဟသစ် အကြောင်းကို တိုင်ကြရန် ဖြစ်သည်။ ကျောင်းအဖွဲ့က သီဟသစ်တစ်ယောက် ဘလော့အဖွဲ့တွေနှင့် လျှောက်လျှောက်လည်နေသည် ဟု လည်းကောင်း၊ ဘလော့အဖွဲ့က သီဟသစ် ကျောင်းက သူငယ်ချင်းတွေဆီ သွားပြီး ၀က်တုပ်ကွေး ကာကွယ်ဆေးတွေ သောက်တတ်သည် ဟု လည်းကောင်း အထင်တွေ လွဲနေကြသောကြောင့် ဖြစ်နေကြသည်။

မြင်ကွင်း (၁)
သီဟသစ်တို့ စင်္ကာပူကို ပြန်အလာ လေဆိပ်ရောက်သောအခါ ဘလော့မှ ညီအစ်ကို မောင်နှမ များကို စုံညီစွာတွေ့ရလေသည်။ တစ်ချို့ညီအစ်ကိုတွေက သီဟသစ် ဟု Print ထုတ်ထားသော စာရွက်ကို၎င်း၊ ညီအစ်မ တစ်ချို့က သီဟသစ် အလှူတွင် နင်းကန်ဝါးတီးပေးနေသောပုံ၊ အားရပါးရ ရယ်နေသောပုံများကို ၄င်း ကိုင်ကာ ကြိုနေကြလေသည်။ လေဆိပ်အထဲမှ ထွက်လာသော ကိုရင်သီဟကတော့ တစ်သက်လုံးခပ်တည်တည် နေလာသည့် ထုံးစံအတိုင်း ထိုနေ့တွင်လည်း ခပ်တည်တည်ပဲ ဖြစ်သည်။ နှင်းဆီဖြူလေးက နာမည်ကို သတိမထားသော်လည်း ဓါတ်ပုံကို သတိထားမိသဖြင့် သီဟသစ်ကို "ဟိုလူကြည့်ရတာ ကို နဲ့ တူလိုက်တာ" ဟု သီဟသစ်ကို ပြော၏။ သီဟသစ်ကလည်း "အေးကွာ အဲဒါ ငါနဲ့တူတဲ့ ဆယ်လီဗြစ်တီ(Celebrity) တစ်ယောက်ရဲ့ ပုံနေမှာပါ၊ ကြည့်မနေနဲ့တော့၊ ချန်းချင်လေးကို သေချာဂရုစိုက်ပါကွဲ့"။ နှင်းဆီဖြူကလည်း သေချာကြည့်မနေတော့ပဲ "အင်း၊ အဲဒါဆိုရင်တော့ အဲဒီလူက ရုပ်နည်းနည်းဆိုးမယ် ထင်တယ်နော်" ဟု ပြောလိုက်လေသည်။

မြင်ကွင်း (၂)
လေဆိပ်တွင် ဘလော့ ညီအစ်ကိုမောင်နှမများ ကြိုနေကြသော်လည်း ရုပ်တည်ကြီးတွေနှင့် ရပ်နေကြသည်။ သီဟသစ်ကို မြင်သော်လည်း မမြင်ယောင်ပြုနေကြ၏။ အနားရောက်မှ ရုတ်တရက် ကိုကိုသစ် ဟု ၀ိုင်းအော်ကြလေသည်။ ထိုအခါ သီလ၀၏ အနွယ်တော် သီဟသစ်က ပြုံးယောင်ပြုရင်း "အဆွေတော်တို့ လူမှားနေပြီ ထင်တယ်" ဟု ပြောလိုက်လေသည်။ နှင်းဆီဖြူလေးက ကလေးကို ကြည့်နေသဖြင့် သေချာ သတိမထားလိုက်မိချေ။ "ပြောခဲ့တဲ့ စကားများ နားကြားများ လွဲသလား လေသံ က တစိမ်းဆန်နေပြီ" ဟု သီချင်းဆိုရင်း ကျန်ခဲ့ကြလေသည်။

မြင်ကွင်း (၃)
ကျောင်းအဖွဲ့ရော၊ ဘလော့က အဖွဲ့ပါ လေဆိပ်ကို စုံညီစွာ ရောက်နေကြလေသည်။ နဂို ရည်ရွယ်ချက်ကတော့ တိုင်ရန်ဖြစ်သော်လည်း နှင်းဆီဖြူလေး၊ သားလေးချန်းချင် တို့နှင့် အတူ ပြုံးရွှင်စွာ ပြန်လာသော သီဟသစ်ကို တွေ့သောကြောင့် လည်းကောင်း၊ ချစ်စရာကောင်းသော သားလေးချန်းချင်ကို မြင်ရသောကြောင့် လည်းကောင်း ရည်ရွယ်ချက်ကို မေ့ပြီး ကလေးကို ၀ိုင်းလုချီသူချီ၊ အထုပ်ကူဆွဲသူဆွဲ လုပ်ပေးကြလေတော့သည်။ နှင်းဆီဖြူလေးက ကျောင်းကအဖွဲ့ကို သိသော်လည်း ဘလော့အဖွဲ့ကို မသိသဖြင့် "အဲဒါဘယ်သူတွေလဲဟင်" ဟု မေးလေသည်။ ထိုအခါ သီဟသစ်က ၀ါသနာတူ အဖေမတူ အမေကွဲ ညီအစ်ကို မောင်နှမ များ ဖြစ်ကြောင်း ရှင်းပြလိုက်လေသည်။

ပြန်ဆုံကြမယ်လေ၊ ပျော်ပျော်ပါးပါးပေါ့။

ညီအစ်ကို မောင်နှမများ အားလုံး ရွှင်လန်းချမ်းမြေ့ကြပါစေ

ခင်မင်စွာဖြင့်
သီဟသစ်

P.S
၁) ကလူသစ်စကားကို ငှားသုံးရရင် ပြန်လာတဲ့ အခါကျရင်လည်း ရံဖန်ရံခါ တာ့တာ ဖြစ်ပါမည်။
၂) မြင်ကွင်းတွေက အပျော်သက်သက် ရေးထားခြင်းသာ ဖြစ်ပါသည်။ ကိုရင်သီဟကို တိုင်မယ့်သူများရော၊ လာကြိုမယ့်သူများပါ ရှိမယ် မထင်ပါ။
၃) နောက်လထဲ ရောက်မှ ပြန်တွေ့ကြမယ်။ မုန့်ဝယ်ခဲ့ပါမယ် :)

မှတ်ချက်။ ။
ပို့စ် ခေါင်းစဉ်က စာရေးဆရာ တစ်ယောက်၏ ၀တ္ထုနာမည် ကို ကြိုက်လို့ ယူသုံးထားတာဖြစ်ပါသည်။

Bonuses (2)

2010-01-19T00:35:00.001+08:00

၁) တရားခံ ဘယ်သူလဲဟေ့ ပြော

စိတ်ညစ်လက်ညစ်ပုံ ပေါက်နေသော အားပန်ကို ဂျော်နီက မေးသည်။
ဟေ့ကောင်ကြီး၊ ဘာတွေ စိတ်ညစ်နေတာလဲ
အားပန် : ငါ့ရည်းစား အားလျန်လေ ငါ့ကို စိတ်တအားဆိုးနေတယ်

ဂျော်နီ : ဘာလို့တုန်းဟ
အားပန် : သူ့မှာ ကလေးရှိသွားလို့လေ

ဂျော်နီ : မင်းတို့ကလည်း အကာအကွယ်လေး ဘာလေး မသုံးဘူးလား
အားပန် : သုံးတာပေါ့ကွ

ဂျော်နီ : အဲဒါဆို ဘယ်လိုဖြစ်ရတာလဲ၊ အပေါက်အပြဲများ ပါလို့လား
အားပန် : အဲဒါ ထားပါကွ၊ ကိစ္စက ကလေးက ငါ့ကလေးဆို ကိစ္စမရှိဘူး၊ သူများကလေးဆိုမှ ဂွ

ဂျော်နီ : မဖြစ်နိုင်တာကွာ၊ အားလျန်က မင်းအပေါ် သစ္စာမရှိဘူး လို့မင်းထင်တာလား
အားပန် : မဟုတ်ဘူးကွ၊ ဒီလို ငါရှင်းပြမယ်၊ ဟိုနေ့က MacRitchie ရေကန်ဘက်တို့ သွားကြတယ်ကွာ၊ အဲဒီမှာ ငါက စိတ်မထိန်းနိုင်တော့ အားလျန်က Condom သုံးဖို့ပြောတယ်၊ ဒါပေမယ့် ငါ့မှာ ပါမလာဘူး

ဂျော်နီ : အဲဒါဆိုရင်တော့ သေချာပါပြီ အဲဒါ မင်းကလေးပါ
အားပန် : နိုးလား(No Lah)၊ အားလျန်က မဖြစ်မနေ သုံးရမယ် ပြောတယ်၊ ငါဘေးနား လိုက်ရှာတယ်၊ အဟောင်းတစ်ခုတွေ့တယ်၊ အဲဒါနဲ့ အခွံကို ပြောင်းပြန်လှန်သုံးပြီး Recycle လုပ်လိုက်တယ်

ဂျော်နီ: အလားမား
http://forums.sgclub.com/singapore/new_ah_bengs_1795.html

၂) Change to Future Tense

Teacher: 'I killed a person' convert this sentence into future tense
Ah Beng : The future tense is 'u will go to jail'

၃) ရေဆာသလို ဆာလောင်တယ်

လူငယ်တစ်ယောက် အိမ်ထောင်ပြုရ ကောင်းမလား မကောင်းဘူးလား စဉ်းစားရခက်နေသည်။ သူ့သူငယ်ချင်းက အိမ်ထောင်ပြုရန် အကြံပေးသည်။

အနည်းဆုံးတော့ကွာ မင်းအသက်ကြီးတဲ့အခါ ရေပူရေချမ်း ကမ်းမယ့်သူ ရှိတာပေါ့

ထိုလူငယ် သဘောကျသွားပြီး အိမ်ထောင်ပြုလိုက်သည်။ နောင်အနှစ် ၅၀ ကြာသောအခါ သူငယ်ချင်း ၂ ယောက် ပြန်ဆုံကြသည်။
သူငယ်ချင်းက

ငါမင်းကို အိမ်ထောင်ပြုဖို့ ပြောခဲ့ဖူးတာ မှတ်မိလား၊ ခုမင်းကို ရေပူရေချမ်းကမ်းမယ့်သူ ရှိတယ် မို့လား
အေး ဟုတ်တယ်ကွ၊ မင်းမှန်တယ်၊ ပြဿနာက ငါက ရေဆာနေတာ မဟုတ်ဘူးဟ

၎) အဖမ်းခံရတဲ့ မူတူး

ချီတက်ပွဲ တစ်ခုတွင် မူတူး အဖမ်းခံရသည်။ အဘယ်ကြောင့်ဆိုသော်....

စာနယ်ဇင်း သတင်းထောင် အမျိုးသမီးက သူ့ရင်ဘတ်တွင် PRESS ဟုသော ရင်ထိုးကို ထိုးထားသည်။ မူတူး စာအတိုင်း လိုက်လုပ်မိသောကြောင့် ဖြစ်သည်။

၅) ကမ္ဘာ့စီးပွားရေး

A: ကမ္ဘာ့စီးပွားပျက်ကပ်ကြောင့် ငါတော့ မအိပ်နိုင်ဘူးကွာ
B: ဟုတ်လား၊ ငါတော့ ကလေးလေးတွေလိုပဲ အိပ်တယ်ကွ

A: တကယ်လား
B: အေးဟုတ်တယ်၊ တစ်နာရီခြား တစ်ခါ ထထပြီး အော်ငိုတယ်

၆) ကားကက်ဆတ်လေး ငါယူသွားပြီ

လူတစ်ယောက်ကားမောင်းလာရင်း တစ်နေရာတွင် ကားဘီးပေါက်တယ်။ ကားဘီးဖာရန် ကားဘီးကို ဖြုတ်နေစဉ် လမ်းသွားလမ်းလားတစ်ယောက် ရောက်လာပြီး မေးသည်။

ဟေ့မင်းဘာလုပ်နေတာလဲ
ကားဘီးဖြုတ်နေတာလေ

အဖြစကားကြားရသောအခါ ထိုလမ်းသွားလမ်းလာက ခဲကြီးကြီးတစ်ခုကောက် ကားမှန်ပြတင်းပေါက်ကို ခွဲပြီးနောက်
အေး၊ အဲဒါဆို ကားကက်ဆတ် ငါယူသွားမယ်

၇) စက်က အလုပ်လုပ်ပါတယ်

မော်တော်ပီကယ်က ကားသမားကို တားလိုက်ပြီးနောက်

မင်းခု အရက်သောက်လာသလား
မသောက်ပါဘူး

အေး၊ အရက်မူးတိုင်း ကိရိယာထဲမှာ အသက်ရှူသွင်းထုတ် လုပ်ကြည့်စမ်း၊ အမယ် အယ်လ်ကိုဟော သင်္ကေတ မပြပါလား၊ စက်များ ပျက်နေသလား..

(မော်တော်ပီကယ်က သူကိုယ်တိုင် အရက်မူးတိုင်း ကီရိယာထဲ အသက်ရှူထွင်းထုတ် ပြုလုပ်ပြီးနောက်)
မဟုတ်သေးပါဘူး၊ စက်က အလုပ်လုပ်နေသားပဲ

၈) နှင်းတော ထဲမှာ ကားမောင်းခြင်း

နှင်းတအားထူနေသဖြင့် ကားမောင်းရခက်နေသော အမျိုးသမီးက ရှေ့ကား၏ နောက်မီးကို ကြည့်ပြီး မောင်းနေရသည်
ရှေ့ကား ရုတ်တရက် ရပ်လိုက်သောအခါ အမျိုးသမီး၏ကားက ရှေ့ကားကို ၀င်တိုက်မိတော့သည်။

အမျိုးသမီးက စိတ်ဆိုးမာန်ဆိုးဖြင့် ထွက်လာပြီး ရှေ့ကား ဒရိုက်ဘာကို သွားအော်သည်

ရှင်ရူးနေသလား၊ ကားကို ဘာလို့ ရုတ်တရက် ရပ်ရတာလဲ၊
ဆောရီးပါဗျာ၊ ဒါပေမယ့် ကျွန်တော်မောင်းတာ ကျွန်တော့်ကားဂိုဒေါင်ထဲ ရောက်နေပြီဗျ

၉) ကာလာတီဗွီ
လူ၂ ယောက်ရောက်လာပြီး ဂျူးတရားဟောဆရာကို မေးသည်။

အဖြူရောင်က အရောင် မဟုတ်လား ဆရာ
အေးငါ ကျမ်းစာထဲမှာ ရှာကြည့်ရမှာပဲ

နာရီဝက်ခန့်ရှာပြီးနောက် တရားဟော ဆရာက ပြောသည်
အေးဟုတ်တယ်

ဒါဖြင့် အမည်းရောင် ကရော ဆရာ
အေးငါ ကျမ်းစာထဲ ရှာကြည့်အုံးမယ်

နာရီဝက်ခန့်ရှာပြီးနောက်
အေး ဟုတ်တယ်

ထိုစကားကြားရသောအခါ ပထမလူက ဒုတိယလူဘက်လှည့်ပြီး

ကဲမင်းကြားပြီးလား၊ ငါမင်းကို ရောင်းလိုက်တာ ကာလာတီဗွီမဟုတ်ဘူးလို့ ဘာလို့ငြင်းချင်ရတာတုန်း..

............................................................

ဟာသတွေကို ဖတ်ပြီးသားတွေ ဖြစ်နေရင်လည်း ထပ်ဖတ်ပြီး ရီကြပါဗျို့။ မရီရရင် ပျောက်နေတဲ့ mood ကိုပြန်ရှာပါ။
:)

ညီအကို မောင်နှမ အားလုံး ရွှင်လန်းချမ်းမြေ့ကြပါစေ

ခင်မင်စွာဖြင့်
သီဟသစ်

အုန်းသီး

2010-01-14T00:26:00.003+08:00

အစ်မသက်ဝေရဲ့ ခုတစ်လောနာမည်ကြီးနေတဲ့ နှစ်ကျပ်ခွဲပို့စ် ရယ်၊ အင်တာနက်မှာ လိုက်ရှာတော့ ကိုစနေရဲ့ Coconut and Monkey ပို့စ်ရယ် ကို ဖတ်ပြီး ဒီစာလေးရေးဖို့ စိတ်ကူးရပါတယ်။

Credits to http://www.vectorjunky.com/gallery/m/Monkey-Attacking-Coconut.jpg

အားလပ်ရက် ညပိုင်းတွေမှာ Marina Bay ဘက်ကို သွားထိုင်ရင် ကင်မရာကြီးတွေ တလွယ်လွယ် နဲ့ လူတွေ အတော်များများ တွေ့ရပါတယ်။ အတူထိုင်တဲ့ သူငယ်ချင်းကိုလည်း တွေ့လား လူတွေများ အုန်းသီးကြီး တလွယ်လွယ်နဲ့ ရိုက်စရာမရှိ လျှောက်လိုက်ရိုက်နေတယ် လို့တောင် ပြောဖြစ်သေးတယ်။ ကိုယ်ကိုယ်တိုင် ၀ယ်ဖို့လည်း စိတ်ကူးမပေါ်ခဲ့ပါဘူး။

DSLR ၀ယ်ထားတဲ့ ကျောင်းတုန်းက သူငယ်ချင်း လူပျိုကြီးက ရိုက်ထားတဲ့ပုံတွေကို Facebook, Flickr မှာတွေ့တော့ မဆိုးဘူး၊ ကောင်းသားဟ ဆိုပြီး သဘောတော့ကျမိတယ်။ သူဓါတ်ပုံရိုက်တဲ့ Marina Barrage ကိုလိုက်သွားတော့လည်း ရှုခင်းပုံတွေ ရိုက်တာဆိုတော့ ခဏကြာတော့ ပျင်းသွားရော။ ကင်မရာရော၊ Tripod ရော သယ်လာရတဲ့ သူငယ်ချင်းကို သနားတောင် သနားမိတာပ။

သူငယ်ချင်းနဲ့အတူ သွားတုန်းက သူငယ်ချင်း ရိုက်ထားတဲ့ ပုံပါ http://www.flickr.com/photos/thenorthernstar/3298128770/

အဲ.. ကင်မရာအကြီး လိုချင်တဲ့ ဟာက လူပေါင်းမှားတာက စပါတယ်။ ဘလော့စရေးဖြစ်တဲ့ နောက်ပိုင်း သူငယ်ချင်း အသစ်တွေ ထပ်ရတော့ မောင်ရင် Villager နဲ့ စတွေ့ပါတယ်။ တစ်ရက်လားဟာ ကိုယ့်ဘာသာ အိမ်မှာ နှပ်နေတုန်း သူက ဖုန်းဆက်ပြီး Chinese Garden မှာ ဓါတ်ပုံရိုက်နေတယ် ကြည့်ချင်လာခဲ့ ဆိုတာနဲ့ သွားလိုက်ပါရော။ ဟိုရောက်တော့ Villager အပါအ၀င် ကင်မရာမင်း ၄ ယောက်လောက်က တရုက် စပျစ်သီးတွေကို ဓါတ်ပုံရိုက်နေကြတာကိုး။ ကိုယ်က သူတို့လို အုန်းသီးလည်း မရှိတော့ ဘာလုပ်ပေးရတုန်းဆိုတော့ မီးထိုးမှန်ထိုးလုပ်ခဲ့ရတယ်။ အဲဒီမှာ သင်ခန်းစာနည်းနည်းရတယ်။ အုန်းသီးမရှိရင် တယ်ငုပ်သကိုး ဆိုတဲ့ဟာ။

ဒါပေမယ့် အုန်းသီးဈေးတွေကြည့် ငါနဲ့ မဆိုင်ပါဘူးလေ ဆိုပြီး ခဏချဉ်ထားလိုက်ပါရော။ နောက်ပိုင်း လန်ကာဝီလည်းသွားဖြစ်ရော ကိုရင်Villager ရယ်၊ နောက်သူ့သူငယ်ချင်း အကိုကြီး တစ်ယောက်ရယ်က DSLR တွေနဲ့ဆိုတော့ သူတို့ဆီက ယူရိုက်ရင်း၊ သူတို့ကို ရိုက်ပေးရင်းနဲ့ ကင်မရာ View Finder ထဲက ကြည့်ရတဲ့ မြင်ကွင်းတွေကို သဘောကျလာပါတယ်။ အပြင်မှာ မြင်ရတဲ့ အတိုင်း ကြည်ကြည်လင်လင် ရှင်းရှင်းလင်းလင်းလေးမြင်ရတာကိုး။

အဲဒီမှာ အုန်းသီးရောဂါ စထပါတယ်။ သတင်းစာတွေထဲမှာ အုန်းသီးကြော်ညာတွေ တွေ့ရင်ဖတ်၊ ဈေးတွေကြည့် လုပ်ပါတော့တယ်။ တွေ့သမျှ ကင်မရာရှိတဲ့ သူငယ်ချင်းတိုင်းကိုလည်း လျှောက်မေးပါတယ်။ Canon ကောင်းတာလား၊ Nikon ကောင်းတာလား ဘာညာပေါ့၊ ကိုယ်သိတာ တံဆိပ်လောက်ပဲ သိတာကိုး။ ရုံးက လုပ်ဖော်ကိုင်ဖက် အစ်မတစ်ယောက်ကလည်း မြှောက်ပေးပါတယ်။ ကိုယ်က သူများတွေပဲ ပေးနေရတာ၊ ကိုယ့်ကိုပေးမယ့်သူ မရှိဘူး၊ ကိုယ့်ဘာသာကိုယ် ၀ယ်ပေးလိုက် ဆိုပြီးတော့ပေါ့။ ဒါပေမယ့်လည်း ထုံးစံအတိုင်း ၀ယ်မလိုလို မ၀ယ်မလိုလိုနဲ့ အီလည်လည် လုပ်နေပါသေးတယ်။ နောက်ဆုံးတော့ နားကြားပျင်းကပ်လာတဲ့ မောင်ရင် Villager က By Force နဲ့ဝယ်ခိုင်းပါတော့တယ်။

ဝယ်တဲ့နေ့မှာ သူ့သူငယ်ချင်းကို လှမ်းခေါ်တော့ ဟိုလူက ကိုယ့်ထက်တောင် စိတ်အားထက်သန်ပါသေးတယ်။ တစ်ခါတည်းရောက်လာပြီး ကိုယ်က ပုံမှန် ဟာ(Canon 500D) လောက်ဝယ်မလို့ဟာကို သူက အဲဒီModel ကို အပြောကို မခံဘူးဗျ၊ သူစိတ်တိုင်းမကျဘူး ဆိုပဲ။ သူက Canon 50D ကို ၀ယ်လိုက်လို့ ဇွတ်ပြောနေတာနဲ့ ၀ယ်ဖြစ်သွားပါတယ်။ အဲဒါတောင် ကိုယ့်လူက 1000 ကျော်တန် lens တွေ တစ်ခါတည်း ၀ယ်ခိုင်းပါသေးတယ်။ သည်းခံလော့ ဒကာ ပြောလိုက်ရသေးတယ်။ ၀ယ်တာက Harvey Norman က၀ယ်ဖြစ်တာပါ။ Boss မဟုတ်တော့ Installment နဲ့ပဲ ၀ယ်ရတာပ။ ၀ယ်ပြီးမှ မောင်ရင် PM က အဲဒီက ဈေးများတဲ့ အကြောင်း ပြောနေသေးတယ်။ ၀ယ်ပြီးမှတော့ ဘာမှ မစဉ်းစားတော့ဘူး။ ဒါပေမယ့် Cash Down ပေးဝယ်မယ်ဆိုရင်တော့ တစ်ချို့ဆိုင်တွေမှာ 200 လောက်သက်သာတယ်လို့ ဆိုပါတယ်။ ၀ယ်တာက 18-55 lens နဲ့ ၀ယ်ဖြစ်တာပါ။ အပြင်မှာ ရှုခင်းပုံတွေ လိုက်ရိုက်တော့အဝေးကို လှမ်း Zoom ဆွဲလို့ မရတော့မှ Lens အရှည်ကို လိုချင်သွားပါတယ်။ အဲဒါကြောင့် နောက်ထပ်ဝယ်မဲ့သူတွေများရှိသေးရင် 18-200 lens ကို တစ်ခါတည်း ၀ယ်ဖို့ ပြောချင်ပါတယ်။ မိုက်မှမိုက်ရင်တော့ အဆုံးစွန်လောက်နီးနီး မိုက်တာပဲ ကောင်းပါတယ်။

ကင်မရာလည်း ၀ယ်ပြီးရော သူများကို ပြောထားတဲ့ ၀ဋ်စပြီး လည်ပါတော့တယ်။ တကယ့်ကို မျောက်အုန်းသီးရပါပဲ။ ဘယ်နေရာက ဘယ်လိုစရမှန်းကို မသိပါဘူး။ အမှန်အတိုင်း ၀န်ခံရရင် အရင်ဒီကင်မရာ မရှိခင်တုန်းက သူများတွေDSLR နဲ့ ရိုက်ထားတဲ့ ပုံကိုကြည့်ပြီး ကင်မရာ ကောင်းလို့ ပုံကောင်းထွက်တယ် လို့ ထင်ခဲ့တာပါ။ ကိုယ့်ဘာသာကိုယ် ရိုက်ကြည့်မှ အဲဒါ မဟုတ်မှန်းသိတော့တယ်။ ဒီကြားထဲ ဘလော့ဂါ အစ်မတစ်ယောက်က သီဟ ငါ့ကိုဓါတ်ပုံရိုက်ပေးစမ်းလို့ ဆိုတော့ အမရယ်၊ ကျွန်တော် ကိုယ့်ကိုယ်ကို သံသယဖြစ်အောင် မလုပ်ပါနဲ့ဗျာ လို့ ပြောလိုက်ရတယ်။ ကင်မရာ မကောင်းတာလား၊ ငါရိုက်တာ ညံ့တာလား၊ သူ့ပုံက နဂိုကတည်းက မလှတာလား ဆိုပြီး စိတ္တဇညတွေ ဖြတ်နေရမှာ စိုးလို့ ဆိုပြီး ပြောလိုက်ရသေးတယ်။ သူ့မို့လို့လည်း နောက်ရဲတာပါ။ ကျန်တဲ့သူဆို မိတ်ပျက်ပြီ။

ကင်မရာ ၀ယ်ပြီး ဘာမှ မလုပ်တတ်တဲ့ ကိုယ့်ကို သူငယ်ချင်းတွေကလည်း အားပေးပါတယ်။ ပိုက်ဆံ အများကြီး ပေးထားရမှတော့ ခလုပ်တစ်ခုထဲနှိပ်ပြီး တန်းရိုက်လို့ ရအောင် Auto နဲ့ရိုက်ပါလား ဆိုပဲ။ နောက်သူငယ်ချင်း လင်မယားကို ဓါတ်ပုံရိုက်ပေးတော့လည်း ညပိုင်းက မရိုက်တတ်သေးတာနဲ့ ပုံက ထွက်မလာပါဘူး။ သူငယ်ချင်းကတော့ ပြောပါတယ်။ မင်းပိုက်ဆံ သိပ်မရှိတုန်း အဲဒါဝယ်ထားပေါ့ကွာတဲ့ ၊ ပိုက်ဆံရှိမှ ငါတို့လို ကင်မရာ အသေးဝယ် တဲ့။ နောက်တော့ သူငယ်ချင်း လူပျိုကြီးနဲ့ တစ်ရက် ဓါတ်ပုံရိုက်လိုက်ထွက်ပြီး သင်တန်း ပြန်တက်ရပါတယ်။ တစ်ရက်တည်းနဲ့ ဆိုတော့လည်း သိတဲ့ အတိုင်းပဲ ခုထိယောင်ယောင်လည်လည်ပဲ။

သီဟသစ်ရဲ့ တစ်လလုံးရိုက်မှ ထွက်လာသော ဓါတ်ပုံတစ်ပုံ http://www.flickr.com/photos/thihathit_endeavour/4233340661/sizes/l/

တစ်ရက်လားဟာ ဘလော့ဂါ ညီအစ်ကို မောင်နှမတွေကို ဓါတ်ပုံလိုက်ရိုက်ပေးရင်း တွေ့တဲ့ပန်းအိုးလေးကို ရိုက်ဖြစ်တော့ အထက်ပါ ပုံလေးရလာပါတယ်။ အဲဒီပုံလေးကို ၀မ်းသာအားရ Facebook ပေါ်လည်း တင်လိုက်ရော ကျောင်းက သူငယ်ချင်းတွေက ပြောကြတယ်။ မင်းရိုက်တာမှ ဟုတ်ရဲ့ လားလို့၊ google images မှာ ဘယ်လိုရိုက်ပြီး ရှာသလဲ လို့ etc... etc ပေါ့လေ။

ဒီပို့စ်လေးကို ကင်မရာလေး ၀ယ်ဖြစ်တာ တစ်လပြည့်တဲ့ အမှတ်တရ အနေနဲ့ ရေးလိုက်တာပါ။ မကြာခင် ရွှေနိုင်ငံ ပြန်လည်ရင် မော်ဒယ်လ် ၂ ယောက်နဲ့ ဓါတ်ပုံရိုက်မှာဖြစ်ကြောင်း ကြိုတင်အသိပေးလိုပါ၏။ (ဘယ်သူတွေရှိရမလဲ နှင်းဆီဖြူလေးနှင့် သားလေး ချန်းချန်တို့ ပေါ့)

English နှစ်ကူးတုန်းက Happy New Year လို့ လိုက်မပြောဖြစ်ခဲ့တဲ့ အတွက် ညီအစ်ကို မောင်နှမ အားလုံးကို တရုတ်နှစ်သစ်ကူးရယ်၊ မြန်မာနှစ်သစ်ကူးရယ် အတွက် ကြိုပြီး Happy New Year လုပ်လိုက်ပါကြောင်း..

အားလုံး ရွှင်လန်းချမ်းမြေ့ကြပါစေ

ခင်မင်စွာဖြင့်
သီဟသစ်

ဒီအချိန် ကျောင်းတော်ကြီး ရဲ့ အလယ်မှာ (၆)

2009-12-29T02:06:00.002+08:00

ဒီအချိန် ကျောင်းတော်ကြီးရဲ့ အလယ်မှာ (၁)
လွမ်းရယ်မပြေ : ဒီအချိန် ကျောင်းတော်ကြီး ရဲ့ အလယ်မှာ (၂)
ဒီအချိန် ကျောင်းတော်ကြီးရဲ့ အလယ်မှာ (၃)
နှစ်ကိုယ်တူညီ ချစ်ဖူးတဲ့ တက္ကသိုလ်ဆီ : ဒီအချိန် ကျောင်းတော်ကြီး ရဲ့ အလယ်မှာ (၄)
ဆိုခဲစေ မြဲစေ၊ ချစ်တယ် : ဒီအချိန် ကျောင်းတော်ကြီး ရဲ့ အလယ်မှာ (၅)

Christmas နေ့က University of Computer Studies, Mandalay တုန်းက သူငယ်ချင်းတွေနဲ့ Gathering မှာ ပြန်ဆုံဖြစ်တော့ ကျောင်းကိုပြန်လွမ်းသွားပါတယ်။ Singapore မှာ ကျောင်းက ရှိနေတဲ့သူတွေထဲက တစ်ဝက်လောက်ပဲ လာတာဖြစ်ပေမယ့် စည်စည်ကားကား ပျော်ပျော်ရွှင်ရွှင်ပါပဲ။ Game ဆော့ကြတော့ သီဟသစ်တို့ အဖွဲ့က တစ်ခါရှုံးတာနဲ့ တစ်ဖွဲ့လုံး ကကြရတဲ့ အထဲမှာ သီဟသစ်ပုံက ထိပ်ဆုံးက ပါတော့ FaceBook ထဲမှာ ပုံလည်းတင်ရော ၀ိုင်းကျွေးခံရတာပေါ့လေ။ မိန်းမနဲ့ကလေးကို သတိမရဘဲ ပျော်နေတယ်ဆိုပြီး။ လူတွေကလည်း ခက်တယ်။ မိန်းမနဲ့ ကလေးကို စိတ်ထဲမှာ ချစ်နေ၊ သတိရနေဖို့ လိုတာ၊ သူတို့သိအောင် ပြနေရမှာလားမသိ၊ Mind Your Own Business လို့သာ ပြောချင်တော့တယ်။ ထားပါတော့လေ ကျောင်းတုန်းက အကြောင်းလေး ပြန်ဆက်ပါရစေ။ ဒီအကြောင်းက ၀တ္ထုပုံစံ ရေးခဲ့တာ မဟုတ်လို့ နှင်းဆီဖြူလေးနဲ့ ရည်းစားဖြစ်ခဲ့တဲ့ အခန်းနဲ့တင် မရပ်ပါရစေနဲ့။

၁၉၉၉ ခုနှစ် နိုဝင်ဘာမှာ သီဟသစ်တို့ ဒုတိယနှစ် ပြန်တက်ရပါတယ်။ သူငယ်ချင်းအိမ်က ကိုယ်တွေကို ငှားထားတဲ့ တိုက်ခန်းမှာ တစ်ဖွဲ့လုံး ပျော်ပျော်ရွှင်ရွှင်ပေါ့။ တိုက်ခန်းက ဈေးချိုဘက်မှာပေမယ့် သီဟသစ်နဲ့ နောက်သူငယ်ချင်းတစ်ယောက်ကတော့ ညနေတိုင်း မိန်းဘက်ရောက်ပါတယ်။ ၁၉၉၉ ကနေ ၂၀၀၀ ကိုကူးမယ့် New Year ချိန်မှာတော့ တိုက်ခန်းမှာ New Year Party လုပ်တာမှာ သူငယ်ချင်း ၀ကြီးက ဒံပေါက် Sponsor ပေးပါတယ်။ မန္တလေးမှာ နာမည်ကြီးတဲ့ အော်ဒါမှာရတဲ့ ကေမီမွန် ဒံပေါက်က တစ်လမ်းကျော်မှာ ရှိတာမို့ပါ။ ဒံပေါက်စားပြီး သကာလ ၁၂ ထိုးခါနီးတော့ မိန်းဘက်သွား၊ ကျုံးဘေးသွားပြီး Happy New Year အော်ကြပါတယ်။ ရန်ရှာတတ်တဲ့သူတွေ မရှိရင်တော့ New Year ကပျော်စရာကြီးပါ။ တိုက်ခန်းပြန်ရောက်တော့ သူငယ်ချင်းတွေချည်း ဖဲရိုက်နေတဲ့ဝိုင်းထဲကို ရပ်ကွက်ထဲကလူက လာပြီး မူးပြီးလာရစ်နေတာနဲ့ ပျော်စရာနည်းနည်းလျော့သွားပါတယ်။ သီဟသစ်တို့အဖွဲ့လည်း အလကားနေရင်း ရပ်ကွက်ထဲမှာ နာမည်ဆိုးထွက်တာပေါ့။ (သူငယ်ချင်းတို့အိမ်က ရောင်းမစွံတဲ့ တိုက်ခန်းကြီး ရောင်းစွံသွားတာမှာ အဲဒါတွေလည်းပါပါတယ်။ ဘာဖြစ်လို့လည်း ဆိုတော့ အိမ်နီးနားချင်းတွေက အခမဲ့ပွဲစားလုပ်ပေးလိုက်လို့ပါ။)

သီဟသစ်တို့ ဒုတိယနှစ် ၂၀၀၀ ခုနှစ် နွေရာသီ ကျောင်းပိတ်တော့ သူငယ်ချင်းတွေက မကွေးကို လိုက်လည်ကြပါတယ်။ မန်းရွှေစက်တော် ဘုရားဖူးလိုက်ကြတာပါ။ မကွေးရောက်တော့ သူငယ်ချင်းယောက်ျားလေးတွေက သီဟသစ်ရဲ့ အဖေ့ရုံးက ပုံမှန် ဘန်ဂလိုမှာတည်းပါတယ်။ မိန်းကလေးတွေက သူငယ်ချင်းကောင်မလေးတို့ အဖေရုံးက အရာရှိ ဘန်ဂလိုမှာတည်းပါတယ်၊ သူတို့အဖေက အရာရှိအကြီး မို့ပါ။ သူငယ်ချင်းတွေက ညော်ကြပါသေးတယ်၊ ကောင်မလေးတွေကျ ဘန်ဂလို အကောင်းမှာ တည်းရတယ် ဘာညာပေါ့လေ။ သီဟသစ်ကလည်း ပြန်ပြောရပါတယ်။ သူတို့အဖေက King လောက်ရှိတာကွ၊ ငါတို့အဖေက 10 တို့၊ Jack တို့လောက်ပဲရှိတာဆိုပြီးတော့ ပေါ့။ သူငယ်ချင်းအားလုံးကို အိမ်မှာ ထမင်းကျွေးကြတော့ အဖွဲ့ထဲမှာ စလို့ကောင်းတဲ့ ခင်စရာကောင်းတဲ့ သူငယ်ချင်း ကောင်မလေးကို အမေ့ပြပြီး ဟောဒီမှာ အမေ့ချွေးမ ခေါ်လာပြီဗျ လို့ စလိုက်တာ သူက ထငိုနေလို့ အိမ်က လူကြီးတွေကပါ ချော့လိုက်ရသေးတယ်။

နောက်တစ်နေ့မနက်စောစောမှာတော့ မင်းဘူးဘက်ကမ်းကို ကူးဖို့ရာ ဇက်ဆိပ်ကိုဆင်းရပါတယ်။ အဲဒီအခါတုန်းက မကွေးတံတားတို့ ဘာတို့ဆိုတာ စီမံကိန်းတောင် မရှိသေးပါဘူး။ ဇက်နဲ့ သွားရတာလဲ တစ်မျိုး ပျော်စရာကောင်းပါတယ်။ သူငယ်ချင်းတို့အိမ်က ကားနှစ်စင်းနဲ့ လိုက်ပို့တာပါ။ ရွှေစက်တော်လမ်းမှာတော့ ထုံးစံအတိုင်း ဖုံထူထူတွေကို ဖြတ်ကျော်၊ ကားကို လှုပ်လှုပ်ခုန်ခုန်လေး စီးပြီးရင်တော့ အမောပြေစရာ မန်းချောင်းကို စတင်တွေ့ရပြီး အထက်စက်တော်ရာ၊ အောက်စက်တော်ရာ တို့ကို ဖူးမြင်နိုင်ပါပြီ။ ရောက်တာနဲ့ အထုတ်တွေ တည်းကျောင်းထဲမှာချ မန်းချောင်းထဲ ပြေးဆင်းကြတော့တာပါပဲ။ ရေထဲမှာ သူငယ်ချင်းတစ်သိုက် ဘောကွင်းတွေ စီးလိုက်၊ ဆော့လိုက် လုပ်ရတာ အင်မတန် ပျော်စရာကောင်းပါတယ်။ ပြီးတာနဲ့ ကြည်ညိုဖွယ်ရာ အောက်စက်တော်ရာ နှင့် အထက် စက်တော်ရာ တို့ကို သွားရောက် ဖူးမြော်ကြပါတယ်။

ပုံများကို မနိုင်းနိုင်း၏ ရွှေစက်တော် ပို့စ်ထဲမှ ယူထားပါသည်။ ကျေးဇူးပါ မနိုင်းနိုင်း
်
အဲဒီညမှာတော့ တဲကျောင်းမှာ လူတွေများနေလို့ ယောက်ျားလေးတစ်ခန်း၊ မိန်းခလေး တစ်ခန်းပဲ နေရာရပါတယ်။ သူငယ်ချင်းတွေက ခရီးပန်းပန်းနဲ့ အလျှိုအလျှိုဝင်အိပ်ကြတာ အခန်းထဲမှာ နေရာလွတ်ဆိုလို့ ဘောကွင်းပဲ ကျန်တာနဲ့ အဲဒီအပေါ်မှာပဲ သီဟသစ် တစ်ည အိပ်လိုက်ရပါတယ်။ နောက်နေ့ညရောက်တော့ ယောက်ျားလေးတွေ အတွက် အခန်း ၂ ခန်း၊ မိန်းကလေးတွေ အတွက် အခန်း ၂ ခန်း စီလည်းရရော ဘယ်သူမှမအိပ်ကြတော့ပါဘူး၊ အားလုံးစုပြီး တစ်ခန်းထဲမှာ PC ကစား(ဖဲရိုက်ကြ) တော့တာပဲ။ ဖဲရိုက်တော့လည်း သူငယ်ချင်းကောင်မလေးရဲ့ မောင်လေးနဲ့ ညီမလေး အနားလာနေလို့ ကလေးတွေ သွားဆော့ချေပြောခါမှ ဦး ဟို Spades 4 ကိုပစ်ချလိုက်၊ ဘာမှ မဆိုင်ဘဲ ကိုင်မထားနဲ့ လို့တောင် ကိုယ့်ကို ပြန်သင်သွားသေးတယ်။

ညပိုင်းရုပ်ရှင်ဖွက်တမ်းကစားလိုက်၊ PC ကစားလိုက်နဲ့ အချိန်တောင် ဘယ်လိုကုန်သွားမှန်း မသိဘူး။ ဒီကြားထဲ သူငယ်ချင်းကောင်မလေးက သူ့အဖေနဲ့ စိတ်ဆိုးပြီး ပျောက်သွားပါလေရော။ သူ့ကောင်လေးနဲ့ ကျန်တဲ့သူငယ်ချင်းတစ်ယောက်က လိုက်ရှာကြ၊ သီဟသစ်တို့ကတော့ ဟိုနားယောင်ယောင် ဒီနားယောင်ယောင် လိုက်ရှာပြီး ဆက်ကစားကြပါတယ်။ ပြီးတော့လည်း သူ့ဘာသာ ပြန်လာတာပဲကိုး။

ဒီလိုနဲ့ ရွှေစက်တော်ကပြန် မင်းဘူးကိုဝင် စက္ကိန်းတဲ ဘုရားဖူး၊ နဂါးပွက်တောင်ကိုလည်း သွားလည်ကြပါတယ်။ သူ့ဘာသာသူ ပွက်နေတဲ့ နဂါးပွက်တောင်ကို သူငယ်ချင်းတစ်ယောက်က သီဟသစ် လူပျိုကြီးဖြစ်ရင်ပွက် ဆိုပြီး ပြောတော့ သူ့အချိန်တန်ပွက်တဲ့ အခါ ၀ိုင်းစကြတာပေါ့။ တော်သေးတယ် တကယ်မဖြစ်လို့ :) (အဲဒီအကြောင်းကို လူပျိုကြီး မဖြစ်ရခြင်း အကြောင်းရင်း ထဲမှာ တစ်ခါရေးဖူးပါတယ်)။ ဒီလိုနဲ့ သူတို့လည်း ပြန်သွား၊ နွေရာသီ ကျောင်းပိတ်ရက်များလည်း ချန်ထားချင်စရာ ကောင်းလောက်အောင် ပျင်းစရာကြီးပါ။ အိမ်မှာ စားကောင်းသောက်ကောင်းအောင် Teach Yourself C++ in 21 days စာအုပ်ထူထူကို ဖတ်သလိုလို လုပ်လိုက်၊ အပြင်ထွက်လည် လိုက် လုပ်ခြင်းများနဲ့ အချိန်ကုန်သွားပါတယ်။

အိမ်မှာပျင်းနေတုန်း ၁၀ တန်းတက္ကသိုလ်ဝင်ခွင့်နဲ့တုန်းက လျှောက်ထားတဲ့ MIT က ခေါ်စာရောက်လာပါလေရော။ ပထမနှစ်၊ ဒုတိယနှစ်ကတော့ မကွေးမှာပဲ စတက်ရမယ် ဆိုပါတယ်။ ကိုယ့်မြို့မှာကိုယ် ပြန်မတက်ချင်တာရယ်၊ အိမ်ကလည်း ကျောင်းတစ်ကျောင်းပဲရွေးလို့ ဆိုတာရယ်၊ နှင်းဆီဖြူလေးရယ် (အဲလေ ယောင်လို့) အဲဒါနဲ့ဘာမှဆက်မလုပ်တော့ဘဲ ကွန်ပျူတာ ကျောင်းပဲ ဆက်တက်ဖြစ်ပါတယ်။ အဲဒီတော့ အီလက်ထရောနစ် (သို့) ဆောက်လုပ်ရေး အန်ချင်စရာကြီး ဖြစ်မလာတော့ပဲ ဆော့ဝဲလ် အန်ချင်စရာကြီး ဖြစ်လာတာပေါ့လေ။

ကျောင်းပြန်တက်တော့ နှင်းဆီဖြူလေးကို ဇာတ်လမ်းနည်းနည်းစနေပြီမို့ ကျောင်းမှာ ရုပ်တည်ချင်ယောင်ဆောင်နေရတဲ့ နေ့ရက်တွေပေါ့။ သီဟသစ်တို့တုန်းက တတိယနှစ်မှာမှ Computer Science Major (or) Computer Technology Major အလွယ်ပြောရရင် Software, Hardware ခွဲတာမို့ ကိုယ်ဘယ်မေဂျာယူမလဲ ဆိုတာစဉ်းစားရမယ့်အချိန်ရောက်လာပါတယ်။ ကိုယ့်ကိုယ်ကို အီလက်ထရောနစ်ကို စိတ်ဝင်စားတယ်လို့ ထင်ခဲ့မိတာ ဒုတိယနှစ်မှာ Digital ဆိုတဲ့ ဘာသာသင်ရတော့ ကိုယ့်ကိုယ်ကို သိသွားပါတယ်။ ကိုယ်တကယ် စိတ်ဝင်စားတာ Programming ပဲဆိုတာကို။ သူငယ်ချင်းတွေကတော့ ဟိုဘက်လိုလို ဒီဘက်လိုလို ယောင်နေကြတုန်းပါ။

နောက်တစ်ပိုင်း ဆက်ရေးဖြစ်ရင် နှင်းဆီဖြူလေးနဲ့ ချစ်သူဖြစ်ပြီးနောက်ပိုင်း ကျောင်းတက်တဲ့ အချိန်တွေနဲ့ ပြန်ဆက်စပ်ပြီး ရေးသွားမှာပါ။ မှတ်သားစရာမပါ ၊ ရသမပါ တဲ့ စာစုလေးကို ပြီးတဲ့ အထိ ဖတ်ပေးလို့ ကျေးဇူးပါ။

ညီအစ်ကို မောင်နှမ အားလုံး ရွှင်လန်းချမ်းမြေ့ကြပါစေ

ခင်မင်စွာဖြင့်
သီဟသစ်

P.S
၁) ခုရက်ပိုင်း အပျင်းထူပြီး ဘလော့တွေလိုက်မလည်ဖြစ်၊ Cbox ကို မပြန်ဖြစ်တာ ခွင့်လွှတ်ကြပါရန်
၂) အချိန်ရတာနဲ့ ပြန်လိုက်လည်ပါတော့မည်

Bonuses (1)

2009-12-09T01:10:00.001+08:00

၁) တကယ်ကြည့်ကောင်းတာပါ

ကိုရေတမာ၏ အမျိုးသမီးက သားဦးလေး မီးဖွား၏။ ကလေးကို ကြည့်ပြီး ပျော်မြူးနေသော ကိုရေတမာကို ဆရာဝန်က ပြောသည်။
`တကယ်ချစ်စရာ ကောင်းတဲ့ ကလေးလေးဗျာ´

ကိုရေတမာက
`ကျွန်တော်ထင်တာကတော့ ဆရာ ကလေးအဖေတိုင်းကို ဒီစကားပြောတယ် ထင်တာပဲ´

`မဟုတ်ပါဘူးဗျ၊ ကလေးက တကယ်ချစ်စရာကောင်းမှ ကျွန်တော် ပြောတာပါ´
`ဒါဖြင့် တခြားကလေးတွေရဲ့ အဖေတွေကို ဘယ်လိုပြောသလဲ´

`ခင်ဗျားနဲ့ ကလေး ရုပ်တူတယ် လို့ပဲ ပြောလိုက်တယ်´

၂)ဘယ်ပန်းသာလို့ ယှဉ်ပါ့မယ်

မိုးခါး၊ မကောင်းကင်ပြာနှင့် မေလေးတို့ ထိုင်နေရာသို့ တောင်ပေါ်သား ရောက်လာပြီး မေးသည်။

ဟေ့ မိုးခါး၊ နင့်အကြိုက်ဆုံးပန်းက ဘာပန်းလဲ
သစ်ခွလေ

ဟုတ်လား၊ ဟာဟ၊ ငါဖြင့် အဲ့ပန်းတွေနဲ့ အီးကုန်းတယ်။
မိုးခါးတင်းသွား၏။ မျက်စောင်း ၁၀ ခါ ထိုးပလိုက်သည်။ တောင်ပေါ်သားက

ဒါနဲ့ မမပြာကရော
ငါလား၊ ငါ့လို နူးနူးညံ့ညံ့ ယုဇနပန်းလေးတွေ ပေါ့ဟယ်

ဟုတ်လား၊ ဟေဟေ့၊ ကျွန်တော်ဖြင့် အဲဒါ အိမ်သာထဲမှာသုံးတာပဲ
မမပြာ အကြီးမို့ ရယ်ချင်ယောင်ဆောင်လိုက်ပြီး တောင်ပေါ့်ကို အတည် ခေါင်းခေါက်ပစ်လိုက်သည်။

ဒါနဲ့ မေလေး၊ နင်ကရော
အေးငါကြိုက်တာ Cactus လေ၊ နင်အိမ်သာသုံးချင်ရင် သုံးပေါ့

Credits to http://static.howstuffworks.com/gif/prickly-pear-cactus-1.jpg

၃)သေချာပြီ
အမဲလိုက် မုဆိုးကျော် ၂ ယောက်ဖြစ်သော စည်သူနှင့် ဆောင်းချမ်းမိုးတို့ ၂ ယောက် သေနတ်ကိုယ်စီကိုင်ပြီး တောနက်ထဲသွားကြသည်။

တစ်နာရီခန့်လမ်းလျှောက်မိသောအခါ ဆောင်းချမ်းမိုးက
ဟေ့ကောင်စည်သူ၊ ငါကောင်းကောင်း နေမကောင်းချင်ဘူးကွာ

စည်သူက
အေး၊ အဲဒါဆိုလဲ ပြန်နားကြတာပေါ့ကွာ

သူတို့ အပြန်လမ်းတွင် ၁၅ မိနစ်ခန့်လျှောက်မိသောအခါ ဆောင်းချမ်းမိုးတစ်ယောက် မူးလဲသွားတော့သည်။ စည်သူတစ်ယောက် စိတ်ပူပြီး 911 ကိုလှမ်းခေါ်သည်။

အော်ပရေတာက ဖုန်းဖြေသည်။
911 ကပါ၊ ဘာကိစ္စများ ရှိလို့ပါလဲ

ဒီမှာဗျာ ကျွန်တော့်သူငယ်ချင်း တစ်ယောက် Heart Attack ရပြီး မူးလဲသွားတယ်၊ ကျွန်တော်တော့ သူသေပြီ ထင်တာပဲ

အော်ပရေတာက ပြန်ဖြေသည်။
ဟုတ်၊ ပထမဆုံးအနေနဲ့ သူသေသွားပြီဆိုတာ သေချာဖို့လိုပါတယ်

စည်သူက
ဟုတ်ပြီဗျာ၊ ခဏစောင့်

အော်ပရေတာ သေနတ်ပစ်သံ တစ်သံကို ဖုန်းထဲက တဆင့်ကြားလိုက်ရသည်။ ထို့နောက် စည်သူ့အသံပေါ်လာသည်။

ကဲ သူသေတာ သေချာပြီဗျ၊ ဘာဆက်လုပ်ရမလဲ ပြောပါ

၎)ဥ ဇာတ်လမ်း

ဦးရှင်ကြီးနှင့် တောင်ပေါ်သားတို့က အိမ်နီးနားချင်းများ ဖြစ်ကြသည်။ ဦးရှင်ကြီးက ဥစားကြက်မလေး တစ်ကောင်မွေးထားသည်။ တစ်နေ့သောအခါ ဦးရှင်ကြီး ကြက်ဥကောက်ရန် အသွား ကြက်မလေးက တောင်ပေါ်သားတို့ အိမ်ဘက်တွင်ဥထားသည်ကို တွေ့ရသည်။

ဦးရှင်ကြီးက ကြက်ဥကို ပေးရန်ပြောသောအခါ တောင်ပေါ်သားက သူ့အိမ်ထဲမှာ အုသောဥဖြစ်၍ မပေးနိုင်ဟု ဆိုသည်။ သူုတို့အတန်ကြာ ငြင်းခုန်ကြပြီးနောက် ဦးရှင်ကြီးက ပြောသည်။

ငါတို့ မျိုးရိုးမှာက အကျင့်တစ်ခုရှိတယ်ကွ၊ အငြင်းအခုန်ဖြစ်လာပြီ တစ်ယောက်နဲ့ တစ်ယောက် တစ်လှည့်စီ ကန်တယ်၊ အမြန်ဆုံး ပြန်ထနိုင်တဲ့ အကောင်နိုင်တာပဲ

တောင်ပေါ်သား သဘောတူလိုက်သည်။ ဦးရှင်ကြီးက အရင်စကန်ရမည် ဖြစ်သည်။ ဦးရှင်ကြီးက Boot ကြီးကို စီးပြီးနောက် တောင်ပေါ်သားကို ပြေးကန်ပစ်လိုက်သည်။ တောင်ပေါ်သား အရှိုက်ကို ထိသွားသဖြင့် နာရီဝက်လောက် မှောက်နေရသည်။ ပြီးမှထလာပြီး

အေးခုတစ်ခါ၊ ကျုပ်ကန်ရမည့် အလှည့်

ထိုအခါ ဦးရှင်ကြီးက

အေး၊ အဲ့ကြက်ဥကို မင်းပဲ ယူထားလိုက်၊ ကန်မနေနဲ့တော့၊ မင်းနိုင်တယ်

ဒီအောက်က ဟာသကတော့ ဘာသာပြန်ရင် ပျက်သွားမှာစိုးလို့ သူ့အတိုင်းပဲကူး လိုက်ပါတယ်။

Mississippi

A bus stops and two Asian men get on. They seat themselves, and engage in animated conversation. The lady sitting behind them ignores their conversation at first, but she listens in horror as one of the men says the following:

“Emma come first. Den I come. Two asses, dey come together. I come again. Two asses, dey come together again. I come again and pee twice. Then I come once-a more.”

“You foul-mouthed swine,” retorted the lady indignantly.
“In this country we don’t talk about our sex lives in public!”
“Hey, cool down lady,” said the man. “I’m just telling my friend how to spell Mississippi.”

ညီအစ်ကို မောင်နှမအားလုံး ရွှင်လန်းချမ်းမြေ့ကြပါစေ..

ခင်မင်စွာဖြင့်
သီဟသစ်

ချစ်သူသိလား ရှေးရေစက်တွေ ဘယ်သူဖျက်ဖျက် မပျက်နိုင်ပေ - ဇာတ်သိမ်း

2009-11-24T00:29:00.004+08:00

ရဲထွဋ် နှင့် ပြာပြာ တို့ အခြေအနေ အီလည်လည်ကြီး ဖြစ်နေသည်ကို သူငယ်ချင်းများ စိတ်မရှည်တော့။ သူတို့ အချင်းချင်း အရွဲ့တိုက်ကုန်ကြရင် ပိုဆိုးကုန်တော့မည် ကို သိကြသည်။ သီဟသစ် ဦးဆောင်၍ စင်္ကာပူ သူငယ်ချင်းတစ်ခု Red Blue Operation ကြီးကို စတင်မည် ဟုစဉ်းစားကြလေသည်။ သီဟသစ်၏ သူငယ်ချင်း ဟင်းချက်ကောင်းသော မိုးကောင်းသူတို့ အိမ်မှာ စု၍ မုန့်လုပ်စားမည် စီစဉ်ကြသည်။ ရဲထွဋ်နှင့် ပြာပြာတို့ကတော့ တစ်ယောက်စီ သီးသန့်လာကြပြီး ပုံမှန်ပဲ နေနေကြသည်။ စားပြီးသောက်ပြီး အေးအေးဆေးဆေး မြန်မာပြည်က ၀ယ်လာသော Korea ကား ဇာတ်လမ်းတွဲ DVD ကြည့်မိသော အခါ ပြဿနာ စလေသည်။ ကိုရီးယားကား ထုံးစံ သရုပ်ဆောင်ကောင်းသော ဗီလိန် အမျိုးသမီးကို ကြည့်ရင်း ရဲထွဋ်က ဘာမဆိုင် ညာမဆိုင် ထပြော၏။
“ကောင်မလေးတွေက မာယာများတယ်နော်”

ပြာပြာတစ်ယောက် သူ့ကို စောင်းပြောသည် ထင်ပြီး တင်းသွားသည်။
“မာယာများတယ်၊ ရိုးသားတယ်၊ မကောင်းဘူး၊ ကောင်းတယ် ဆိုတာက ကျား၊မ၊ လူမျိုး၊ ဘာသာတရားတွေ အပေါ်မှာ မမူတည်ပါဘူး ရဲထွဋ်ရဲ့၊ လူတစ်ယောက်ချင်းစီနဲ့ ဆိုင်တာပါ”

ရဲထွဋ်တစ်ယောက် ပခုံးတွန့်ပြရင်း
“ဟုတ်လို့လား၊ ငါတော့ တစ်ခါခံခဲ့ရဖူး ကတည်းကတိုင် အဲလိုထင်တာပဲ”

ပြာပြာစိတ်အတော်ဆိုးသွားသည်။ မျက်ရည်ပိုးပိုး ပေါက်ပေါက်ကျလာပြီး
“ရဲထွဋ်၊ နင်တော်တော် အသည်းမာတယ်နော်၊ ငါရှင်းပြတာကို ဘယ်တုန်းကမှ နားမထောင်ခဲ့ဘူး။ ငါ့ကို အမြဲမှားတယ် ထင်နေတာပဲ”

သူငယ်ချင်းများ ၀ိုင်းဖြန်ဖြေကြသဖြင့် စကားစပြတ်သွားသည်။ ပြာပြာလည်း ချက်ချင်း ပြန်သွားသည်။ ညပိုင်း ယောက်ျားလေး သူငယ်ချင်းများ စု၍ ၀က်တုပ်ကွေး ကာကွယ်ဆေး သောက်ကြသောဝိုင်းတွင် ရဲထွဋ်ကို ၀ိုင်းကျပ်ကြတော့သည်။
“ဟေ့ကောင် ရဲထွဋ်၊ ပြာပြာ့ကို ချစ်သလား၊ မချစ်ဘူးလား”
“ချစ်တယ် ဆိုရင်ကော၊ မချစ်ဘူး ဆိုရင်ကော”

“ဟေ့ကောင်၊ဝေ့လည်လည် လုပ်မနေနဲ့ကွာ စိတ်မရှည်ဘူး၊ ဒီနေ့ မင်းပြာပြာ့ကို ပြောလိုက်တာလဲ နည်းနည်းလွန်တယ်နော်”
“အမှန်အတိုင်း ပြောရရင် အတိတ်တုန်းက ငါခံခဲ့ရတာကို အကြောက်မပြေသေးဘူးကွ”

“မင်းဟာ မဟုတ်သေးပါဘူးကွာ၊ အဲဒါပြောရရင် ကျောင်းတက်တုန်းက အရွယ် ငယ်သေးတာပဲကွ၊ မှားတတ်တဲ့ အရွယ်တွေပဲကို၊ ခုက မင်းတို့ ၂ ယောက်လုံး တည်ငြိမ်ရင့်ကျက်တဲ့ အရွယ် ရောက်နေပြီပဲကွ”
“အေးလေ၊ စောင့်ကြည့်သေးတာပေါ့”

“စောင့်ကြည့်တာလဲ မြန်မြန်ကြည့်တော့၊ တော်ကြာ ဟိုက စိတ်မရှည်ဘဲ အရွဲ့တိုက်ပြီး စည်သူ့နောက်ပါသွားအုံးမယ်၊ ဒါနဲ့စကားမစပ် ဟိုကောင်မလေး မြနဲ့ မင်းနဲ့က ဘယ်လိုတွေလဲ”

“ရိုးရိုးသားသားပါကွာ၊ သူက သူ့အိမ်မှာ အငယ်ဆုံးမို့ တွေ့တဲ့သူကို နွဲ့ဆိုးဆိုးတတ်တာပါ”
“အေးပေါ့လေ၊ မင်းစကားမှန်ပါစေ”

ရဲထွဋ်တစ်ယောက်လည်း မျက်ရည်များနှင့် ပြာပြာ့မျက်နှာကို ပြန်မြင်ယောင်ရင်း စိတ်မကောင်း ဖြစ်နေသည်။ ထိုည ပြာပြာ့ကို Gtalk မှာလည်း မတွေ့၊ Phone ဆက်တော့လည်း မကိုင်ပေ။ နောက်တစ်ပတ်ကျော်လောက်မှ Facebook ၏ Chat List ထဲမှာ ပြာပြာ ခဏပေါ်လာတာကို ဇွတ်စကား သွားပြောရ၏။ ပြာပြာတစ်ယောက် ဘာမှ ပြန်မပြောသော်လည်း Chatting ကို offline တော့ လုပ်မသွားပေ။ (သူ့ဘာသာသူ ကောက်စိုက်နေလို့ အလုပ်များနေသလားတော့ မပြောတတ်။)နောက်နှစ်ပတ်ကျော်၊ သုံးပတ်လောက်မှ နည်းနည်းချင်း ပြန်ပြောသည်။ ခုတစ်ခါတော့ ရဲထွဋ်တို့ အသည်းအသန် ချော့ရတဲ့ အလှည့်ဖြစ်သည်။

Red Blue Operation ၏ ပထမ အဆင့်က ဘယ်လိုမှ မထိရောက်သဖြင့် သီဟသစ်တို့ အဖွဲ့ နောက်တစ်ဆင့်ကို ထပ်စီစဉ်ကြသည်။ အားလပ်ရက်တစ်ရက် East Coast ကမ်းခြေတွင် Bungalow တစ်ခုငှား၍ B.B.Q လုပ်စားရန် စီစဉ်ကြသည်။ အစီအစဉ်က ဘာဘီကျူးစားပြီး ဂစ်တာတီး သီချင်းဆိုကြပြီး မိန်းခလေး တစ်ခန်း သတ်သတ်၊ ယောက်ျားလေး တစ်ခန်းသတ်သတ်စီ အိပ်ကြရန် ဖြစ်သည်။

သီချင်းများ ဆိုကြပြီးနောက် ကမ်းခြေတစ်လျှောက် လမ်းလျှောက်ကြချိန် သူငယ်ချင်းများက မသိမသာ ပြာပြာနဲ့ ရဲထွဋ် တို့ ၂ ယောက်တည်း ကျန်ခဲ့အောင် ထားခဲ့ကြသည်။ ရဲထွဋ်က ပြာပြာ့ကို

“ပြာပြာ၊ ဟိုနေ့က အပြောမှားခဲ့ မိတဲ့ အတွက်ရော၊ ဟိုးအရင်က ပြာ့ကို အထင်မှားမိတဲ့ အတွက်ရော ခွင့်လွှတ်ပါနော်၊ ကိုယ် ပြာ့ကို အရမ်းချစ်တယ်”
“ရဲထွဋ် ပြောတာ နောက်ကျသွားပြီကွယ်”

ရဲထွဋ်တစ်ယောက် မျက်နှာငိုင်ကျသွားသည်။ ထိန်းထားသော အသံတုန်တုန်ဖြင့်
“ရှိပါစေတော့ ပြာရယ်၊ ကိုယ့်ထိုက်နဲ့ ကိုယ့်ကံပဲပေါ့”

ပြာပြာက ပြုံးစစဖြင့်
“အင်း၊ ရဲထွဋ်တစ်ယောက် ဒီ.စကားကို ဘယ်တော့မှ ဆုံးအောင် နားမထောင်တဲ့ အကျင့်က ဘယ်တော့မှ ပျောက်မလဲ မသိ၊ နောက်ကျသွားပြီ ဆိုတာက ရဲထွဋ် မပြောခင် ကတည်းက ပြာက ခွင့်လွှတ်ပြီးသား လို့ ပြောတာ..”

ရဲထွဋ်တစ်ယောက် ထခုန်မတတ် ၀မ်းသာသွားပြီး
“ဟင်ပြာ.. ပြာ၊ ကို့ကို ချစ်သေးတယ် ပေါ့နော်၊ အဲဒါနဲ့များ နောက်လိုက်တာ၊ လူဆိုးမကြီး”

သူငယ်ချင်းများလည်း သူတို့ကို ကြည့်၍ ပျော်နေကြသည်။ ချစ်ရဲ့သားနှင့် ပဲများနေကြသော နှစ်ယောက် အဲလိုမှ ပြန်အဆင်မပြေကြရင်လည်း Red Blue Operation ၏ နောက်ဆုံးအဆင့်အရ ကြိုးတုပ်ပေးစားဖို့ပဲ ကျန်တော့သည်။ ကိုယ်စီအိမ်သို့ ပြန်ကြပြီးနောက် ရဲထွဋ်နှင့် ပြာပြာတို့က သူတို့အချစ်များ ခိုင်မြဲစေရန် တိုးပါးရိုး ဘုန်းကြီးကျောင်းတွင် ဆုတောင်းကြဖို့ ညနေပိုင်းတွင် တွေ့ရန် ချိန်းထားကြသည်။ ညနေပိုင်းရောက်သောအခါ ရဲထွဋ်တစ်ယောက် Toa Payoh MRT တွင် စောင့်နေသော်လည်း ပြာပြာကား ပေါ်မလာတော့။ ရဲထွဋ်ဖုန်းလှမ်းဆက်သော်လည်း ဖုန်းကမ၀င်ပေ။ ရဲထွဋ်တစ်ယောက်တော့ ပြာ့ကို ချစ်တဲ့စိတ်တွေနဲ့ ပြာယာခတ်နေလေသည်။

တကယ်တော့ ဦးစိုင်းစိုင်းက အရေးတကြီး ဖုန်းဆက်လှမ်းခေါ်သဖြင့် ပြာပြာ တစ်ယောက် ကောက်ကာငင်ကာ ပြန်သွားရခြင်းဖြစ်သည်။ နေ့လည် Silk Air Flight မှာ ဂိုးရှိုးဖြင့် ချက်ချင်းလိုက်သွားရသဖြင့် ရဲထွဋ်ကို ဆက်သွယ်ဖို့ အချိန်မရခြင်း ဖြစ်သည်။

ရန်ကုန်ပြန်ရောက်၍ ဦးစိုင်းစိုင်းနှင့် သမီးပြာပြာတို့ တွေ့ကြသောအခါ ဦးစိုင်းစိုင်းက
“ငါ့သမီး ပိန်သွားပါလား၊ အချိန်မှန်မှန်ရော စားရဲ့လား”
“စားပါတယ် ဖေဖေ၊ မိုးရွာရွာ နေပူပူ အချိန်မှန်မှန် စားပါတယ်” (ကွမ်းတွေ)

“အေးအေး၊ အချိန်မှန်ရော အိပ်ရဲ့လားဟ”
“ဟုတ်ကဲ့ ဖေဖေ ပုံမှန်အိပ်ပါတယ်” (မနက် ၄နာရီ၊ ၅ နာရီ)

“ဖေဖေလဲ ဝလာလိုက်တာ၊ ဝက်တုပ်ကွေးပျောက်ဆေးတွေ သောက်တာများတယ် ထင်ပါ့”
“ကောင်မလေးနှယ်၊ ပေါက်ပေါက်ရှာရှာ၊ ငါ ရေနွေးကြမ်းအအေးကို ရေခဲထည့်သောက်တာ များလို့ပါဟ”

ရဲထွဋ်တစ်ယောက်မှာတော့ ပြာပြာတစ်ယောက် ဖုန်းမဆက်ပဲ ပျောက်သွားသဖြင့် ခေါင်းမီးတောက်နေလေသည်။ ပြာပြာ့ဆီ ဖုန်းခေါ်ကြည့်တော့လည်း မရပေ။ တစ်ညလုံး ကောင်းကောင်း အိပ်မပျော်ပဲ မနက်ပိုင်းမှ မှေးခနဲ အိပ်ပျော်သွားသော ရဲထွဋ် ဖုန်းမြည်သံကြောင့် အိပ်ရာမှ နိုးလာလေသည်။

“ကိုလားဟင်”
“ဟင်ပြာ..ပြာ၊ ဘယ်ကိုရောက်သွားတာလဲ၊ ကို့မှာ စိတ်ပူလိုက်ရတာ”

“ပြာဘာမှ မဖြစ်ပါဘူး ကိုရယ်၊ ဖေဖေက ပြာ နဲ့ တွေ့ချင်တယ် ဆိုလို့ အရေးတကြီး ဖုန်းဆက်ခေါ်လို့ ရန်ကုန်ပြန်ခဲ့တာပါ၊ ကို့ဆီ ဖုန်းဆက်ဖို့ကို အဆင်မပြေဘူး၊ လောလော..လောလောနဲ့ သွားရတာဆိုတော့”
“ပြာဘယ်တော့ ပြန်လာမလဲ ဟင်”

“မပြောတတ်သေးဘူးကို၊ ဖေဖေ ပြန်လွှတ်မှ ပြန်လာခဲ့မှာ”
“အား...၊ ကိုတော့လွမ်းနေရတော့မှာပဲ”

နောက်ဆုံးမတော့ ရဲထွဋ်တစ်ယောက် သူ့ဘဝမှာ ပြာမရှိရင် မဖြစ်တော့ဘူး ဆိုတာ သိသွားပြီ။ ရန်ကုန်လိုက်မည် လုပ်တော့သည်။ လေယျာဉ်ပေါ်မှာ “ကိုယ်လာပြီ ပြာ့ဆီကို” ဆိုပြီး သီချင်းလေးများတောင် ဆိုလိုက်သေး၏။ ရန်ကုန်မြို့ စိန်တောင်ကြားရှိ လှပခမ်းနားသော ပြာပြာတို့ အိမ်ကြီးသို့ရောက်သောအခါ .. အိမ်ဖော်အမျိုးသမီးက ခေါ်ပေးသဖြင့် ပြာပြာနှင့် ဦးစိုင်းစိုင်းတို့ ဧည့်ခန်းထဲသို့ ရောက်လာကြလေသည်။

ပြာတစ်ယောက် ရဲထွဋ်ကို မမျှော်လင့်ပဲ တွေ့လိုက်ရသဖြင့် ၀မ်းသာသွားပြီး “ကို” ဟု လှမ်းခေါ်လိုက်သေးသည်။ နောက်မှ ဦးစိုင်းစိုင်းကို သတိရပြီး အရှိန်သတ်လိုက်သည်။ ဦးစိုင်းစိုင်းက ရဲထွဋ်ကို

“မောင်ရင်က ဘယ်သူလဲကွဲ့”
“ကျွန်တော် ရဲထွဋ်ပါ”

“မောင်ရင်က ဘာအလုပ်များ လုပ်သလဲကွဲ့”
“ကျွန်တော် စင်္ကာပူမှာ Software Engineer လုပ်ပါတယ်”

“အော၊ ဦးက နိုင်ငံခြားမှာ အလုပ်လုပ်နေတဲ့ လူငယ်တွေကို မယုံဘူး၊ အထင်လည်း မကြီးဘူးကွဲ့”
“ဟုတ်ကဲ့၊ ကျွန်တော်လည်း မြန်မာနိုင်ငံမှာ ကြီးပွားချမ်းသာနေတဲ့ လူကြီးတွေကို ယုံလည်းမယုံဘူး၊ အထင်လည်း မကြီးဘူး ခင်ဗျ”

“ဟုတ်ပြီ၊ စိတ်ထဲရှိတာ ပွင့်ပွင့်လင်းလင်း ပြောရဲတာကို သဘောကျတယ်၊ မောင်ရင် လာတာ ဘာကိစ္စများလဲကွဲ့”
“ဟုတ်၊ အရေးအကြီးဆုံး ကိစ္စကတော့ ဦးရဲ့ သမီး ပြာပြာ့ကို လက်ထပ်ခွင့်ပြုပါ”

“ကဲမောင်ရင် ဦးရဲ့သမီးကို ဘာကြောင့် မင်းနဲ့ လက်ထပ်ခွင့်ပေးသင့်တယ် ဆိုတာ ပြောစမ်းကွာ”
“ဘာကြောင့်လဲ ဆိုတော့ ဦးရဲ့သမီးကို ကျွန်တော် တစ်သက်လုံး တန်ဖိုးထားပြီး ချစ်ခင်သွားမှာမို့ပါ၊ ကျွန်တော့်ရဲ့ ဘတစ်ခုလုံးကို သူ့ရဲ့လက်မှာ နှင်းအပ်ချင်လို့ပါခင်ဗျာ၊ ကျွန်တော်သူ့ကို သိပ်ချစ်လို့ပါ”

ပြာပြာတစ်ယောက် ပျော်ရွှင်မျှော်လင့်စွာဖြင့် သူ့အဖေ ဦးစိုင်းစိုင်းကို ကြည့်လိုက်သည်။ ဦးစိုင်းစိုင်းက
“အေးကွာ၊ အဲဒီအကြောင်းပြချက်ကို ငါသဘောကျတယ်၊ ငါသဘောတူသကွာ၊ မင်းလူကြီးစုံရာနဲ့သာ လာတောင်းရမ်းလှည့်ပေတော့၊ အေးတစ်ခုတော့ ရှိတယ်၊ မင်းကို ငါစကားတည်မတည် တစ်သက်လုံး စောင့်ကြည့်နေမယ်”
“ဟုတ်၊ရပါတယ် ခင်ဗျာ”

နောက်တစ်လတွင်တော့ ညီအစ်ကို မောင်နှမ များထံသို့ အောက်ပါဖိတ်စာလေး ရောက်ရှိလာတော့သည်။ စာလာဖတ်ဖြစ်သော ညီအစ်ကို မောင်နှမ အားလုံးကိုလည်း ဖိတ်ကြားအပ်ပါသည်။ (ဆောင်းချမ်းမိုးက “အချစ်ရှုံးသမား ဒဿဆောင်းဆောင်း”သီချင်းဖြင့် လည်းကောင်း၊ စည်သူက “သားလေးမွေးရင် ကိုယ့်နာမည် ပေးပါ” သီချင်းဖြင့် လည်းကောင်း၊ ကိုအင်ဒရူးက “ကျော်တော့ လှေသူကြီး၊ ညားတော့ လှေထိုးသား” သီချင်းဖြင့် လည်းကောင်း၊ မြက “အသည်းနှလုံးလေး လက်ဖွဲ့လိုက်တယ်” သီချင်းဖြင့် ကိုယ်စီ ဖျော်ဖြေကြမည် လို့ ကြားသိရပါသည်။)

စာများကို လာဖတ်ပေးကြသော ညီအစ်ကို မောင်နှမအားလုံး နှင့် ဇာတ်လမ်းတွင် နာမည် အသုံးပြုခွင့်ပေးသော ညီအစ်ကို မောင်နှမ အားလုံးကို အထူးကျေးဇူးတင်ပါသည်။

ဖိတ်စာဒီဇိုင်းကို စိတ်ရှည်လက်ရှည်လုပ်ပေးသော ညီလေး ဆောင်းချမ်းမိုး အား အထူးကျေးဇူးတင်ပါသည်။

အားလုံး ရွှင်လန်းချမ်းမြေ့ကြပါစေ

ခင်မင်စွာဖြင့်
သီဟသစ်

P.S
ခက်ဆစ်။ ။
၁) ၀က်တုပ်ကွေး ကာကွယ်ဆေး = ၀က်ကို နိုင်သော ကျား (သို့) Tiger
၂) ရေနွေးကြမ်းအအေး = ရေနွေးကြမ်း အရောင် ရှိသော အရည်တစ်မျိုး၊ ယမကာ ဟုလည်း ခေါ်ကြသည်။

ချစ်သူသိလား ရှေးရေစက်တွေ ဘယ်သူဖျက်ဖျက် မပျက်နိုင်ပေ - အပိုင်း (၅)

2009-11-21T23:58:00.002+08:00

အပိုင်း ၁
အပိုင်း ၂
အပိုင်း ၃
အပိုင်း ၄

ရဲထွဋ်တစ်ယောက်ကတော့ စင်္ကာပူကို ရောက်တာ နည်းနည်းကြာလာပြီ ဖြစ်၍ နေသားကျ နေပြီဖြစ်သည်။ ကောင်းကင်ကြီးကို မော့ကြည့်မိတိုင်း ပြာပြာ့ကို သတိရသော်လည်း စိတ်နာနာနဲ့ ချစ်နေမိတယ် ဆိုတဲ့ သီချင်းလေး အတိုင်း ဖြစ်နေသည်။ “တစ်ခါ အခွန်ဆောင်ဖူး သံရုံးအကြောင်း နားလည်”၊ “ကောမန့်(သို့)စီဘောက်စ် မှန်ဖူးတဲ့ ဘလော့ဂါ” စတဲ့ စကားပုံ များလိုပဲ အချစ်ကို ကြောက်နေလေပြီ။ အလုပ်ကိစ္စဖြင့် ခရီးသွားရင်း Seattle မှာ ရောက်နေပြီ ဖြစ်သော ဘိုဘို့ ဆီ ဝင်လည်ဖြစ်တော့ ဘိုဘိုက ဒဏ်ရာဟောင်းတွေ တူးဖော်လိုက်သေးသည်။

ပြာပြာတစ်ယောက် စင်္ကာပူ သွားသောအခါ တစ်ယောက်တည်း ဖြစ်နေမှာ စိုးသဖြင့် ဦစိုင်းစိုင်း၏ တူဖြစ်သူ စင်္ကာပူကနေ ခဏပြန်လာသော ဏီကင်း နှင့် တူတူ သွားခိုင်းလိုက်သည်။ လေယျာဉ်ပေါ်တွင် လေယျာဉ်မယ်လေးများ ဖြစ်သော ကောင်းကင်ရဲ့ သမီးပျို၊ ဒဏ္ဍာရီ၊ နှင်းနှင့်မာယာ တို့ကို မြင်ရသော အခါ ဏီကင်းရဲ့ စိတ်တို့ လေဟုန်ကိုဆန် အဝေးဆုံးကို ပျံသွားပြီမို့ သူ့အစ်မ ပြာပြာကို ဂရုစိုက်ဖို့ သတိမရပြီ။ပြာပြာ စင်္ကာပူ စရောက်ရောက်ချင်း အိမ်ကို လွမ်းနေသော ဂျူနီယာလွင်ဦး၊ ပျော်ပျော်နေချင်တဲ့ မေခရမ်း ၊ မှားတတ်ပါတယ်လေ ဆိုတဲ့ မမီး တို့နှင့် အတူတူ နေဖြစ်သည်။

ကျောင်းမှာတုန်းက အငယ်တန်းက ကောင်မလေးဖြစ်သော နွေးနွေးသဲမွန်၏ မင်္ဂလာဆောင်တွင်ကား ကျောင်းက သူငယ်ချင်းဟောင်းတွေ တော်တော်များများ ပြန်ဆုံကြခါ Gathering ပုံစံမျိုးဖြစ်သွားလေသည်။ အငယ်တန်းက သူတွေထဲမှာ ရဲထွဋ်နှင့် တစ်ရုံးတည်းမှာ အတူတူလုပ်နေသော မြ (ခေါ်) မြရေလျဉ်၊ နောက်တီးနောက်တောက် စည်သူ၊ မွန်လေး တလနွန်၊ ကျောက်ပန်းတောင်းသားလေး ညီညီ တို့လည်း ပါလေသည်။ သူငယ်ချင်းများက ရဲထွဋ် နှင့် ပြာပြာတို့ကို စနောက်ချင် သော်လည်း သူတို့ ၂ ယောက်က ရုပ်တည်တွေ နေနေကြသဖြင့် အချင်းချင်းပဲ ကြိတ်ပြော နေကြရလေသည်။ အဲဒီမှာ သူငယ်ချင်းတွေ အားလုံး ဖုန်းနံပါတ်တွေ၊ mail address တွေ တစ်နေရာမှာ စုရေးဖြစ်သဖြင့် အားလုံးမှာ contact တွေတော့ ရသွားကြလေပြီ။

ပြာပြာက အနည်းငယ် သွက်သည် ထင်သော မြကို သိပ်ကြည့်မရပေ။ သူ့ဘာသာသူ သွက်တာ ဆိုရင် ပြာပြာနဲ့ မဆိုင်သော်လည်း ရဲထွဋ်ဘေးမှာ သွက်နေသောကြောင့် မျက်စိထောင့်နေခြင်းဖြစ်၏။ “ပို့စ်ကမလှုပ် ကောမန့်ကလှုပ် ” ဟုထင်သည်။ မြကလည်း ရိပ်မိသည်။ တစ်နေ့ MRT ပေါ်တွင် ပြာပြာနှင့် မြ ဆုံကြသော အခါ မြက

“ဒီမယ်၊ မမပြာ၊ နောက်ဆုတ်လိုက်ပါ”
“ဟေ့၊ နောက်မဆုတ်နိုင်ဘူး၊ ရဲထွဋ်က ငါ့အချစ်ဦး”

ပြာပြာက အနိုင်မခံချင်သော ညာဉ်ဖြင့် ပြန်ပြောလိုက်ခြင်း ဖြစ်၏။

“သမီးပြောတာ အဲဒါမဟုတ်ဘူး။ ဒီမယ် လူတွေကျပ်နေလို့ ရှေ့တို့းမရရင် တံခါးညပ်တော့မယ်။ နောက်ကို နည်းနည်းဆုတ်ခိုင်းတာ”

ပြာပြာ နည်းနည်းရှက်သွား၏။ နောက်တစ်ဘူတာအရောက် မြကို မျက်စောင်းထိုးပြီး ဆင်းသွားသည်။

မြက ရဲထွဋ်ဆီကို ဖုန်းဆက်၍ အလုပ်ကိစ္စ အကြောင်း၊ သွားစရာ နေရာတွေ အကြောင်းမေးလေ့ရှိသည်။ တစ်နေ့သောအခါ မြက ရဲထွဋ်ဆီ ဖုန်းဆက်ပြီး

“ကိုရဲ၊ သမီး တိုပါးရိုး ဘုန်းကြီးကျောင်းကို မသွားတတ်လို့ အဲဒါလိုက်ပို့ပေးအုံး”
“ဟေ၊ ထူးထူးဆန်းဆန်း၊ ဘုန်းကြီးကျောင်း ဘာသွားလုပ်မှာလဲ”

“အဲဒီမှာ ကပ္ပိယ လုပ်နေတဲ့ သမီးဘကြီး ဦးလစ်ဘရာထွန်း နဲ့ သွားတွေ့မလို့”
“အေးအေး ဒါနဲ့ Sentosa တို့၊ Palau Ubin တို့ ကိုယ့်ဘာသာကိုယ် သွားတတ်တယ်မို့လား”

“ဟုတ်၊ အဲဒါက သွားရတာ လွယ်တယ်လေ၊ လူတွေအများကြီးနောက် လိုက်သွားရုံပဲ”
“အေး အဲအတိုင်းပဲ သွားလိုက်၊ တိုးပါးရိုး ဘူတာကို သွား၊ မြန်မာစကားသံတွေ အများကြီး ကြားရတဲ့နောက်လိုက်၊ တွေ့လိမ့်မယ်၊ ငါမအားလို့ လိုက်မပို့တော့ဘူး”
“ဟွန့်”

စည်သူကလည်း ပြာပြာ့ဆီကို ဖုန်းတွေဆက်လေ့ရှိသည်။ တကယ်က စည်သူဆိုတာကလည်း ကျောင်းတုန်းက ပြာပြာကို အခါခါ ငေးခဲ့ဖူးသော သူများထဲတွင် ပါဝင်သူ တစ်ယောက် ဖြစ်သည်။ ဟေ့ ဆိုကတည်းက ရဲထွဋ်နှင့် ရည်းစားဖြစ်သွားသဖြင့် လက်လျှော့ခဲ့ခြင်း ဖြစ်သည်။

တစ်ရက်တွင်တော့ စည်သူက မွေးနေ့ အကြောင်းပြပြီး ထမင်းကျွေးဖိတ်သဖြင့် ပြာပြာနှင့် စည်သူတို့ ပင်နစူလာပလာဇာရှိ ရနံ့သစ် ထမင်းဆိုင်သို့ သွားကြသည်။ ဆိုင်ထဲ အရောက် တိုက်တိုက်ဆိုင်ဆိုင် တွေ့ရတာက ရဲထွဋ်နှင့် မြတို့ ဖြစ်နေသည်။ မြ နှင့် ပြာပြာတို့ ဟင်းသွားမှာနေခိုက် ရဲထွဋ် တစ်ယောက် စည်သူ့နားသွားပြီး

“ဟေ့ကောင် စည်သူ၊ ပြာပြာ့ကို မင်းတွဲခဲ့ဖူးတဲ့ ကောင်မလေးတွေလို သွားမလှည့်စားပါနဲ့၊ သူက အဲလိုမဟုတ်ဘူး”
“ဗျာ အဲဒါ ခင်ဗျားကိစ္စ လားဗျ”

“ပြာပြာနဲ့ ငါရဲ့ ကျောင်းတုန်းက ဇာတ်လမ်းရှိတာ မင်းမသိဘူးလား”
“တစ်ကျောင်းလုံး သိသားပဲ၊ အတိတ်က အတိတ်မှာ ကျန်ခဲ့ပြီပဲဗျ၊ စိတ်လျှော့လိုက်တော့”

ဟင်းမှာရာက ပြန်လာသော ပြာပြာ နှင့် ရဲထွဋ်တို့ မျက်လုံးချင်း ဆုံကြသော အခါ နာကြည်း ကြေကွဲသော အကြည့်များဖြင့် အပြန်အလှန်ကြည့်ကြပြီး မကြည်ပြုံးများ ပြုံးပြကြသည်။ (ဒီနေရာတွင် သူတို့မည်သို့ သရုပ်ဆောင်မည်ကို သီဟသစ် မသိချေ :P )

အိမ်ပြန်ရောက်တော့ Gtalk ပေါ်မှာ တွေ့ကြသောအခါတွင်ကား အခါတွင်ကား ပြာပြာနဲ့ ရဲထွဋ်တို့ ပေါက်ကွဲကြလေပြီ။
“ဟွန်း အလုပ်သွားတယ် ဆိုပြီး ကောင်မလေးတွေနဲ့ လျှောက်သွားနေတာ နေမှာ”
“ဟ၊ ငါတို့က Client Site ကို ကိစ္စ ရှိလို့ သွားတာ၊ အပြန် ညစာစားချိန်မို့ City Hall မှာ ထမင်းဝင်စားတာ၊ မင်းကရော ဘာကိစ္စ စည်သူနဲ့ အတူရှိနေရတာလဲ”

“သူ့မွေးနေ့ မို့လို့ ကျွေးချင်တယ် ဆိုလို့ လိုက်ကျွေးတာ၊ နေပါအုံး ကျွန်မကို ရှင်းပြနေရအောင် ရှင့်ကို ဘယ်သူမေးနေလို့လဲ”

“မင်းက ငါ့ကို မေးတာကိုး၊ မင်းကရော ဘာလို့ ရှင်းပြနေတာတုန်း”
“ရှင်ကရော ဘာလို့မေးတုန်း၊ ရှင်နဲ့ ကျွန်မ က ဘာတွေလဲ”

“ဘာမှ မဟုတ်ဘူးကွာ”
“ဟွန်း၊ ပြီးတာပဲ”

နှစ်ယောက်သား အပြိုင်အဆိုင် Invisible Mode သို့ ပြောင်းပြီး နေနေကြသည်။ တစ်ယောက်နဲ့ တစ်ယောက် ကြည့်လည်းကြည့်မရ သို့သော် တွေ့လည်းတွေ့ချင် သောကြောင့် Block လုပ်မပစ်ကြချေ။ ဒီကြားထဲ သူငယ်ချင်း သီဟသစ် ရဲ့ Gtalk Status က စာသား “The more you hate, the more you love” ကိုတွေ့ကြရသောကြောင့် မဲ့ပြုံးပြကြရသေးသည်။

နှစ်ယောက်သား ချစ်ခဲ့ဖူးကြသော်လည်း စိတ်နာနာဖြင့် ခွဲခဲ့ကြသော ချစ်သူ ၂ ယောက်အဖို့ ပြန်ပေါင်းထုပ်ရန် ကိစ္စမှာ ထင်သလောက် မလွယ်ချေ။ ရဲထွဋ်တစ်ယောက် မြရဲ့ နှောင်ဖွဲ့မှုက ရုန်းထွက် နိုင်မှာလား၊ ပြာပြာတစ်ယောက်ကရော စည်သူရဲ့ ဗျူဟာတွေထဲနေ လွတ်မြောက်နိုင်မှာလား ဆိုတာတော့ သူတို့ကိုယ်တိုင်ပဲ သိကြပါလိမ့်မည်။

ခင်မင်စွာဖြင့်
သီဟသစ်

P.S နောက်တစ်ပိုင်းဆိုရင် ဇာတ်သိမ်းမည် စိတ်ကူးထားပါသည်။ ညီအစ်ကို မောင်နှမ အားလုံးကို နာမည်တွေ သုံးခွင့်ပေးလို့ ကျေးဇူးတင်ပါသည်။

ချစ်သူသိလား ရှေးရေစက်တွေ ဘယ်သူဖျက်ဖျက် မပျက်နိုင်ပေ အပိုင်း (၄)

2009-11-16T22:33:00.001+08:00

အပိုင်း ၁
အပိုင်း ၂
အပိုင်း ၃

Credits to http://2.bp.blogspot.com/_3_2FCxXqZPQ/SJCLRCvb3LI/AAAAAAAACXM/9bk8zvGwovk/s400/broken-heart-cards-3.jpg

နောက်တစ်ပတ် ရဲထွဋ်ကျောင်းပြန်တက်သောအခါ အတန်းက သူငယ်ချင်းတွေက ပြုံးစိ ပြုံးစိ ကြည့်နေကြသဖြင့် ရဲထွဋ်တစ်ယောက် ဘာတွေဖြစ်ကုန်လဲ မစဉ်းစားတတ် ဖြစ်နေသည်။ အဖွဲ့ကို မေးသော်လည်း ဝေ့ဝိုက်နေကြသဖြင့် စိတ်မရှည်တော့ပဲ တစ်နယ်တည်းသား သူငယ်ချင်းဖြစ်သော ကြည်ဖြူပိုင့်ကို သွားမေးသည်။ ဟိုတစ်ယောက်ကလည်း သူ့ဘာသာသူ စာတွေနှင့် ခေါင်းရှုပ်နေသဖြင့် မရှိဘူး၊ မသိဘူး သွား လုပ်လိုက်သည်။ နောက်မှ ကျောင်းမှာ အပ်ကျတာက အစ သိသည်ဆိုသော မောင်ငယ် ကို သူဂိမ်းဆော့နေသော ကွန်ပြူတာစက်ခန်းထဲ လိုက်မေးရသည်။ ထိုအခါကျမှ ပြာပြာက ရဲထွဋ် နှင့် ပတ်သက်၍ မဟုတ်က ဟုတ်က တွေ ပြောထားကြောင်း သိရသည်။ (မည်သို့ မဟုတ်က ဟုတ်က များ ပြောသည်ကိုကား အတိအကျ မပြောတော့ပါ။ ဇာတ်လမ်းက ရဲထွဋ်နှင့် ပြာပြာက သီဟသစ်ကို ဘာမှ မလုပ်နိုင်သော်လည်း အပြင်က ရဲထွဋ်နှင့် ပြာပြာက သီဟသစ်ကို ရန်ပြုနိုင်သောကြောင့် ဖြစ်၏။ :P)

ကြေကြေကွဲကွဲ စိတ်ညစ်စွာ ထိုင်နေသော ရဲထွဋ်ကို ဘိုဘို တစ်ယောက်ကြည့် မနေနိုင်တော့ပေ။ ပြာ့ပြာ့ကို သွားရှင်းပြမယ် ဆိုပြီး ထွက်သွားသည်။

“ဟေ့ပြာပြာ၊ ရဲထွဋ် နဲ့ ပတ်သက်ပြီး ဘာတွေ လျှောက်ပြောတာလဲ”
“ဒါ ငါ့အပိုင်းပါ၊ သူက ငါ့မာန စပြီး တူးဆွသွားတာပဲ၊ ငါတော်တော် စိတ်ဆိုးတယ်”

“အေးအဲဒါကို ရှင်းပြချင်လို့ လာတာပဲ၊ ရဲထွဋ် နင့်အိတ်ထဲက mp3 player လေးကို တွေ့ပြီး နားထောင်ဖြစ်သွားတယ်”
“ဟမ်၊ ဒါဆို..ဒါဆို”

(ဤနေရာတွင် အရင်က သီချင်းဟောင်းဖြစ်သော ဂရေဟမ် နှင့် ချောစုခင်တို့ရဲ့ သီချင်းဖြစ်သော “နှလုံးသား ရှိတဲ့ အရပ်” သီချင်းမှ “ပြန်လည် တောင်းပန်ချင်ခဲ့မိ နာကျင်စေခဲ့ မင်းအသည်းမှာ” စာသားနောက်ခံဖြင့် ပြာပြာ တစ်ယောက် ကြေကွဲနေဟန်ကို မြင်ယောင်ကြည့်ကြရန်။ စစ်ကိုင်းတံတား ကြီးပေါ်တွင် ဝမ်းနည်းစွာဖြင့် လျှောက်နေသော ပြာပြာ၊ တောင်သမန်အင်းဘေးတွင် လှေပေါ်မှာ ငူငူကြီး ထိုင်နေသော ရဲထွဋ် စသဖြင့် စသဖြင့် .. မြင်ယောင်ကြရန်။

မှတ်ချက်။ ။ ကဗျာဆန်စေရန် အတွက်သာ ထည့်ထားခြင်းဖြစ်သည်။ တကယ်ကတော့ ဝက်သားတုတ်ထိုးများ အားပါးတရ စားနေသော ပြာပြာ၊ လက်ဖက်သုပ်များ ပက်ပက်စက်စက် စားနေသော ရဲထွဋ်တို့ကို သူငယ်ချင်းများ တွေ့နိုင်သည်။)

နောက်နေ့ ဘိုဘိုနဲ့ ရဲထွဋ်တို့ ၂ ယောက်သား ကန်တင်းဘက်မှ ပြန်လာခိုက် ပြာပြာနဲ့ ဆုံသည်။ ပြာပြာက ရဲထွဋ်ကို လှမ်းခေါ်သည်။
“ကို..ကို.. ပြာရှင်းပြပါရစေ”
“ဟေ့ကောင် ဘိုဘို၊ မင်းကို ကြိုက်နေတဲ့ ကောင်မလေး မင်းရှေ့ရောက်နေပြီ လေကွာ၊ မင်း ချစ်တယ် ပြောလိုက်လေကွာ”

“မဟုတ်ပါဘူး ကိုရယ်၊ ပြာရှင်းပြပါရစေ၊ အဲဒါအရင်က ပြာလျှောက်ပြီး စိတ်ကစားခဲ့မိတာပါ၊ ကိုနဲ့ စချစ်ကတည်းက ပြာ့ကိုယ်ပြာ သိပါပြီ၊ ပြာချစ်တာ ကိုတစ်ယောက်တည်းကိုပါ”
“ငါမင်းကို မယုံတော့ဘူး ပြာပြာ၊ ငါ့ကို တကယ်ချစ်တာ ဆိုရင် မင်းရဲ့ mp3 player လေးမှာ ငါ့နာမည်ကို ရေရွတ်ထားတာ ဘယ်နှစ်ခါပါလဲ ပြန်ဖွင့်ပြစမ်းပါ”

“အဲဒါက ပြာစိတ်ညစ်မှ အသံသွင်းဖြစ်တာပါ၊ ပြာ ကိုနဲ့ ချစ်သူဖြစ်ကတည်းက ပျော်နေတယ်လေ”
“သွားစမ်းပါပြာ၊ ငါကတော့ ငါ့ကိုမို့လို့ ချစ်တယ်လို့ ပြောခဲ့တယ် မထင်ဘူး၊ ငါက ဘိုရဲ့အချစ်ဆုံး သူငယ်ချင်း ဖြစ်နေတာကိုး၊ ငါ့နေရာမှာ ဘယ်သူဖြစ်ဖြစ် မင်းချစ်တယ် ပြောမှာမို့လား”

ပြာတစ်ယောက် သူ့အချစ်ကို အစော်ကားခံရသလို ဖြစ်သွားသဖြင့် စိတ်မထိန်းနိုင်တော့ပဲ ရဲထွဋ်ကို ပါးရိုက်လိုက်မိတော့သည်။ ရဲထွဋ်တစ်ယောက် ပါးလေးကို ပွတ်ရင်း
“ကျေးဇူးပါပြာပြာ”
ဆိုပြီး ချာခနဲ လှည့်ထွက်သွားတော့သည်။

ရဲထွဋ် နှင့် ပြာပြာ တို့ ဇာတ်လမ်းကား ဒီဘဝ ဒီမျှသာ ဖြစ်တော့မည် ထင်ရလေသည်။ ရဲထွဋ်တစ်ယောက်ကား မန္တလေး ကွန်ပျူတာ တက္ကသိုလ်က ကျောင်းပြီးပြီးနောက် I.T Company တစ်ခုတွင် Programmer အဖြစ် ဝင်ရောက်လုပ်ကိုင်လေသည်။ အလုပ်ထဲရောက်လာ၍ စိတ်များတည်ငြိမ်သွားပြီ ဟု သူ့ကိုယ်သူ ထင်နေသော်လည်း သူ့ နှလုံးသား အနာမှာ အလွယ်တကူ မကျက်နိုင်ခဲ့ပေ။ ပြာပြာနဲ့ ရောက်ဖူးသော နေရာများသို့ ရောက်မိလျှင် ပြာ့ပြာ့ကို မြင်ယောင်၏။ မရောက်ဖူးသော နေရာများသို့ ရောက်လျှင် ပြာပြာနဲ့ တုန်းက မလာခဲ့ရဘူး ဟု တမ်းတမိပြန်သည်။ နောက်ဆုံးသို့ အတိတ်ထဲက ရုန်းထွက်နိုင်ရန် ပတ်ဝန်းကျင်သစ် သို့သွားတော့မည် ဆုံးဖြတ်ပြီး မိဘများထံ ခွင့်တောင်းကာ စင်္ကာပူထွက်တော့မည် လုပ်တော့၏။

သွားခါနီး အစ်မဝမ်းကွဲ ဖြစ်သူ မဝါဝါခိုင်မင်းတို့ မိသားစု ကို သွားနှုတ်ဆက်သေးသည်။ မမဝါက
“အေးကွယ်၊ မင်းက ဦးဥာဏ်လောက် အချစ်ရေးမှာ ကံမကောင်းဘူးကိုးကွဲ့၊ အစစ အရာရာ အဆင်ပြေ ချောမွေ့ပါစေကွယ်”
ဆိုပြီး နှုတ်ဆက်လိုက်၏။ အဒေါ်ဖြစ်သူ ဒေါ်အယ်ဇီကတော့
“လူပျိုကြီး လုပ်တာပဲ ကောင်းပါတယ် ရဲထွဋ်ရယ်”
ဟု အားပေးရှာ၏။

ပြာပြာတစ်ယောက်မှာတော့ရော..
ရဲထွဋ်နှင့် တူတူ နောက်ဆုံး စစ်ကိုင်းသွားလည်ကြစဉ်က အမျိုးဖြစ်သူ မခရေညို ကတွေ့သွားသောကြောင့် အဖေဦးစိုင်းစိုင်းဆီ နားပေါက်သွားသဖြင့် အိမ်တွင် အနေကျပ်နေလေသည်။ ပြာပြာ ကျောင်းပြီးသောအခါ ဦးစိုင်းစိုင်းက မိတ်ဆွေဖြစ်သူ စိန်ပွဲစား ဒေါ်ကြယ်ပြာ ၏ တူဖြစ်သော ပင်လယ်ထဲတွင် သူ့ဘာသာသူ ရွက်လွှင့်နေသော သင်္ဘောသား ကိုအန်ဒရူး နှင့်လက်ထပ်ပေးမည် စီစဉ်၏။

ကိုအန်ဒရူး အိမ်လာလည်သော အခါတွင်ကား ကိုယ့်ဘာသာကိုယ် လူပျိုကြီးမို့လို့ ရှက်ရသည့်အထဲ ပြာပြာ့ မောင်ဝမ်းကွဲဖြစ်သော ဖြိုးမော်က ကင်မရာတစ်ချိန်ချိန်ဖြင့် ဓါတ်ပုံလိုက်ရိုက်တော့ ပိုဆိုး၏။ ဒီကြားထဲ နောက်မောင်တစ်ယောက်ဖြစ်သော ဂျပန်ကောင်လေးက အီးဋီကာ လာဖွင့်ပြနေသဖြင့် စိတ်ညစ်ရသေးသည်။ ကိုယ့်အစ်မဆီ လာပိုးလို့ ပိုးမှန်းမသိ သဘောစွတ်ကောင်းတတ်သော ရီနိုမာန် နှင့်သာ အနည်းငယ် အဆင်ပြေလေသည်။ သို့သော်လည်း တွေ့တိုင်း ငိုပြ၍ မုန့်ဘိုးတောင်းတတ်သော ပြာပြာ့မောင်ငယ် ဖိုးစိန် နှင့် တွေ့သောအခါတွင်ကား ကိုအန်ဒရူးတစ်ယောက် “နှင်းဆီပြာရဲ့ အဝေးကငါ” ပဲလုပ်တော့မည် ဆုံးဖြတ်ကာ လက်လျှော့သွားလေသည်။

ပြာပြာ့အိမ်ရှေ့ ဂစ်တာ လာတီးသော အရပ်ထဲက လူငယ်လေးများလည်း ရှိ၏။ သူတို့ကား အာဇာနည် စတိုင်လ် အပြည့်ရှိသော ဗီလိန် နှင့် ဂစ်တာတီးကောင်းသော ခရောင်းတို့ ဖြစ်သည်။ သူတို့တွေကျ ပြာပြာ့ ညီမဝမ်းကွဲတွေနဲ့ တွေ့ရလေသည်။ ညီမ သဲသဲက သူတို့ဂစ်တာ လာတီးကြလျှင် ခွေးနှင့် ရှူးတိုက်လေ့ရှိသည်။ နောက်ညီမ တစ်ယာက်ဖြစ်သော ဖြူစင်ကြယ် ကတော့ လောက်လေးဂွနှင့် ထုလွှတ်တတ်လေသည်။ နောက်ဆုံးတော့ ဟိုနှစ်ယောက်လည်း “ကောင်းကင်ပြာကို ဘယ်သူများ ဆေးရောင်ခြယ်၊ ခြယ်ချင်တဲ့သူခြယ်” ဆိုပြီးလစ်သွားကြလေသည်။ နောက်ဆုံးတော့ ပြာလည်း သူ့သူငယ်ချင်း မငုံလို အပျိုကြီးပဲ လုပ်တော့မည် ဆိုပြီး ဆုံးဖြတ်လိုက်လေတော့သည်။

ဦးစိုင်းစိုင်းတစ်ယောက်ကတော့ ပြာပြာ့ကို
“ငါ့အလုပ်ကူမှာလား အိမ်ထောင်ချပေးဖို့ ထပ်စီစဉ်ရမလား”
“ဟမ် ဖေဖေကလဲ၊ သမီးအိမ်ထောင်မပြုချင်ပါဘူး”

“အဲဒါဆိုလဲ ငါ့စီးပွားရေး လုပ်ငန်းတွေမှာ ဝင်ကူလုပ်တော့”
“သမီးလဲ အဲဒါစဉ်းစားနေပါတယ်၊ အဲဒါလေ လုပ်ငန်းပိုတိုးတက်ဖို့ ကူညီနိုင်အောင် accounting သင်တန်းသွားတက်မလို့ ဖေဖေရဲ့”

“အဲဒါဘယ်မှာ တက်ရမလဲ”
“ရန်ကုန်မှာ သင်တန်းစတက်ရမယ်၊ ပြီးရင် စင်္ကာပူကို သွားတက်ရမှာ”

ဒီအတိုင်း အိမ်မှာ အခန့်သားထိုင်စားနေတာ သိပ်ကြည့်မရတော့သော ဦးစိုင်းစိုင်းလည်း ခွင့်ပြုလိုက်လေသည်။

ဆက်ရန်..
စင်္ကာပူမှာ ပြန်ဆုံကြတဲ့ အခါ ရဲထွဋ်နဲ့ ပြာပြာ ဘာတွေ ဆက်ဖြစ်ကြမလဲ....

ခင်မင်စွာဖြင့်
သီဟသစ်

ချစ်သူသိလား ရှေးရေစက်တွေ ဘယ်သူဖျက်ဖျက် မပျက်နိုင်ပေ အပိုင်း (၃)

2009-11-14T14:46:00.002+08:00

ကျောင်းမှာ ရဲထွဋ်တို့ အဖွဲ့ ထိုင်လေ့ရှိသော လှေခါးအဆင်းလေးနားမှာ ပြာနှင့်ရဲထွဋ်တို့ နှစ်ယောက်သား စကားတွတ်ထိုးနေကြလေသည်။ ခပ်လှမ်းလှမ်းမှာတော့ သီဟသစ်၊ ဖိုးသင်္ကြန်၊ ရေတမာ၊ တောင်ပေါ်သား တို့လေးယောက်သား ဟောင်ကောင်ရှိုး ဆော့နေကြသည်။ ရေတမာနှင့် တောင်ပေါ်သားက ခုနှစ်မှ မန္တလေး ကွန်ပြူတာ တက္ကသိုလ်ကို စတက်တာ ဖြစ်သော်လည်း ဖဲရိုက်တဲ့နေရာမှာတော့ တစ်ဖက်ကမ်းခတ်လေသည်။ ဟိုဘက်က တစ်အုပ်ကတော့ မျက်မှန်လေး၊ နွေးနေခြည် နှင့် မေကဆုန် တို့က ပညာရပ်အကြောင်း ဆွေးနွေးနေကြသည်။ မျက်မှန်လေးက online မှာ ချစ်သူရှာနိုင်တဲ့ အကြောင်းဆောင်းပါး မဂ္ဂဇင်းမှာ ပါလာတာကို ပြောပြနေသည်။ နွေးနေခြည်က ဖဲဝိုင်းဘက် အာရုံရောက်နေသဖြင့် သိပ်မကြားလိုက်ပေ။ မေကဆုန်ကတော့ မျက်မှန်လေး စကားကို စိတ်ဝင်စားချင်ယောင်ဆောင်ပြီး အချဉ်ပေါင်းကို ဆက်စားနေသည်။

ပြာပြာက ရဲထွဋ်ကို..
“ကိုရယ် ပြာအရမ်းစိတ်ညစ်တာပဲ။”
“ဘာဖြစ်လို့လဲ ပြာရဲ့”

“ပြာ့ဖေဖေပေါ့၊ ပြာ roll no. တွေ တအားကျလို့တဲ့ ပြောနေတာ၊ သူ့ပုံစံအတိုင်း ပညာတတ် ထက်မြက်တဲ့ စီးပွားရေးသမား ဖြစ်စေချင်တာ။ ဟိုနေ့ကတောင် မေးသေးတယ်။ ကျောင်းပြီးရင် ဘာလုပ်မှာလဲတဲ့။ ပြာလဲ မသိဘူးလို့ပဲ ဖြေလိုက်တယ်”
“ကျောင်းစာနဲ့ ပတ်သက်ရင်တော့ စိတ်မပူပါနဲ့၊ ကိုရှင်းပြပေးမှာပေါ့၊ project တွေ assignment တွေရော ကူလုပ်ပေးမယ်”

“ကျေးဇူးပါ ကိုရယ်”

စကားပြောနေရင်း ရဲထွဋ်ကို ငေးစိုက်ကြည့်နေသော ပြာတစ်ယောက် ရဲထွဋ် နှုတ်ခမ်းပေါ်က အမာရွတ်သေးသေးလေးကို မြင်သွားသည်။ ရဲထွဋ်က ရှက်ရှက်ဖြင့်

“အဲဒါ ကိုငယ်ငယ်က စက်ဘီးလဲရင် ခိုက်မိတာ”
“အဲဒါလေးက တစ်မျိုးလေး ဆွဲဆောင်မှုရှိသလိုပဲ၊ အသည်းယားစရာ”

ထိုစဉ်ဘိုဘိုတစ်ယောက် ဖဲဝိုင်းနား အရင်ရောက်ပြီး
“ဟေ့ကောင် သီဟ၊ မင်းကို နှင်းဆီဖြူလိုက်ရှာနေတယ်”
“ဟာ အဲဒါမှ ဂွပဲ။ သူဒီနေ့ ကျောင်းမလာတော့ဘူး ဆိုလို့ ငါဖဲလာရိုက်နေတာ။ စိတ်ကောက်လိမ့်အုံးမယ်”
ဆိုပြီး ဝရုန်းသုန်းကား ပြေးထွက်သွားသည်။

ရဲထွဋ်က ပြာ့ကို
“ဟိုမှာဘိုလာနေပြီ၊ သူ့ကောင်မလေးနဲ့ ဒီနေ့ပြတ်ထားတာ၊ သူ့ကို အားပေးစကား သွားပြောလိုက်အုံးမယ်”

ပြာပြာရဲ့ အတွေးများကရော..

ဒါငါစောင့်နေတဲ့ အခွင့်အရေးပဲ၊ ခုဘိုဘို့မှာ ရည်းစားမရှိတော့ဘူး၊ ဒါပေမယ့် ရဲထွဋ်တစ်ယောက် စိတ်ဆင်းရဲမှာလည်း ငါမလိုချင်ဘူး၊ သူ့ကို ဖြတ်လိုက်ရင် ကောင်းပါ့မလား

ရဲထွဋ်က ဘိုဘို့ကို
“ဟေ့ဘိုဘို၊ မင်းတအား စိတ်ညစ်နေလား”
“ဟမ်၊ ငါက ဘာကို စိတ်ညစ်ရမှာလဲ။ ငါဖြင့် စိတ်လွတ်လပ်မှုရသွားလို့ ပျော်နေတာ၊ ငါ့စိတ်ကူးယဉ် “နတ်သမီးလေးကို ငါတွေ့ပြီကွ”

“ဟေ ဘယ်သူလဲ”
“Dream လေ ”

ကန်တင်းထဲမှာ မေလေး၊ မိုးခါး တို့နဲ့ ထိုင်နေသော ပြာပြာတစ်ယောက်ကို ဟိုနှစ်ယောက်က ဗျူးနေကြသည်။
“ကဲပြာပြာ၊ ဘယ်လိုလဲ၊ နင်လိုချင်တဲ့ အခြေအနေ ဖြစ်လာပြီလေ၊ ဘိုတစ်ယောက် ရည်းစားနဲ့ ပြတ်သွားပြီ၊ နင် ဘိုဘို့ကို နင့်ဘက်ပါလာအောင်လုပ်တော့မှာလား”
“ဟေ့၊ ငါ့မှာ ရဲထွဋ်ရှိနေတာ သတိလဲရကြအုံး”

“အဲဒါဆို နင်က ဘိုဘို့ကို ဘယ်လိုဆက်ကြိုးစားမှာလဲ”
“ကဲကဲ၊ နင်တို့ အတန်းတွေရှိတယ်မို့လား၊ သွားကြတော့”

“အေးပါ၊ အတန်းပြီးရင် နင်ပြောပြရမယ်နော်၊ ငါထင်တာ ပြာပြာတစ်ယောက် ရဲထွဋ်ကို တကယ်ချစ်သွားပြီ ထင်တာပဲ”

ကန်တင်းထဲမှာတော့ ပြာပြာ တစ်ယောက်စဉ်းစားခန်းဝင်ရင်း ကျန်ခဲ့သည်။
ငါ့မှာ ဘိုဘို့ကို လှုပ်ရှားဖို့ရာ ဘာလို့ စိတ်သိပ်မပါသလို ဖြစ်နေတာလဲ၊ မေလေးနဲ့ မိုးခါး ပြောသွားတာ မှန်နေပြီလား၊ ငါရဲထွဋ်ကို ချစ်နေပြီလား

ပြာပြာတို့ အိမ်မှာ..
“shopping ထွက်မလို့ဟာ ဖေဖေက ပိုက်ဆံထားမသွားဘူးလား မအေးရဲ့”
“ကျွန်မလဲ သေချာမသိဘူး မမလေးရဲ့”

ထိုစဉ် ပြာပြာ့ရဲ့ အဖေ ဦးရှင်ကြီး (ခ) ဦးစိုင်းစိုင်းလားရှိုး ထွက်လာပြီး ပြောလိုက်သည်။
“ဟေ့ ပြာပြာ၊ ငါတမင်သက်သက် မထားထားတာ၊ သမီးကို သင်ခန်းစာပေးချင်လို့ပဲ”
“အဲဒါသင်ခန်းစာ မဟုတ်ဘူး အဖေ၊ သမီးကို ထိန်းချုပ်ချင်လွန်းလို့ အဖေ လုပ်နေတာ”

“ငါလုပ်သင့်လို့လုပ်တာ၊ တစ်တန်းနဲ့ တစ်တန်း သမီးရဲ့ Roll No တွေကျလာတယ်၊ အတန်းလဲ မှန်မှန် မတက်ဘူး ကြားတယ်၊ ညည်းမရှက်ဘူးလား ပြာပြာ၊ ငါလို နာမည်ကြီး စီးပွားရေးသမားရဲ့ သမီးက ဒီလောက်ညံ့ရတာ”
“အဲဒါပဲ၊ အဲဒါပဲ၊ ဖေဖေ ပြောနေတာ၊ ဖေဖေ့အတွက်၊ ဖေဖေ့ ဂုဏ်သိက္ခာ မထိခိုက်ဖို့အတွက်ပဲ၊ အဲဒါကြောင့် သမီးက ဖေဖေ့လို မဖြစ်ချင်တာ၊ တခြားလူတွေက သမီးတို့မိသားစုကို ဘယ်လိုတွေးထင်ကြမယ် ဆိုတာပဲ သိတယ်၊ သမီးတို့ ဘယ်လိုစဉ်းစားလဲဆိုတာ မသိဘူး”

“ဖေဖေက သမီးရဲ့ ကောင်းကျိုးအတွက် ပြောနေတာ သမီးသိရဲ့လား”
“မဟုတ်ဘူး ဖေဖေ၊ ဖေဖေက ဇွတ်ပုံသွင်းနေတာ၊ မေမေ ဆုံးခဲ့ရတာလည်း ဖေဖေ ခုလို ဖိနှိပ်ချုပ်ချယ်လို့ နေမှာပဲ”

ဦးစိုင်းစိုင်း တစ်ယောက် ဒေါသမထိန်းနိုင် ဖြစ်မိသွားပြီး
“သွားပြာပြာသွား..”
ဆိုပြီး တွန်းလွှတ်လိုက်မိတော့သည်။

တွေ့နေကျ နေရာလေးတွင် ပြာပြာတစ်ယောက် ငိုရှိုက်နေသဖြင့် ရဲထွဋ်တစ်ယောက်လည်း စိတ်တွေပူပြီး ချော့နေရသည်။
“ဖေဖေ မတရားဘူး ကိုရယ်၊ တအားရက်စက်တယ်”
“အဆင်ပြေသွားမှာပါ ပြာရယ်၊”

“ပြာအိမ်မပြန်ချင်တော့ဘူး ကိုရယ်၊ ဖေဖေ့ မျက်နှာကို တွေ့ရမှာ ကြောက်တယ်၊ အဟင့်၊ အဟင့်”
“တိတ်ပါ ပြာရယ်၊ ပြာခုဘာလုပ်ချင်လဲ၊ ဘယ်သွားချင်လဲပြော..”

“ကို.. ပြာတို့ ခိုးပြေးကြရအောင်လေ”
“စိတ်အေးအေးထားပါ ပြာရယ်၊ ပြာ့အဖေကို ပြန်ရှင်းပြလို့ ရတာပဲ”

“ဟင့်အင်း၊ ပြာ မလုပ်ချင်တော့ဘူး”
“ပြာရယ်၊ တို့တွေ ကျောင်းသားပဲ ရှိသေးတယ်လေ၊ ပြာ့ကို ကို့ရဲ့ အိမ်ထောင်ဖက် ဖြစ်စေချင်ပါတယ်၊ ဒါပေမယ့် ကိုအဆင်သင့် မဖြစ်သေးဘူးလေ။”

“ပြာ့ကို ပစ်မသွားနဲ့နော်ကို”
“စိတ်ချ၊ ပြာရဲ့ဘေးနားမှာ ကိုအမြဲရှိနေမယ်၊ ဒီလိုလုပ်မယ်လေ၊ စိတ်ပြေလက်ပျောက်ဖြစ်သွားအောင် တို့စစ်ကိုင်းဘက်ကို သွားလည်မယ်လေ”

Credits to http://www.flickr.com/photos/mgmoeswe/277100027/sizes/o/

စစ်ကိုင်းဘက်မှာ ဘုရားတွေ ဖူးရင်း၊ နေရာအနှံ့ ဆိုင်ကယ်နှင့် လျှောက်လည်ကြရင်း ချစ်သူနှစ်ယောက် စိတ်ကြည်နူးနေကြသည်။ ပြာ့ရင်ထဲမှာလည်း သူချစ်နေတာ ရဲထွဋ်ပဲ ဆိုတာ သေချာသလောက်ရှိနေပြီ ဖြစ်သည်။

သို့သော် မြှားနတ်မောင်ကား Facebook ထဲတွင် ကစားတာများလို့ အိပ်ရေးပျက်ကာ အိပ်ချင်မူးတူး ဖြစ်လေသလားမသိ။ ချစ်သူနှစ်ဦး ညနေပိုင်း မန္တလေးဘက် ပြန်အလာ ညနေစာစားနေကျ ရှမ်းထမင်းဆိုင်လေးတွင် ဖြစ်၏။ ပြာပြာတစ်ယောက် Rest Room သို့ သွားနေစဉ်အချိန် ရဲထွဋ်တစ်ယောက် ပြာပြာ့အိတ်ထဲမှ mp3 player လေးကို တွေ့သွားသည်။ ပြာပြာဘာသီချင်းတွေထည့်ထားလဲ နားထောင်မယ်ဆိုပြီး Play ခလုပ်ကို နှိပ်မိသောသကာလ..
“ဘို့ကို ဘယ်လိုရအောင် လုပ်ရမလဲ ဆိုတာငါသိပြီ၊ သူ့အချစ်ဆုံး သူငယ်ချင်းကို အသုံးချရမယ်”

ပြာတစ်ယောက်ပြန်ရောက်လာသောအခါ ရဲထွဋ်ကို မတွေ့ရတော့။ အခြေအနေကို ရုတ်တရက် နားမလည်သော ပြာတစ်ယောက် သူ့ကို ထားခဲ့ပြီး ပြန်သွားသော ရဲထွဋ်ကို စိတ်တိုသွားသည်။ နောက်နေ့ ကျောင်းအရောက် ရဲထွဋ်တို့ ထိုင်နေကျ နေရာ သွားရှာတော့လည်း သီဟသစ်တို့ အဖွဲ့ကိုပဲတွေ့သည်။ သူတို့ကလည်း ပြာပြာ ရဲထွဋ်ကို မေးတာ ဘာမှပြန်မပြောပဲ ရူးချင်ယောင်ဆောင်ပြီး ထွက်သွားကြသည်။

ကန်တင်းမှာ တစ်ယောက်တည်း ပေါက်ကွဲနေသော ပြာတစ်ယောက်အနားသို့ မေလေး၊ မိုးခါးတို့ ရောက်လာကြသည်။
“ဟေ့ပြာ၊ ဘာတွေ စိတ်တိုနေတာလဲ”
“ဟိုကောင် ရဲထွဋ်ပေါ့၊ ကျောင်းလဲမလာဘူး၊ အဆောင်ဖုန်းဆက်တော့လည်း လာမကိုင်ဘူး”

“ငါတို့ ထင်မထားတာ တကယ်ဖြစ်လာပြီလား၊ ငါတို့ နာမည်ကြီး အလှဘုရင်မလေးကို ရဲထွဋ်က ထားသွားပြီလား”
“လုံးဝ မဟုတ်ဘူး၊ ငါသူ့ကို ဖြတ်ထားခဲ့တာဟ ”

ပြာပြာတွေးမိတဲ့ အတွေးများကတော့..
ငါ့ကို ဘယ်သူမှ လွှမ်းမိုးတာ မခံနိုင်ဘူး၊ အခြေအနေကို ငါကပဲ ထိန်းချုပ်နိုင်စေရမယ်..

ဆက်ရန်..

ပြာတစ်ယောက် ရဲထွဋ်ကို ဘယ်လိုလက်စားချေမလဲ
ရဲထွဋ်နဲ့ ဘို တို့ကရော ..

ခင်မင်စွာဖြင့်
သီဟသစ်

P.S ပန်းပွင့်တွေများတဲ့ ဘိုဘို့အတွက် ကောင်မလေးနဲ့ ပြတ်တာ သိပ်မဆန်းသမို့ အကျယ်ချဲ့မရေးတော့ပါ။

ချစ်သူသိလား ရှေးရေစက်တွေ ဘယ်သူဖျက်ဖျက် မပျက်နိုင်ပေ အပိုင်း (၂)

2009-11-13T01:21:00.005+08:00

တကယ်တော့ ပြာပြာ့ကို တိတ်တခိုး စွဲလမ်းနေတာက ရဲထွဋ်ဦး ဖြစ်သည်။ သူက ကဗျာလေး စာလေးလည်း ဝါသနာ ပါသဖြင့် ကျောင်းမှာ စီနီယာတန်းက စီစဉ်ကြသော နံရံကပ်စာစောင်မှာ ပြာ့ပြာ့ကို စွဲလမ်းတဲ့ အကြောင်း ကဗျာလေး ဝင်ရေးမည် စိတ်ကူးသည်။ ကလောင်နာမည်ကတော့ သူက ရွာက လာတာဆိုတော့ ရွာသားလေး၊ ငယ်နာမည် ရဲထွန်းဦး၏ အတိုကောက် YTU - ရွာသားလေး YTU ဆိုပြီး သူ့ဘာသာသူ ဇွတ်ရွေးပစ်လိုက်၏။

ကောင်းကင်ပြာကြီးအောက်မှာ
ကျွန်တော့ချစ်သူကို စတွေ့ခဲ့
ထိုနေ့က မီးမလာပါ
ဒီဇင်ဘာ ၅ ရက်

ထိုကဗျာကို နံရံကပ်စာစောင်၏ အယ်ဒီတာ စာကြည့်တိုက်မှူး မခင်ဦးမေကို သွားပြ၏။
“ဟယ်ငါ့ကို ကိုမဆလာ ရည်းစားစာပေးတုန်းက ကဗျာလောက်တောင် မလှဘူးကွယ်၊ စာသားတွေကလဲ။ မီးမလာတာ ဘာဆန်းလို့လဲဟ ရဲထွဋ်ရ”

“အဲဒီနေ့က မီးမလာတာ ဆန်းတယ်ဗျ။ တစ်ပွင့် ၁၀၀ နဲ့ သူများမီးစက်က ယူထားတဲ့ မီးကြိုးကို ဖြုတ်ခိုးခံ လိုက်ရတယ်လေ။ အဲဒီညမှာ ကျွန်တော်ချစ်တဲ့ ကောင်မလေးကို တွေးမိတော့ အလင်းရောင်တွေ တောက်ပလာသလိုပဲဗျ။”

မာစတာတန်းမှ မမများဖြစ်သော မသက်ဝေ၊ မမိုးချိုသင်း နှင့် မသိင်္ဂီနွယ် တို့က ရဲထွဋ်ကို သနားပြီး ကူပြောပေးသဖြင့် မခင်ဦးမေ စာစောင်ထဲ ထည့်ဖို့ရာ အင်တင်တင်ဖြင့် လက်ခံထားလိုက်သည်။ ဒါတောင် ရဲထွဋ်က အထွန့်တက်သေးသည်။ သူ့ကဗျာကို ရိုမန်တစ် မဆန်မှာစိုးသဖြင့် ဟာသတွေရေးတဲ့ ကိုလူထွေး၊ တရားအကြောင်းတွေ ရေးတဲ့ ဂျူနီယာတန်းက နှင်းဟေမာတို့ စာမျက်နှာတွေနား မကပ်ပဲ အချစ်ကဗျာ လှလှရေးတဲ့ ကိုအောင်သာငယ်၊ ကိုလင်းဒီပ တို့ စာမျက်နှာ တွေနား ကပ်ထားဖို့ ပြောသေးသည်။ နံရံကပ်စာစောင် ဒီဇိုင်းလုပ်တဲ့ နီညန်း နှင့် စမ်းချောင်းလေး တို့ကိုလည်း သူ့ကဗျာ နောက်ခံမှာ ကောင်းကင်ပြာပြာကြီးကို ထည့်ဖို့ ဖားရသေးသည်။ ဟိုနှစ်ယောက်က ဝန်ရှင်တော်မင်းကြီး မျက်နှာဖြင့် လက်ခံလိုက်သည်။

စာစောင်စပြီးကပ်တော့ ရဲထွဋ် ကဗျာကို ဘယ်သူမှ သံသယ သိပ်မဝင်ကြ။ ခါတိုင်း သွယ်ဝိုက်ပြီး ပဟေဠိလိုလို ဘာလိုလို ရေးတတ်သောကြောင့် ခုတစ်ခါ ဒဲ့ရေးသော အခါ ဘယ်သူမှ မရိပ်မိကြချေ။ အနီးကပ်သူငယ်ချင်းဖြစ်သော ဘိုဘို တစ်ယောက်သာ သိလိုက်သည်။

နောက်နေ့ ဘိုဘို၊ ရဲထွဋ်တို့ အဖွဲ့နှင့် ပြာပြာတို့ အဖွဲ့ ဆုံကြသောအခါ ဘိုဘိုက ပြာ့ပြာကို
“ဟေ့ ပြာ၊ လာမယ့် စနေနေ့ အားလား၊ တောင်သမန်အင်းဘက်ကို သွားကြမယ်လေ”

မျှော်လင့်မထားသော စကားကို ကြားလိုက်ရသော ပြာက တအားပျော်သွားပြီး
“အင်း သွားကြတာပေါ့”

ထိုစကားအကြား ဘိုက နောက်တွန့်ဆုတ်တွန့်ဆုတ် လုပ်နေသော ရဲထွဋ်ကို ဆွဲခေါ်လိုက်သဖြင့် ယက်ကန်ယက်ကန် ပါလာလေသည်။
“ဟေ့ကောင် ရဲထွဋ်၊ ပြာက စနေနေ့ လိုက်မယ်တဲ့ကွ၊ ဟေ့ ပြာ သူက နင့်ကို မမေးရဲလို့ဟ၊ ငါမေးပေးတာ။ စနေနေ့က ငါတို့အဖွဲ့တွေ အားလုံးသွားကြမှာပါ နင်တို့အဖွဲ့လည်း ခေါ်ခဲ့လေ”

စနေနေ့အရောက်မှာတော့ ဦးပိန်တံတားပေါ်မှာ လမ်းလျှောက်ကြရင်း ရဲထွဋ်နှင့် ပြာပြာ တို့ နှစ်ယောက်တည်း ကျန်အောင် ထားခဲ့ကြသည်။ စကားဘယ်လို စပြောရမှန်းမသိသော ရဲထွဋ်တစ်ယောက် တိတ်တိတ်လေး ပြာပြာ့ဘေးမှာ ထိုင်နေသည်။ ပြာပြာတစ်ယောက် ပျင်းလွန်းသဖြင့် ရဲထွဋ်စကားမပြောခင် တစ်နှစ်သုံးလေး ရေကြည့်နေသေးသည်။ ငါး အရောက်မှာ.. ရဲထွဋ်က..

“အင်း..ဟိုဟာ၊ ဟိုဟာလေ”
“အေးဆက်ပြောလေဟာ”

“ဟိုဟာလေ၊ နာမည်ကြီး စီးပွားရေး လုပ်ငန်းရှင် ရဲ့ သမီးဖြစ်ရတာဘယ်လိုနေလဲ”
“ငါ့အဖေက စီးပွားရေး လောဘကြီးသလောက် ပညာရေးဘက်မှာလည်း လောဘကြီးတယ်ဟ၊ ငါ့ကို သူလို ဖြစ်စေချင်တယ်၊ ပညာတတ်ပြီး ထက်မြက်တဲ့ လုပ်ငန်းရှင်ပေါ့ဟာ၊ ငါက စိတ်မဝင်စားဘူး။ ထားလိုက်ပါဟာ၊ နင်နဲ့ဘိုဘို နဲ့ အကြောင်းတွေ ပြောပြဟာ”

“ငါတို့လား၊ ငယ်ငယ်လေးကတည်းက ခင်တာ၊ ညီအစ်ကိုရင်းတွေ ထက်ပိုချစ်တယ်ဟ”

အဲဒီနေ့က အိမ်အပြန်မှာတော့ ပြာ တစ်ယောက် mp3 player လေးကို Recording နှိပ်ရင်း
“ဘို့ကို ဘယ်လိုရအောင် လုပ်ရမလဲ ဆိုတာငါသိပြီ၊ သူ့အချစ်ဆုံး သူငယ်ချင်းကို အသုံးချရမယ်”

ရဲထွဋ်တစ်ယောက်မှာတော့ ချစ်ရုံသာချစ်တတ်ပြီး ဖွင့်မပြောတတ်သဖြင့် ဒုက္ခရောက်နေသည်။ သူငယ်ချင်း အရင်းတွေ ကိုလည်း တိုင်ပင်ရမှာ နည်းနည်းရှက်သလို ရှိသည်။

ဒါနဲ့ စီနီယာတန်းက အကိုကြီး ကိုZT ကို သွားမေးသည်။ ကိုZT က
“အေး မင်းရည်းစားစာ ရေးပြီး ပေးမယ် ဆိုရင် Unicode standard အတိုင်းရေးကွာ၊ ကျန်တာတွေတော့ ငါမသိဘူး”
ပြောလိုက်သဖြင့် စိတ်လေရတာက တစ်ဖုံ၊
ညီမဝမ်းကွဲ ရွှေပြည်သူကို
“ညည်းကို ကောင်လေးတွေက ဘယ်လို propose လုပ်လဲ မှတ်မိလား” သွားမေးသေးသည်။ ဟိုက “သမီးတော့ ရှက်ရှက်နဲ့ ထွက်ထွက်ပြေးလာတာ ဘာပြောကြမှန်း မမှတ်မိပေါင်” ဆိုတော့ အားကိုးလို့မရပြန်။
ရည်းစားရှိတဲ့ အငယ်မ နောင့်နောင့်ကျတော့ရော
“သမီးလား၊ သမီးကို ဘာပြောမှန်းတော့ သေချာမသိဘူး၊ ယောင်ပြီးတော့ ခေါင်းညိတ်လိုက်တာ” လို့ပြန်ပြောတော့
အေးရော။

နောက်ဆုံးမှာတော့ ကိုယ့်အဖွဲ့ကိုယ် ပြန်ကပ်ရတော့သည်။

ပိုးဟပ်လေး ဖိုးသင်္ကြန်က
“လွယ်လွယ်လေးရယ်၊ ရဲထွဋ်ရာ၊ မင်းရုပ်ရှင်ကြည့်ဖူးတယ်မို့လား၊ ရုပ်ရှင်ထဲက မင်းသားတွေ မင်းသမီးကို ရည်းစားစကားပြောသလို ပြောလိုက်ပြီးတာပဲ..”
ဆိုပြီး ပိုးနည်းတွေ ပြောပြသည်။ ရဲထွဋ်က

“ပိုးဟပ်ရာ၊ မင်းနည်းတွေသာ တကယ်စွံရင် မင်းပိုးဟပ် ဆိုတဲ့ နာမည်ရမှာတောင် မဟုတ်ဘူး”

သီဟသစ်က
“မဟုတ်သေးဘူး၊ ရဲထွဋ်ရ၊ ဒီကောင်မစွံပေမယ့် သူပြောတဲ့ စကားတွေမှာ လိုရင်းရှိတယ်။ မင်း ပြာ့ကို ချစ်ရင် ချစ်တဲ့ အကြောင်း သူသိအောင်ပြရမယ်”

ဒီလိုနဲ့ ကွန်ပြူတာ တက္ကသိုလ် Excursion ဆိုပြီး ထွက်ကြတဲ့ ပြင်ဦးလွင်ခရီးမှာ ရဲထွဋ် တစ်ယောက် လှုပ်ရှားစေဖို့ ဝိုင်းသင်ပေးကြသည်။

“မင်းဘာမှ မကြောက်နဲ့ ရဲထွဋ်၊ လုပ်ရမှာက လွယ်လွယ်လေး၊ နှင်းဆီပန်းစီးရယ်၊ ချောကလက်ရယ်၊ မင်းပြောရမှာက
နှင်းဆီတွေက နီတယ်
ချောကလက်လေးတွေက ပြာတယ်
နင်က သိပ်လှတယ်
ငါနင့်ကို ချစ်တယ်ဟာ
ဒါပဲ ပြီးပြီ”

အေး..အေး၊ အေးပါကွ

ပြင်ဦးလွင် ကန်တော်ကြီး ဥယျာဉ်ထဲမှာ ..
ဂိမ်းတွေ ကစားပြီးကြ၍ တစ်ဖွဲ့တစ်နေရာစီ နားနေကြသော အချိန်၊ မေလေး၊ မိုးခါး၊ မေသူ စသော ပြာပြာ၏ သူငယ်ချင်းများ သစ်ခွဥယျာဉ်ဘက်သွားကြည့်ချိန်..၊ အဲဒီအချိန်ထက်ကောင်းတာ ရဲထွဋ်အတွက် မရှိ..။ ရဲထွဋ်တစ်ယောက် တွန့်ဆုတ် တွန့်ဆုတ်ဖြင့် ပြာ နားကို ရောက်သွား၏။ ရဲထွဋ်ကို မြင်လိုက်ရချိန်ခဏ ပြာ၏ အတွေးများကရော..

ဟင်သူ့ကို မြင်လိုက်တာနဲ့ ငါကမ္ဘာကြီး ရပ်တန့်သွားသလိုပါပဲလား၊ အဲလို ခံစားမှုမျိုးက ငါ ဘိုဘို့အတွက် ထားထားတာပါ

ပြာပြာနားရောက်ချိန်ခဏ ရဲထွဋ်တော့ ပြာနေပြီ..
ဟေ့ပြာ
အင်း
ဟိုလေ၊ ဟိုဟာ၊ ဟောဒီမှာ နှင်းဆီပန်းဟာ၊ ချောကလက်ဟာ..၊ အဲဒါနင့်ဖို့..၊ ပြီးတော့ အင်း

ရဲထွဋ် ဆက်ပြောဖို့ သတ္တိမရှိတော့။ သီဟသစ်တို့ အဖွဲ့ဘက် ပြန်ကြည့်သည်။ တစ်ဖွဲ့လုံးက ဆက်ပြော၊ ဆက်ပြော ဆိုပြီး အချက်ပြကြလေသည်။

“ပြာ”
“အင်း”

“ဟိုလေ..”
“အင်း ပါဆို၊ နင်ငါ့ကို ချစ်တယ် လို့ ပြောပြီး အဖြေတောင်းမလို့ မို့လား ငါ့အဖြေက အင်း၊ နင်ဟာ ငါ့ရည်းစားဖြစ်သွားပြီ”

ထိုနေ့က ကန်တော်ကြီးထဲမှာ ကျွမ်းထိုးတော့မတတ် ပျော်နေသော ရဲထွဋ်ကို ပြာ့ဘေးမှာ တွေ့နိုင်ပါသည်။

ဆက်ရန်..

ရည်းစားနဲ့ ပြတ်သွားတဲ့ဘို၊ ငါချစ်တာ ဘယ်သူလဲလို့ ကိုယ့်ကိုယ် မေးနေမိတဲ့ပြာ...

မျှော်...

ခင်မင်စွာဖြင့်
သီဟသစ်

P.S ဇာတ်လမ်းက ဘယ်သူရဲ့ တကယ် အဖြစ်အပျက်မှ မဟုတ်ပါခင်ဗျာ။ စိတ်ကူးယဉ်ပြီး ရေးထားတာပါ။ ပျော်စေချင်လို့ ညီအစ်ကို မောင်နှမတွေ နာမည်ထည့်ထားတာပါ။

ချစ်သူသိလား ရှေးရေစက်တွေ ဘယ်သူဖျက်ဖျက် မပျက်နိုင်ပေ အပိုင်း (၁)

2009-11-11T23:34:00.015+08:00

၁၉၉၃ ဇွန်လ
အမှတ်(၁၆) အထက်တန်းကျောင်း
၆ တန်း စာသင်ခန်း

စာသင်နှစ်အသစ်စတာ သိပ်မကြာသေးချိန်ဖြစ်သည်။ ကျောင်းတက်ခါစ ဆရာမ မလာသေးသမို့ ထုံးစံအတိုင်း အနည်းငယ် ဆူညံနေသည်။ ဂျစ်ကန်ကန်ကောင်လေး တစ်ယောက် လောလော လောလောနဲ့ ရောက်လာပြီး မျက်မှန်နဲ့ စာဂျပိုးပုံ ပေါက်သော ကောင်လေး ဘေးမှာ ဝင်ထိုင်လိုက်သည်။ ဆရာမ အတန်းထဲသို့ ဝင်လာသည်။

“မင်္ဂလာပါ ဆရာမ”
“မင်္ဂလာပါ တပည့်တို့”
“မနေ့က ကျက်ခိုင်းခဲ့တဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်း အကြောင်း ဘယ်သူ ပြန်ပြောနိုင်မလဲ”

ကျောင်းသားများ တစ်ယောက်တစ်ပေါက် ဝိုင်းဖြေကြသည်။

“ကျွန်တော်ပြောမယ်”
“ကျွန်မ ပြောမယ်”
“ကဲကဲ ဘိုဘို၊ ထစမ်း၊ ဗိုလ်ချုပ်က တို့ဗမာ အစည်းအရုံးကို ဘယ်ခုနှစ်မှာ စဝင်ခဲ့သလဲ”

ဂျစ်ကန်ကန်ပုံစံနှင့် ဘိုဘိုတစ်ယောက် ထဖြေသည်။
“ဗိုလ်ချုပ်က...၊ ဗိုလ်ချုပ်က.”

ဘေးက စာဂျပိုးလေး ရဲထွဋ်ဦး မနေနိုင်တော့။ တိုးတိုးလေးထောက်ပေးသည်။
“၁၉၃၈ အောက်တိုဘာ”

ဘိုဘိုတစ်ယောက် ဆရာကြီး စတိုင်လ်ဖြင့် ဆရာမကို ပြန်ဖြေသည်။
“ဗိုလ်ချုပ်က တို့ဗမာ အစည်းအရုံးကို ၁၉၃၈ အောက်တိုဘာမှာ စဝင်ခဲ့ပါတယ် ဆရာမ”
“အမယ်၊ စာထောက်ပေးတဲ့ကောင် ရဲထွဋ်ဦး၊ ဖြေတဲ့ကောင် ဘိုဘို နှစ်ကောင်လုံး အခန်းရှေ့ထွက် ထိုင်ထလုပ်ကြစမ်း”

ထမင်းစားကျောင်းဆင်းချိန်မှာတော့ ကျောင်းသား နှစ်ယောက်သား ရင်းနှီးမှုရသွားကြသည်။
“မင်းနာမည် ဘယ်လိုခေါ်သလဲ”
“ရဲထွဋ်ဦးကွ၊ မင်းကရော”
“ဘိုဘိုလေ၊ ဒါနဲ့မင်းဘယ်ကပြောင်းလာတာလဲ”
“ရွာကပဲ မှတ်ထားလိုက်ပါကွာ၊မင်းကရော”
“ရွာသားလေးပေါ့၊ ငါက မိုးကုတ်က ပြောင်းလာတာကွ”

သူငယ်ချင်းနှစ်ယောက်က ဝါသနာလည်းတူသည်။ ကျောင်းပိတ်ရက်များတွင် စက်ဘီးကိုယ်စီဖြင့် ရေတံခွန်တောင်ဘက်သွားကြသည်။ လမ်းဘေးက လယ်ကွင်းတွေနားမှာ စွန်တွေလွှတ်ကြသည်။
.
.
.
ဒီလိုနဲ့ သူငယ်ချင်း ၂ ယောက်အတူတူ ၁၀ တန်းအောင်ပြီး မန္တလေးကွန်ပြူတာ တက္ကသိုလ်သို့ တက်ကြသည်။ ကျောင်းမှာက သူငယ်ချင်းအသစ်တွေ ထပ်ရကြသည်။ ခပ်တည်တည် မနေတတ်သော သီဟသစ်၊ ကိုကိုကြီး(ခ)ပုလုလွေး၊ ပိုးဟပ်လေး ဖိုးသင်္ကြန်တို့ ဖြစ်ကြသည်။ သူတို့ရဲ့ ကျောင်းသားဘဝလေးက ပုံမှန်အတိုင်း အေးအေးဆေးဆေးလေး ပြီးသွားမယ်လို့ ထင်ရသည်။

တစ်နေ့တော့..
အဲဒီတစ်နေ့မှာ မန္တလေးကွန်ပြူတာ တက္ကသိုလ်ကို ကျောင်းသူ အသစ်တစ်ယောက်ရောက်လာသည်။ ပုံမှန်ဆိုရင်တော့ မထူးခြားလှပေမယ့် ပြောင်းလာတာက ကော်ဖီခြံပိုင်ရှင်၊ နာမည်ကြီး Instant Coffee လုပ်ငန်းများ ပိုင်ရှင် သူဌေးကြီး၏ သမီး အလှပဂေးလေး ကောင်းကင်ပြာဖြစ်နေတာကတော့ ထူးခြားသည်ဟု ဆိုနိုင်သည်။

ကောင်းကင်ပြာ နှင့် သူငယ်ချင်းများဖြစ်ကြသော မေလေး၊ မိုးခါးတို့ ကင်တင်းမှ ပြန်အလာ လမ်းတွင် ဗလ အားကိုးနှင့် ကျောင်းမှာမိုက်ကယ်လုပ်နေသော ဆောင်းချမ်းမိုးတို့ အဖွဲ့ တွေ့ကြသည်။
"ဟေ့ပြာ၊ တို့နာမည် ဆောင်းပါ၊ တွေ့ရတာ ဝမ်းသာပါတယ်”

ကမ်းပေးသောလက်ကို ပြန်မနှုတ်ဆက်ပဲ ပြာပြာက
“တို့လည်းတွေ့ရတာ ဝမ်းသာပါတယ်၊ ကျောင်းတက်ချိန်နီးပြီ၊ သွားတော့မယ်”

မိုက်ကယ်ဆောင်းက တဆင့်တက်ဖို့ ကြိုးစားသည်။ ပြာပြာ့မေးလေးကို မထိတစ်ထိ လှမ်းကိုင်ပြီး
“လှလိုက်တာ ပြာရယ်”

ကောင်းကင်ပြာ သည်းမခံနိုင်တော့။ မိုက်ကယ်ဆောင်းကို ပါးရိုက်လိုက်သည်။ အဲဒီမြင်ကွင်းကို မကျေမနပ် ကြည့်နေတာက ရဲထွဋ်ဦးတို့ အဖွဲ့။ မိုက်ကယ်ဆောင်းက ပြာပြာကို လက်တုံ့ပြန်သည့် အနေဖြင့် လှမ်းဆွဲဖို့ ကြိုးစားချိန်မှာတော့ ရဲထွဋ်ဦးတစ်ယောက်ဘာမှ မမြင်တော့၊ မိုက်ကယ်ဆောင်းကို လှမ်းထိုးသည်။ မိုက်ကယ်ဆောင်း၏ သူငယ်ချင်းများဖြစ်သော တောင်ကုန်းတစ်ဖြစ်လဲ လူပျိုကြီး၊ ကိုရင်ဒဘ တို့ကလည်း ပြန်ထိုးကြသည်။

အဲဒီမှာ ဘိုဘို၊ သီဟသစ်တို့ သူငယ်ချင်းများ အဖွဲ့ ဝင်လာပြီး အပြန်အလှန် ချဲကြတော့သည်။ ဗွီဒီယိုထဲမှာလို မဟုတ်တော့ ရဲထွဋ်တို့ အဖွဲ့ မှောက်ကျန်ခဲ့သည်။ ဆရာတွေ ထွက်လာခါမှ မိုက်ကယ်ဆောင်းတို့ အဖွဲ့ ထွက်ပြေးသွားတော့သည်။ ပြာပြာ စစချင်းပြေးထူတာက ဘိုဘို့ကို ဖြစ်သည်။

“ဘယ်နားထိသွားလဲ၊ နာသွားလားဟင်၊ တို့နာမည်ပြာပါ”
“နည်းနည်းပါးပါးပါ၊ တို့နာမည် ဘိုပါ”

ပြာပြာ့ကို သတိလက်လွတ်ငေးနေမိတာကတော့ ရဲထွဋ်ဖြစ်သည်။

ရန်ပွဲက အပြန် အဆောင်ခန်းထဲတွင်မတော့ သီဟသစ်က
“ရဲထွဋ်ကွာ၊ လူနောက်ပဲ၊ သူလုပ်တာနဲ့၊ တို့တော့ အီသွားပြီ”
“ဟာ၊ ကောင်မလေးက အနှောင့်အယှက်ခံနေရတာ ကူညီမှ ရမှာပေါ့ဟ၊ ငါဘာမှားသလဲ”

“မင်းကွာ၊ မနေ့တစ်နေ့ကမှ ပြောင်းလာတဲ့ ကောင်မလေးကို၊ တော်ကြာ တို့ကို မကောင်းကြံမယ့်သူဆို ဘယ့်နှယ့်လုပ်မလဲ”
“မဖြစ်နိုင်ပါဘူးကွာ၊ ပြာ့ပုံစံက အဲလိုမဟုတ်ပါဘူးကွ”

စာသင်ခန်းထဲက မေလေးတို့တစ်တွေကရော

“ပြာ၊ နင်သိပ်လှတာပဲဟယ်၊ နင့်ကြောင့် ဟိုကောင်တွေ ရန်ဖြစ်ကုန်ကြတယ်”
“အေးဟ ငါလှတာတော့ ငါသိပါတယ်၊ ရန်ဖြစ်ကုန်ကြတာတော့ မတတ်နိုင်ဘူးဟယ်။ ငါသူ့ကို ကြုံရင် နောက်တစ်ခေါက်တွေ့ချင်သေးတယ်။ ငါ့အိပ်မက်ထဲက မင်းသားလေးကို ငါတွေ့ပြီ”

“ဘယ်သူတုန်းဟဲ့”
“ဘိုပေါ့ဟယ်”

မိုးခါးက.
“ပြာ၊ နင်သွား မလုပ်နဲ့ ၊ ဘို့မှာ ပန်းပွင့်တွေ အများကြီးဟ၊ ပြီးတော့ သူ့မှာလည်း ရည်းစားရှိတယ်၊ တခြားလူ စဉ်းစားပါဟာ”
“အို..ယူသိထားဖို့က ပြာလိုချင်ရင် ပြာရရမယ်၊ ပြာမရရင် ပြာဖြစ်သွားမယ်”

မေလေးနှင့် မိုးခါးတို့ နှစ်ယောက်သား ပခုံးတွန့်ကြရုံကလွဲပြီး ဘာမှဆက်ပြောစရာ မရှိတော့။ ပြာပြာက ကျောပိုးအိတ်ထဲမှ mp3 player လေးကိုထုတ် Recording ခလုပ်ကိုနှိပ်ပြီး

“ချစ်စရာနေ့လေးတစ်နေ့၊ ငါ့အိပ်မက်ထဲက မင်းသားလေးကို တွေ့ပြီ၊ သူ့အချစ်ကို ရဖို့ ကြိုးစားတော့မည်”

ဆက်ရန်...

ခင်မင်စွာဖြင့်
သီဟသစ်

P.S
၁)စစချင်း ကြိုးစားရေးမိသော ဇာတ်လမ်းဖြစ်ပါသည်။ ဇာတ်လမ်းရှည်ပါမည်။ လိုနေတဲ့ အချက်တွေရှိရင် အားမနာပဲ ဝေဖန်ထောက်ပြပေးကြပါရန်။

၂)ညီအစ်ကို မောင်နှမများ နာမည်ကို ခွင့်မတောင်းပဲယူသုံးထားပါသည်။ ဇာတ်ကောင်တွေ များသမို့ နောက်လူတွေလည်း ပါလာမည်။ မကျေနပ်ရင် မုန့်ကျွေးနိုင်ပါသည်။

L for Langkawi - 5 : The End

2009-11-09T00:58:00.000+08:00

Long time no see,
ဘလော့ညီအစ်ကို မောင်နှမ သူငယ်ချင်းများနှင့် မတွေ့ရသည်မှာ ကြာလေပြီ။ ဘလော့ရေးခြင်း၏ အလယ်အဆင့်ဟုပြောကြသော ဘလော့ကို ခေတ္တစိတ်ကုန်တဲ့ အဆင့်ရောက်သွားသောကြောင့် ဖြစ်ပါသည်။ ခုပြန်လာပြီ ပြန်ချစ်မည်။ အရင်ရက်တွေက ဘယ်သူ့ဆီမှာမှ စာလိုက်မဖတ်ဖြစ်ခဲ့သောကြောင့် ဖြည်းဖြည်းချင်း ပြန်ဖတ်ပါမည်။ သီဟသစ်ကို မေ့မသွားကြသောကြောင့် ကျေးဇူးတင်ပါသည်။ (မေ့မသွားဘူး ဟု ဘယ်သူမှ မပြောပါ။ ကိုယ့်ဘာသာကို ဇွတ်ထင်တာဖြစ်ပါသည်။) ခုပို့စ်မှာတော့ draft ထဲမှာ ကြာကြာပစ်ထားခဲ့မိသော လန်ကာဝီနောက်ဆုံးပို့စ် ကိုတင်ပါမည်။)

လန်ကာဝီရဲ့ နောက်ဆုံးလည်ဖြစ်တဲ့ ရက်က ခရီးစဉ်ကတော့ Mangrove and Eagle Feeding ဆိုတဲ့ လမုတောတွေ သွားကြည့်တဲ့ ခရီးစဉ်နဲ့ လင်းယုန်ငှက်တွေ အစာကျွေးတဲ့နေရာပါ။ မြစ်ဝကျွန်းပေါ်ကို ပုသိမ်ချောင်းသာကလွဲရင် တခြားနေရာ မရောက်ဖူးတော့ မြန်မာပြည်က လမုတော ကိုမမြင်ဖူးပါဘူး။ သွားဖြစ်တဲ့ အဖော်တွေနဲ့တောင် ကျိုက်ထီးရိုး ဘုရား ရင်ပြင်တော်သွားဖို့ Cable Car တွေဆောက်၊ မြစ်ဝကျွန်းပေါ် Mangrove Tour လှည့် စိတ်ကူးတွေယဉ်နေပါသေးတယ်။
(♥ Mangroves@Kukup Island - by Ko TZA , လမုပွင့် - မမသီရီ)

ပုံထဲကလို တမျှော်တခေါ် လမုတောတွေ ကြားပတ်မောင်းပြပါတယ်။ အချို့နေရာတွေမှာ မျောက်ကလေးတွေကို တွေ့တော့ စက်လှေရပ်ပြီးပြပါတယ်။ If you are lucky, blah blah blah.. ဆိုတဲ့ စက်လှေ သမားရဲ့ စကားသံကို မရိုးနိုင်အောင် စကြားရတာပေါ့။ မျောက်တွေက အစာကို ရေထဲက လှမ်းယူရင် ဘယ်လိုဆန်းတယ်ဆိုလားပဲ။ ဟိုမျောက်တွေကတော့ ဣနြေ္ဒရနေလိုက်တာ။ လှုပ်တောင်မလှုပ်။

နောက်နေရာကတော့ လန်ကာဝီရဲ့ သင်္ကေတ လင်းယုန်တွေ ရှိတဲ့နေရာပါ။ စက်လှေသမားက ကြက်အရေခွံတွေကို ပုံးထဲက နည်းနည်းထုတ်ပြီး ရေထဲချကျွေးလိုက်ပါတယ်။ လင်းယုန်တွေကလည်း အဲဒီအစာတွေ ရှိနေတဲ့ ခဏပဲ ပျံဝဲလာကြတာပါ။ နောင်အခါသွားချင်တဲ့သူတွေ လင်းယုန်တွေ အကြာကြီး ကြည့်ချင်ရင် အစာကျွေးဖို့ တစ်ခုခုယူသွားကြဖို့ အကြံပေးပါရစေ။

နောက်တစ်နေရာ တောင်အောက်ထဲကို ဖြတ်ရတဲ့ ရေလမ်းလေးပါ။ အထဲကိုဝင် စက်လှေကို ဖြေးဖြေးချင်းပြန်လှည့်ပြီး တခြားတစ်ဖက်ကို ပြန်ထွက်တာပါ။

နောက်တစ်နေရာကတော့ လင်းနို့ဂူပါ။ သီဟသစ် ချစ်တဲ့အထဲမှာ မြန်မာပြည်ကပုဇွန်ပဲပါတာ။ လင်းနို့မပါလို့ အထဲဝင်မကြည့်ခဲ့ပါဘူး။ အောက်ကပုံလေးက လင်းနို့ဂူထဲကို အဝင်လမ်းပါ။

နောက်ဆက်သွားတဲ့နေရာကတော့ Gua Certia (Cave of Legends) ဆိုတဲ့နေရာလေးပါ။ သိမ်းငှက်အကြီးကြီးက တရုတ်မင်းသမီးလေးကို ချီပြီး အဲဒီနေရာမှာထားခဲ့တယ်လို့ဆိုပါတယ်။ ဂူထဲမှာတော့ ဘာမှ ထူးထူးခြားခြားမရှိပေမယ့် ဂူအပြင်ဘက်က လမ်းကလေးကတော့ ကဗျာတော်တော်ဆန်ပါတယ်။ နှင်းဆီဖြူလေးနဲ့ အတူတူ လျှောက်ရရင်ပေါ့လေ။ ခုတော့ မောင်villager တို့နဲ့ဆိုတော့ စကားပြေလောက်ပဲ ဆန်ခဲ့တယ်။

လင်းနို့ဂူပြန်အထွက်မှာတော့ သမုဒ္ဒရာဘက်ကို သွားတာပါ။ ထိုင်းနိုင်ငံဘက်ကို သွားတဲ့ရေလမ်းဘက်ပါ။ လှိုင်းတွေက တော်တော်ကြီးပါတယ်။ သီဟသစ်အတွက် ပြောတာပါ။ Kilim Geoforest Park ဆိုပြီး စာတမ်းထိုးထားတဲ့နေရာလေးကိုလည်း ရောက်ခဲ့ပါသေးတယ်။

နေ့လည်စာ စားတာက ရေပေါ်စားသောက်ဆိုင်လေးမှာပါ။ လန်ကာဝီမှာ စားခဲ့သမျှဆိုင်တွေထဲမှာ အတန်ဆုံးလို့ ပြောလို့ရပါတယ်။ စားရတာလဲ မဆိုးပါဘူး။ ၇ ယောက်ကို 120 ကျော်ပဲ ကျပါတယ်။

လန်ကာဝီမြို့ထဲကို ဖြတ်တော့ တစ်ချို့နေရာတွေက ပြင်ဦးလွင်တို့၊ မြစ်ကြီးနားတို့က အိမ်မျိုးလေးတွေလိုပါပဲ။ W ကား တွေ မဖမ်းခင်ကပုံနဲ့တူတယ်ဆို ပိုမှန်မယ်။ အိမ်တိုင်းမှာ ကားကောင်းကောင်းလေးတွေ တစ်စင်းစီလောက်စီ ရပ်ထားကြလို့ပါ။

နေ့လည်ပိုင်းကတော့ Mahsuri မင်းသမီးလေးရဲ့ ပြတိုက်ကိုသွားတာပါ။ ပြတိုက်မှာက ပန်းချီတွေနဲ့ ပုံဖော်ထားတာပါ။ DVD နဲ့လည်းသူတို့ ဇာတ်လမ်းရိုက်ထားတာကို ပြန်ပြပါတယ်။ ပြတိုက်က ဝန်ထမ်းမိန်းကလေးတွေကတော့ ရွာကလိုပါပဲ။ စာအုပ်လေးတွေ ကိုယ်စီဖတ်လို့ လာတဲ့သူတွေကိုလည်း သိပ်ဂရုစိုက်မနေပါဘူး။

ညပိုင်းမှာတော့ စင်ကာပူက ဘလော့ရေးတဲ့ သူငယ်ချင်းတွေ အတွက် ဆိုပြီး ချောကလက်သွားဝယ်ပါတယ်။ ဘူးအလတ်စားလောက်ကို 20 ပေးရပါတယ်။ သို့ပါသော်လည်း ကျွေးလို့မရတော့ပါဘူး။ မင်းသမီးကြီးနဲ့ အတူ ပျောက်ဆုံးသွားလို့ပါ။

သွားမယ့်သူတွေကို မှာချင်တာကတော့
၁) လန်ကာဝီက Duty Free ဖြစ်ပြီးသားဖြစ်လို့ အပြန် စလုံးက Duty Free ဆိုင်မှာ ဝယ်ခွင့်မရှိပါ။
၂) လန်ကာဝီရောက်ရင် သွားမယ့် ခရီးစဉ်ပေါ်မူတည်ပြီး ဈေးဆစ်ပါ
၃) ကမ်းခြေတွေမှာ ရေဆော့ချင်ရင် ညနေပိုင်းတွေမှ ပိုကောင်းပါတယ်
၎) စားသောက်ဆိုင်တွေနဲ့ နီးတဲ့ဟိုတယ်တွေမှာတည်းရင် ပိုအဆင်ပြေပါတယ်။ သီဟသစ်တို့တုန်းက ညစာစားဖို့ ကားသက်သက်ငှားနေရလို့ပါ။

ကျေးဇူးတင်စကား
၁) စာလာဖတ်ပေးတဲ့ ညီအစ်ကို မောင်နှမ အားလုံး
၂) ဓါတ်ပုံတွေ အများစုကို ရိုက်ထားပေးတဲ့ ကိုလင်း၊ Mr. Villager
တို့ကို အထူးကျေးဇူးတင်ပါကြောင်း

အားလုံးစိတ်ရွှင်လန်းချမ်းမြေ့ကြပါစေ။

ခင်မင်စွာဖြင့်
သီဟသစ်

P.S Bonus တွေ နောက်ပို့စ်မှာလာမည်။

သ For သီဟသစ်

2009-10-11T13:32:00.000+08:00

ညီလေး ဆောင်းဆောင်းက ဘလော့ကနေ တဂ်၊ မမပြာပြာက Facebook ကနေ တဂ်လုပ်လို့ ရေးလိုက်တာပါ။

1. What is your name : သီဟသစ်
2. A four Letter Word : သိသလိုလို
3. A boy's Name : သန့်
4. A girl's Name : သက်မွန်မြင့်
5. An occupation : သံဗျင်ကြီး (ရှင်ကျာပူ ဘလော့ရပ်ဝန်း)
6. A color : သစ်စေးရောင်
7. Something you'll wear : သားရေဂျာကင်
8. A food : သရက်သီး
9. Something found in the bathroom : သွားပွတ်တံ
10. A place : သီရိပစ္စယာ ဟိုတယ်
11. A reason for being late : သိသာသိစေ မမြင်စေနဲ့ ဆိုတဲ့ စကားအတိုင်း ပုန်းရှိုးကွယ်ရှိုးလေး လာနေရလို့ပါ (ကိုယ်က ဆယ်လီဗြစ်တီ ဆိုတော့ သိတယ် မဟုတ်လား)
12. Something you'd shout : သွားစမ်းပါ မာယာတွေ ရိုးနေပြီကွာ
13. A movie title : သံသရာ စက်ဝန်းတစ်နေရာရာ
14. Something you drink : သစ်ခွ
15. A musical group : သဘာဝရဲ့ ရင်သွေးငယ်တွေ (The Wild Ones)
16. An animal : သိမ်းငှက်
17. A street name : သစ္စာလမ်း
18. A type of car : သန်ဒါဘတ်ဒ် ( ThunderBird from Ford )
19. The title of a song : သံယောဇဉ် (လေးဖြူ)၊ သံသရာစမ်းရေ (ဇော်ဝင်းထွဋ်)
20. A verb : သောက်(အသီးဖျော်ရည် ပါကွယ်)

ခင်မင်စွာဖြင့်
သီဟသစ်

P.S ခုရက်ပိုင်း စာရေးချင်စိတ်၊ စာဖတ်ချင်စိတ်များ PPSS ပျောက်ဆုံးနေသောကြောင့် ညီအစ်ကို မောင်နှမတွေရဲ့ ဘလော့တွေကို လိုက်မလည်စာမဖတ်ဖြစ်တာ ခွင့်လွှတ်ကြပါရန်

Bonus:
၁) အာဒံနဲ့ ဧဝ
မေးခွန်း အာဒံနဲ့ ဧဝ ကို တရုတ်လူမျိုးလို့ ဘာကြောင့်ထင်လဲ
အဖြေ စေတန်နတ်ဆိုးက မြွေယောင်ဖန်ဆင်းပြီးလာတယ်။ တားမြစ်ထားတဲ့ အသီးကို စားဖို့ ဖျားယောင်းတယ်။ ဧဝ က အာဒံကို ပြောလိုက်တယ်။ မြန်မြန်လုပ် အာဒံ၊ မြွေကိုပါဖမ်းလိုက်၊ မြွေကိုလည်း စားလို့ရတယ်လေ

မေးခွန်း အာဒံနဲ့ ဧဝ ကိုမလေးလူမျိုး လို့ ဘာကြောင့်ထင်လဲ
အဖြေ စေတန်နတ်ဆိုးက မြွေယောင်ဖန်ဆင်းပြီးလာတယ်။ တားမြစ်ထားတဲ့ အသီးကို စားဖို့ ဖျားယောင်းတယ်။ အာဒံရော ဧဝရောက ပြန်ပြောတယ် “အေးဆေးပေါ့၊ နက်ဖြန်မှ စားလည်းရတာပဲ”

မေးခွန်း အာဒံနဲ့ ဧဝ ကုအိန္ဒိယလူမျိုး လို့ ဘာကြောင့်ထင်လဲ
သူတို့က မြွေကို သစ်သီးစားအောင် လုပ်ပစ်လိုက်လို့ပေါ့

၂)တရားရုံးနဲ့ အားပန်
တရားသူကြီး : ဟေ့အားပန် မင်းခုဒီနေရာကို ရောက်တာ သုံးခေါက်ရှိပြီ။ မင်းမရှက်ဘူးလား
အားပန် : ဟုတ်၊ ဒါပေမယ့် လူကြီးမင်းကျတော့ နေ့တိုင်း ဒီကိုရောက်နေတာကော

၃) ကာရာအိုကေ သွားဆိုတဲ့ အားပန်
အားပန်နဲ့ သူငယ်ချင်းတစ်စု ကာရာအိုကေ ဆိုရန် သွားကြသည်။ အားပန်က ဒီဂျေကို Ah Cheng Buey Ro Ti (အားချွန် ပလာတာ ဝယ်သည်) သီချင်းကို ဖွင့်ပေးရန်ပြောသည်။
DJ က သူတို့ဆိုင်တွင် တရုတ်သီချင်း မရှိ၊ အင်္ဂလိပ်သီချင်းသာ ရွေးပေးရန်ပြော၏
အားပန်တစ်ယောက် ဒေါသတကြီးပေါက်ကွဲပြီး မန်နေဂျာနဲ့ သွားတိုင်သည်။ တစ်နာရီခန့် ငြင်းခုန်ပြီးခါမှ အားပန်လိုချင်သော သီချင်းကို သိရသည်။ “Unchained Melody”တဲ့။

L for Langkawi - 4 : Day 2

2009-09-20T23:17:00.000+08:00

ဒုတိယနေ့ သွားကြတဲ့ ခရီးစဉ်ကတော့ Cable Car စီးကြဖို့ပါ။ လမ်းမှာ Harbor Park ဆိုတဲ့ နေရာလေးမှာ ခဏရပ်ပြီး ဓါတ်ပုံတွေ ရိုက်ကြပါတယ်။ ရွက်လှေလေးတွေ ရပ်ထားတာ ကဗျာဆန်ပါတယ်။

Cable Car အကြောင်း မပြောခင် သီဟသစ်ရဲ့ အရင်တုန်းက ရည်မှန်းချက်တစ်ခု ရှိခဲ့တဲ့ အကြောင်း ပြောပြချင်ပါတယ်။ ဟိုအရင် လွင်မိုးဇာတ်ကားတွေမှာ Pilot အဖြစ် သူသရုပ်ဆောင်တာ တော်တော် smart ကျပါတယ်။ ငါလည်း သူ့လိုဖြစ်အောင်လုပ်မယ်ပေါ့။ တကယ်တမ်းလည်းကျတော့ သူငယ်ချင်းကောင်မလေးတွေနဲ့ ချားရဟတ်သွားစီးတာ သူတို့က မလန့်ပဲ ကိုယ်ကလန့်အော်မိနေကတည်းက စိတ်လျှော့လိုက်တယ်။ အမြင့်နဲ့ ငါနဲ့ ဒီဘဝတော့ မဖြစ်နိုင်တော့ဘူး ဆိုပြီး။ (အမြင့် က ကောင်မလေးနာမည် မဟုတ်ပါ)

Cable Car စစီးတဲ့ အဆောက်အအုံ နားရှူခင်း (Credits to Ko Lin)

Cable Car ဆိုတာကလည်း Sentosa က ဟာလောက်ပဲ စီးဖူးတာ ဆိုတော့ အဲလောက်လို့ပဲ ထင်ထားတာ။ တကယ်ကြည့်ကြည့်တော့

Credits To http://www.flickr.com/photos/izzat3114/2075625693/sizes/o/

အဲဒီရူခင်းကို မြင်ကတည်းက သိလိုက်ပြီ။ သီဟသစ်နဲ့တော့ မိတ်ပျက်ပြီ ဆိုတာ။ ဒါပေမယ့်လည်း ရောက်မှရောက်တဲ့နောက်တော့ ဖြစ်ချင်ရာဖြစ်ဆိုပြီး လိုက်သွားပါတယ်။ မျက်နှာငယ်ငယ် တန်းတွေ မလွှတ်တမ်းကိုင်ထားတဲ့ သီဟသစ်ရယ်၊ နောက်အကို တစ်ယောက်ရယ် ကြည့်ပြီး အမောင် Villager တို့ကတော့ တဟားဟားပေါ့။ မြင်ရတဲ့ ရူခင်းတွေကတော့ တော်တော်လှပါတယ်။ ဟိုးဝေးဝေးက ရေတံခွန်လေးကို လှမ်းမြင်နေရတယ်။ ပင်လယ်ပြင်ကြီးကိုလည်း အပေါ်စီးကနေမြင်ရတယ်။

ပထမဆုံး တောင်ထိပ်တစ်ခုကို ရောက်ပါတယ်။ သက်ပြင်းတွေ ချ၊ ခရီးပြီးသွားပြီ စိတ်အေးနေတုန်း၊ အပေါ်ကို ဆက်ကြည့်လိုက်တော့ မပြီးသေးပါဘူး။ နောက်တောင်ထိပ် တစ်ခုနဲ့ မိုးပျံတံတားရှိပါသေးတယ်။

ဒီလိုနဲ့ Cable Car ခရီးဆုံး တောင်ထိပ်ကိုရောက်သွားပြီး တံတားကြီးကို ငုံ့ကြည့်လိုက်တော့ အသည်းအေး စရာပါ။

Credits to http://www.flickr.com/photos/shortmandp/3658147252/sizes/l/

အဲဒီတိုင်ကြီး တစ်တိုင်တည်းက ကြိုးတွေနဲ့ တံတားကို ထိန်းထားတာပါ။ တော်တော်ကို လှတဲ့ ရှုခင်းတွေ မြင်ရပါတယ်။ ချွေးစီးတွေပြန်၊ သက်ပြင်းတွေချ အဖော်တွေ အားပေးမှုနဲ့ တံတား ဟိုဘက်ကို ရောက်သွားပါတယ်။ မီတာ 700 ကျော်အမြင့်မှာမို့ ထင်ပါတယ်။ တံတားပေါ်မှာ မြူတွေဆိုင်းနေပါတယ်။ လမ်းလျှောက်ရင်း “ငါဟာ တိမ်တွေကိုပဲ လွင့်တော့မလို့၊ ဘယ်ဆီဘယ်ဝယ် မသေချာတော့ဘူးပေါ့” ဆိုတဲ့ သီချင်းလေးတောင် သတိရမိပါတယ်။

ဒုတိယခရီးစဉ်ဖြစ်တဲ့ Telega Tujuh (Seven Wells) ဆိုတဲ့ Cable Car ပေါ်က လှမ်းမြင်ရတဲ့ ရေတံခွန်လေးဆီကိုပါ။ အဲဒီကို မသွားခင် Kitta Seafood Restaurant ဆိုတဲ့ ဆိုင်လေးမှာ နေ့လည်စာ ဝင်စားကြပါတယ်။ ၇ ယောက်စာ ၂၀၀ ကျော်ကျပါတယ်။ စားပြီးသောက်ပြီးတော့ ရေတံခွန်ခရီးစဉ်လေးကို စတင်တက်ကြပါတယ်။ ထိပ်ဆုံးရေတံခွန်ကို အရင်တက်တာပါ။ အဲဒီနေရာက ရေကျတဲ့နေရာရဲ့ အပေါ်ကို ရောက်နေတဲ့ အတွက် သိပ်မလှပါဘူး။ ရှုခင်းမလှတာနောက်ထား ရေတွေ့ရင်လည်း မနေနိုင် ၊ မောလည်းမောတာမို့ အမောပြေ ရေဆင်းကစားကြပါတယ်။

အဲဒီကနေပြန်ဆင်းပြီး အလယ်ပိုင်းက waterfall ကို ဝင်ကြပါတယ်။ အဲဒီရေတံခွန်လေးက ရေကျတဲ့ နေရာကို မြင်ရတော့ ပိုပြီးသာယာပါတယ်။ ရေတံခွန်ကို သွားတဲ့လမ်းတွေက တောတွင်းဆိုတော့ စိမ့်ပြီး ခြင်ကိုက်ပါတယ်။ နောင်သွားချင်တဲ့လူတွေအနေနဲ့ ခြင်ကိုကာကွယ်တဲ့ အနေနဲ့ လိမ်းတဲ့ Spray ဘူးဆောင် သွားသင့်ပါတယ်။

တတိယသွားကြတဲ့ နေရာကတော့ Black Sand Beach (Pantai Pasir Hitam) ဆိုတဲ့နေရာပါ။ ကမ်းခြေက နာမည်အတိုင်းပဲ သဲတွေက အကုန်မည်းနေတာပါ။ နွံတွေ မဟုတ်ပါဘူး။ သဲမည်းတွေပေါ်မှာ သဲသဲမည်းမည်း လမ်းတွေ လျှောက်ပြီးသကာလ THT စာလုံးလေးတောင် သဲပေါ်မှာ အမှတ်တရ ရေးခဲ့ပါတယ်။

စတုတ္ထ ခရီးစဉ်လေးကတော့ Tanjung Rhu Beach ဆိုတဲ့ နေရာပါ။ ညနေပိုင်း ဒီရေ မတက်သေးချိန်မို့ ထင်ပါတယ်။ ရေလေးကကြည်ပြီး တော်တော်ခပ်ဝေးဝေးထိ ရေက ဒူးဆစ်ကျော်ကျော်ပဲ ရှိပါတယ်။ ရေတိမ်တဲ့ သူများတွေ လျှောက်နေတဲ့ သဲလမ်းလေးအတိုင်း လမ်းလျှောက်သွားကြပါတယ်။ ခရုကောက်နေတာ ဖြစ်ပုံရတဲ့ ဒေသခံတွေလည်း ခပ်လှမ်းလှမ်းရေထဲမှာ အလုပ်လုပ်နေကြတာ တွေ့ရပါတယ်။

ကမ်းခြေက သစ်ပင် အုပ်အုပ်လေးတွေရယ်၊ ရေထဲမှာ ဆင်းနေတဲ့ လူတွေရယ်ကို ကြည့်ပြီး အရင်တုန်းက တော်တော်ဆော့ခဲ့ဖူးတဲ့ Age of Empires Game ထဲက သစ်ပင်ခုတ်တာတို့၊ အလုပ်သမားတွေကို ငါးမျှားခိုင်းတာတို့ကို ဘာမဆိုင် ညာမဆိုင် သွားသတိရမိပါသေးတယ်။

နောက်နေ့ Mangrove and Eagle Feeding ခရီးစဉ် အတွက် လက်မှတ်ကို အဲဒီအနားမှာ ဝယ်ကြပါတယ်။ ရေဆင်းဆော့ချင်တဲ့ အတွက် Long Beach ဆိုတာ ပါတဲ့နေရာရွေးပါတယ်။ ပုံမှန်RM 200 ခရီးကို RM 250 ပေးရပါတယ် (အဲလိုရွေးမိတာ မတန်တဲ့ အကြောင်း နောက်မှ ရေးပါမယ်။) လက်မှတ်ရောင်းနေတာက ထိုင်းအမျိုးသမီးပါ။ အဖွဲ့ထဲပါတဲ့ အစ်မတစ်ယောက်က စက်လှေသွားမည့် လမ်းကြောင်းအကြောင်း အချင်းချင်း မြန်မာလို တိုက်ရိုက်သွားမှာမို့လား ဆိုတော့ သူက အင်း တဲ့။ သူ့ဟာနဲ့သူတော့ ဟုတ်နေတာပါပဲ။ ဈေးကလည်း ဆစ်နိုင်ကာမှ တော်ကာကျတာပါ။

Day 2 အတွက် နောက်ဆုံးခရီးစဉ်ကတော့ Eagle Square ကိုသွားဖို့ပါ။ Langkawi ဆိုတာ Lang ဆိုတာ Helang လင်းယုန်ဆိုတဲ့ စကားအတွက် အတိုကောက် စာလုံးပါ။ Kawi က Reddish Brown ပါ။ နီညိုရောင် လင်းယုန်က သူတို့ကျွန်း အတွက် သင်္ကေတပါ။ အဲဒီရင်ပြင်နားလေးမှာ လန်ကာဝီကနေ တခြားနေရာတွေ ဆီကို သွားတဲ့ Ferry ဆိပ်ကိုလဲ တွေ့ခဲ့ပါတယ်။

ညစာစားဖြစ်တဲ့ နေရာကတော့ ဟိုတယ်နဲ့ ကပ်ရက်က Hang Kok Kwan Korea B.B.Q Restaurant ပါ။ အဲဒီဆိုင်နဲ့ တွဲလျက် အဆောက်အအုံကြီးက ရေလွှာလျောစီးကွင်း လုပ်ခဲ့ဖူးတဲ့ နေရာပါ။ ကလေး နှစ်ယောက်လောက် မတော်တဆဖြစ်ပြီး ဆုံးသွားတဲ့နောက် ပိတ်ထားခဲ့တာလို့ဆိုပါတယ်။ ဆိုင်က လူမရှိပါဘူး။ Waiter တွေက မြန်မာတွေပါပဲ။ ကိုရီးယားစတိုင် ဘာဘီကျူးကို ကင်မ်ချီတွေ မျိုးစုံနဲ့ စားရတာပါ။ ဝက်သားလည်း ပါပါတယ်။ ၇ ယောက် ကို ၃၆၀ ကျော်ကျပါတယ်။ ခရီးစဉ်တစ်လျောက် စားဖြစ်တဲ့ ဆိုင်ထဲမှာ မတန်ဆုံး ဆိုင်ပါပဲ။

ဟိုတယ်ပြန်ရောက် ရေမိုးချိုးနားပြီးတဲ့နောက် ညလသာသာမှာ ကမ်းခြေကို ဆင်း လမ်းလျောက်ကြပါတယ်။ အနားမှာ အပ္ပနားတို့ လူစု မူးပြီး သီချင်းဆိုပြီး ကနေတဲ့ ဆူဆူညံညံကြားကပဲ နှင်းဆီဖြူနဲ့ သားလေးကို လွမ်းပါတယ်။ သွားခဲ့ဖူးတဲ့ ချောင်းသာကမ်းခြေက ညတွေကိုလည်း လွမ်းပါတယ်။

ခင်မင်စွာဖြင့်
သီဟသစ်

P.S
၁) နောက်တစ်ပို့စ်မှာ ဒီလန်ကာဝီခရီးကို အဆုံးသတ်ပါမယ်။
၂) သတိရသလောက် ဆောင်ရန် ရှောင်ရန်လေးတွေကိုလည်း ထည့်ရေးသွားပါမယ်။

Bonus:
၁)လှေနံဓါးထစ် အားပန်

အားပန်နဲ့ အားလော့တို့ နှစ်ယောက်သား လှေငှားပြီး ငါးမျှားသွားကြပါတယ်။ အဲဒီနေ့က ငါးအကောင် ၃၀ ကျော် သူတို့မိပါတယ်။ အားပန်က အားလော့ကို

“ဒီနေရာ မှတ်ထားကွာ။ နောက်နေ့ ထပ်လာပြီး မျှားရအောင်”

နောက်နေ့ လှေငှားဖို့လာကြတော့ အားပန်က အားလော့ကို

“မင်းမနေ့က နေရာမှတ်မိလား”
အားလော့က
“အေးကွ ငါ လှေရဲ့ အခြေမှာ X ဆိုပြီး ရေးထားခဲ့တယ်။“
ထိုအခါ အားပန် ဒေါသတကြီး တုံ့ပြန်လိုက်တာကတော့
“မင်းငတုံးပဲ။ လှေကို သူများငှားသွားရင် ဘယ်လိုလုပ်မလဲကွ”

၂) စမတ်ဖြစ်တဲ့ အားပန်

အားပန်ရဲ့ သူဌေး နဲ့ အားလော့ ရဲ့ သူဌေး ၂ ယောက်သား ကော်ဖီ အတူသောက်ရင်း သူတို့ တပည့်တွေ တုံးအတဲ့ အကြောင်းပြောနေကြတယ်။ အားပန်ရဲ့ သူဌေးက
”ငါ့တပည့်ဖြင့် တကယ်တုံးသကွာ။ မင်းမယုံရင် မင်းကို သက်သေပြမယ်”

ထို့နောက် အားပန်ကို လှမ်းခေါ်ပြီး ပြောလိုက်သည်။
“ဟေ့ အားပန်၊ ဒီမှာ ၁၀ ဒေါ်လာ၊ ငါ့အတွက် မာစီးဒီးစ် တစ်စီး သွားဝယ်ချေ”
”ကောင်းပါပြီး Boss”
အားပန်တစ်ယောက် ပိုက်ဆံယူပြီး ကားအရောင်းပြခန်းသို့ အမြန်ထွက်သွားသည်။

အားပန်ရဲ့ သူဌေးက အားလော့ရဲ့ သူဌေးကို
“ကျုပ်ပြောတာ ယုံပြီဟုတ်”

ထိုအခါ အားလော့ သူဌေးက

“အဲလောက်မဟုတ်သေးပါဘူးဗျာ။ ကျုပ်တပည့် အားလော့ တုံးပုံ ပြအုံးမယ်။ ”

ထို့နော် အားလော့ကို ခေါ်ပြီး

“ဟေ့ အားလော့၊ အိမ်ပြန်ပြီး အိမ်မှာ ငါရှိမရှိ သွားကြည့်ချေစမ်း”
“ဟုတ်ကဲ့ပါ ဆရာ ”

အားလော့တစ်ယောက် ထွက်သွားပြန်သည်။

လမ်းတွင် အားပန်နှင့် အားလော့ ၂ ယောက် တွေ့ကြသည်။ အားပန်က
“ငါ့Boss က ငတုံးပဲကွ။ ငါ့ကို ပိုက်ဆံ ၁၀ ပေးပြီး မာစီးဒီးစ်ကားဝယ်ခိုင်းတယ်။ ဒီနေ့ တနင်္ဂနွေနေ့ ကားပြခန်းတွေ ပိတ်တာ သူသတိမရဘူး”

အားလော့က
“ငါ့သူဌေးလဲ ဘာထူးလဲ။ သူအိမ်မှာ ရှိနေမနေပြန်ကြည့်ခိုင်းတယ်လေ။ ဖုန်းပါရဲ့သားနဲ့ ဖုန်းဆက်မေးလိုက်ပြီးရော”

Love Application Version 1.0.1500.528 Documentation

2009-09-17T01:38:00.000+08:00

Software ရေးသူ	သီဟသစ်
User	နှင်းဆီဖြူ
New User	မောင်ချန်းချင်

Credits for Cartoon http://www.ihoii.com/images/simplelists/swbf.jpg

ဒီ ဆော့ဖ်ဝဲနဲ့ ပတ်သက်တဲ့ မှတ်တမ်း (Documentation) ကို စမရေးခင် လွန်ခဲ့တဲ့ ၉ နှစ်ကျော်က ကိုယ်ရေးမယ့် Love Application ကိုလက်ခံဖို့ ချစ်သူ့ဆီမှာ အဆိုပြုလွှာ (Project Proposal) တင်ခဲ့တဲ့ ကာလတွေကို သတိရမိတယ်။ ဘဝတစ်လျှောက် အာမခံ (Lifetime Warranty) ပေးပါ့မယ်၊ အမှား (Error) ကင်းစေရပါ့မယ်၊ အရည်အချင်း စစ်ဆေးမှု(Quality Assurance) ကိုလည်း Pass ဖြစ်စေရပါ့မယ် ဆိုတဲ့ အရာတွေကို ကိုယ် sign ထိုးခဲ့ရသေးတယ်လေ။

စစချင်းမှာတော့ ချစ်သူက ကိုယ့်ကို ခင်မင်မှု Feature အဓိက ပါဝင်တဲ့ Friends 1.0 version(Love 1.0.528) ကိုပဲ စရေး(develop) လုပ်ခွင့်ပေးခဲ့တယ်။ အဲဒီကနေ တဆင့် မေတ္တာ Feature ပါလာတဲ့ Lover 1.0 version(Love 1.0.1500) ကို ချစ်သူက စမ်သပ်အဆင့်(staging server) မှာ ရေးခွင့်ပေးခဲ့တယ်လေ။ အစပိုင်းမှာတုန်းက ချစ်သူ့ဘက်က Project Manager ဖြစ်တဲ့ ချစ်သူ့မာမားက ကိုယ်ရေးတဲ့ Love Application ရဲ့ ယုံကြည်စိတ်ချရမှု(Reliability) ကို မယုံကြည်ဖူးဆိုပြီး စမ်းသပ်အဆင့်(staging server) ပေါ်ကနေ ဖြုတ်ချ (uninstall) လုပ်ဖို့ကြိုးစားခဲ့သေးတယ်လေ။ နောက်ဆုံး Staging Server ကနေ အသုံးပြုသူက လက်ခံမခံ စစ်ဆေးမှု (User Acceptance Test) တွေ Pass ဖြစ်သွားပြီဆိုမှ ကိုယ့်ကို မေတ္တာ+ကြင်နာခြင်း+သံယောဇဉ် Feature တွေပါတဲ့ Family 1.0 version (Love 1.0.1500.528) ကို ရေးခွင့်ပေးခဲ့ကြတယ်။

ချစ်သူရေ ကိုယ့်ရဲ့ Software Run နေတဲ့ တလျှောက် ပျက်စီးရပ်တန့်ခြင်း(Crash) မဖြစ်အောင် ကိုယ်ရဲ့ အကြင်နာ module နဲ့ သံယောဇဉ် module တို့ကို အမြဲကောင်းအောင် (Enhance) ဖြစ်အောင် ကိုယ်ကြိုးစားနေပါတယ်။ ကိုယ်ရေးတဲ့ Love Application လေးရဲ့ မူပိုင်ရှင်က ချစ်သူ တစ်ဦးတည်းအတွက် မို့ ကိုယ့် Family မဟုတ်တဲ့ တခြားဘယ် user တွေကိုမှ ပေးသုံးမှာ မဟုတ်ပါဘူး။

ခုတော့ ချစ်သူနဲ့ကိုယ်တို့ရဲ့ user အသစ်လေးဖြစ်တဲ့ သားလေးချန်းချင်အတွက် Father 1.0 version ကို develop လုပ်နေပါတယ်။ user အသစ်လေးက ကိုယ်ရဲ့ System ကို အခုမှ စသုံးမှာဖြစ်တဲ့ အတွက်ကြောင့် သူမသုံးတတ်ရင် ချစ်သူ သေချာသင်ပေးလိုက်ပါ။ သူ့ကို စိတ်ရှည်ပါကွယ်။

ချစ်သူ စိတ်ပူနေတဲ့ ကိုယ်တို့ရဲ့ Lovely Family System ကြီးကို ရပ်တန့်ခြင်း(Crash) ဖြစ်စေနိုင်တဲ့ Girlfriend Module နဲ့ Beer and Liquor Module တို့ကို ကိုယ်လုံးဝ မရေး(develop မလုပ်) ပါဘူး။ ကိုယ် develop လုပ်နေတာက Blog Module ရယ်၊ Friends and Families Module ရယ်ပါ။ Grapes Module ကတော့ ကိုယ် develop မလုပ်ပါဘူး။ တခြား Programmer တွေ ဘယ်လို develop လုပ်နေကြတယ် ဆိုတာ ငေးကြည့်ရုံသက်သက်ပါ။

ချစ်သူကိုယ်ရေးတဲ့ Love Application လေးကို သုံးခဲ့တဲ့ ကာလတစ်လျှောက် အဆင်မပြေတာတွေ ရှိခဲ့တာကို သည်းခံပေးတဲ့ အတွက် ကျေးဇူးအထူးပါ။ ရှေ့လျောက် Error တွေ မတက်အောင် အမြဲ ဂရုစိုက်နေမှာပါ။ ကိုယ်ရေးတဲ့ Love Application ရဲ့ အခုအချိန်မှာ အဓိက Feature ဖြစ်တဲ့ သစ္စာရှိခြင်း နှင့် သံယောဇဉ် ကို အမြဲ support လုပ်နေမှာ ဖြစ်ကြောင်း ပြောကြားရင်းနဲ့ မှတ်တမ်းကို နိဂုံးချုပ်အပ်ပါတယ်။

ခင်မင်စွာဖြင့်
သီဟသစ်

P.S
၁) စိတ်ကူးထဲပေါ်လာတဲ့ ပေါက်ကရလေးတွေကို ချရေးလိုက်တာပါ။
၂) English စာလုံးတွေကြောင့် ဖတ်ရတာ မျက်စိရှုပ်ရင် ခွင့်လွှတ်ပါ။

Bonus:
၁) စင်္ကာပူသား စကားများသည်
ဘက်စ်ကား ဒရိုင်ဘာ၏ ခေါင်းတည့်တည့်တွင် ချိတ်ထားသော သတိပေးစာများ

ဂျာမဏီ ။ ဒရိုင်ဘာနှင့် လုံးဝ စကားမပြောရ
အင်္ဂလန် ။ ဒရိုင်ဘာနှင့် စကားမပြောလျှင်ကောင်းမည်
အစ္စရေး ။ ဒရိုင်ဘာနှင့် စကားပြောချင်စိတ်ကို ချိုးနှိမ်ပါ
စင်္ကာပူ ။ ဒရိုင်ဘာကို စကားပြန်မပြောပါနှင့်

၂) နောက်ကျပြီ
အိပ်ရာမှ နိုးလာသည့် ကိုချူချာ သာမိုမီတာကို ကြည့်သည်။ သာမိုမီတာက ၁၅ ဒီဂရီကို ပြနေသည်။ နဖူးကို လက်နဲ့ရိုက်ပြီး ကိုချူချာ ကိုယ့်ကိုယ်ကို ပြောသည်။

“ဒုက္ခပါပဲ၊ ရုံးနောက်ကျပြီ၊ မနက် ၈ နာရီ အရောက် ငါ ရုံးသွားရမှာပဲ”

၃) နှင်းပါ

အက်စကီးမိုးတွေ သူတို့ရဲ့ သားသမီးတွေ လမ်းလျှောက်တတ်တာနဲ့ ဘာစသင်သလဲ
အဝါရောင် နှင်းဖတ်တွေကို မစားရဘူး၊ မစားနဲ့လို့ပြောတယ်

နှစ်ခုပဲရှိတယ်

2009-09-16T00:50:00.000+08:00

In this life we live, there are two things involved, Its either you are a man or you are a woman,; If you are a woman, you are safe,...

ကြည့်ဖူးပြီသား ဖြစ်ရင်လည်းဖြစ်မှာပါ။ လန်ကာဝီပို့စ် အဆုံးမသတ်ရသေးခင် ကြားထဲမှာ ပညာပေး အပျင်းပြေလေး တင်ပေးလိုက်တာပါ..

ရွှင်လန်းချမ်းမြေ့ကြပါစေ..

ခင်မင်စွာဖြင့်
သီဟသစ်

L for Langkawi - 3 : Island Hopping Second Part

2009-09-12T15:18:00.002+08:00

တောင်ပံတွေမှာ အားသစ်တစ်ခု
လေဟုန်ကိုဆန်ကာ အမြင့်မှာပျံမယ်
တိမ်နံရံတွေ ထိုးဖောက်ထွက်
အာကာပြင်မှာ မင်းမူချင်တယ်..
(သီချင်းငှက်ရဲ့ ပျံသန်းမှု - ဆောင်းဦးလှိုင်)

Credits to Ko Lin

Lake of Pregnant Lady နေရာကနေ ပြန်လာပြီး နောက်တစ်နေရာကတော့ လင်းယုန်တွေ အစာကျွေးတဲ့ နေရာပါ။ Eagle Feeding ဆိုပြီး လင်းယုန်တွေကို အစာကျွေးတဲ့ နေရာ မဟုတ်သေးပါဘူး။ စက်လှေမှာပါလာတဲ့ အိန္ဒိယ စုံတွဲက အဲဒီနေရာက ငှက်တွေထက် ဒီငှက်တွေက အကောင်ပိုကြီးတယ်လို့ ပြောပါတယ်။ စက်လှေသမားက ငှက်တွေကို ဘာတွေချကျွေးလိုက်မှန်း သတိမထားလိုက်မိပါဘူး။ ငှက်တွေ တဝုန်းဝုန်းကို အားရပါးရကြည့်နေတာမို့ပါ။

အဲဒီနောက်မှာတော့ Beras Basah Island ဆိုတဲ့ ကျွန်းလေးကို လိုက်ပို့ပါတယ်။ သောင်ပြင်ဖွေးဖွေးနဲ့ ရေဆော့လို့ တော်တော်ကောင်းမယ့် နေရာပါ။ သီဟသစ်တို့က အဝတ်ပိုတွေ ယူမသွားလိုက်ရလို့ ရေမဆော့ခဲ့ရပါဘူး။

သွားလည်တဲ့ ကျွန်းတိုင်းလိုလို ဒီလို ဆိပ်ခံတံတားလေးတွေရှိပါတယ်

ဒီလိုနဲ့ သူများတွေ ရေဆော့တာကြည့် ဓါတ်ပုံတွေ ဟိုရိုက်ဒီရိုက် လုပ်ပြီးသကာလ Lankawiကို ပြန်လာကြပါတယ်။ စက်လှေဆိပ်က အပြန်လမ်းမှာ ကားဒရိုင်ဘာကို seafood ကောင်းတဲ့ဆိုင်ကို မေးကြည့်ပါတယ်။ သူက Orkid ဆိုတဲ့ ဆိုင်ကို ညွှန်းပါတယ်။ ဟိုတယ်ပြန်ရောက်၊ ကမ်းခြေသွားကြည့် ၊ ခဏနားပြီး သကာလ ရေကူးဖို့ လုပ်ပါတယ်။ ဟိုတယ်နားက ကမ်းခြေက ရေသိပ်မသန့်သလိုပါပဲ။ ဘယ်သူမှလည်း ရေဆော့တာမတွေ့တာနဲ့ ဟိုတယ်က ရေကူးကန်မှာပဲ ရေစိမ်လိုက်ပါတယ်။

ဟိုတယ်နား ကမ်းခြေက မြင်ရတဲ့မြင်ကွင်း၊ ဟိုးဝေးဝေးက တံတားလို နေရာလေးကို သွားလို့ရတယ် ထင်နေတာ မရဘူးတဲ့ဗျ။ ဆူနာမီ လှိုင်းတွေကို တားထားတာဆိုပဲ။

ဟိုတယ်က အဆင်မပြေတာ တစ်ခုက စားသောက်ဆိုင်တွေနဲ့ သိပ်မနီးတာပါ။ (ကိုမိုးစက်တို့ သွားတုန်းက တည်းတဲ့ CD motel က ဆိုင်တန်းတွေနဲ့ နီးတာ တွေ့ခဲ့တယ်။) အဲဒီတော့ ညစာထွက်စားဖို့ရာ နီးနီးနားနား လေဆိပ်နားက ဈေးဆိုင်တန်း တွေ့ခဲ့တယ်၊ သွားစားကြမယ် ဆို လမ်းလျှောက်သွားကြပါလေရော။ ဟိုရောက်တော့ ညနေတွေ့တုန်းက ကြိတ်ကြိတ်တိုးနေတဲ့ ဆိုင်ခန်းတွေက သိမ်းခါနီးပြီ။ သေချာမေးကြည့်မှ သူတို့တွေ ဥပုသ်ထွက်ထွက်ချင်း လာစားကြတဲ့ နေရာဆိုပဲ။ ကိုယ်တွေကလည်း seafood ဈေးတန်းမှတ်လို့လာတာဆိုတော့ Ctrl+Z ပြန်နှိပ်ပြီး လေယာဉ်ကွင်းဘက်ကို Taxi သွားငှားပြီး သကာလ Orkid ဆိုတဲ့ဆိုင်ကို ချီတက်ကြပါတယ်။

Credits To http://www.flickr.com/photos/h2obaby/3712850114/

ဆိုင်ထဲကို ဝင်ပြီးထိုင်ထိုင်ချင်း အစ်ကိုတို့ ဘာများစားမလဲ ဆိုပြီး မြန်မာသံပီပီသသနဲ့ လာမေးလို့ အံ့သြသွားပါသေးတယ်။ နောက်မှ အဲညီလေးက သူတို့ဆိုင်မှာ မြန်မာ waiter ၅ ယောက်တောင်ရှိဆိုပဲ။ ကိုယ်တွေလည်း ဟင်းတွေမှာရပြုရတာ အဆင်ပြေသွားတာပေါ့ဗျာ။ ဂဏန်းမှာတော့ ဝိနည်းလွတ်ပေါ့ ငါတို့ မရွေးတော့ပါဘူးကွာ မင်းတို့ပဲကြိုက်တာ ရွေးလိုက်ပါ ဆိုပြီး လုပ်ပါတယ်။ ဈေးကလည်း မဆိုးပါဘူး။ အားလုံးပေါင်းမှ RM 178 ကျပါတယ်။

နောက်နေ့သွားလည်ဖို့ နေရာတွေကို သူတို့တွေနဲ့ မေးကြည့်ပါတယ်။ Waiter ညီလေးက သူသိတဲ့ မြန်မာTourist Guide အစ်ကိုကြီး တစ်ယောက်ရဲ့ ဖုန်းနံပါတ်ပေးပါတယ်။ တိုက်တိုက်ဆိုင်ဆိုင်ပါပဲ။ အဲဒီအစ်ကိုကြီးက ကိုမိုးစက်တို့ သွားတုန်းက တွေ့တဲ့လူပါပဲ။ (ကိုကျော်ဝင်း(Joe)၊ Ph 012-5333 961, 016-4553 451 အခမဲ့ ကြေငြာပေးလိုက်တာပါ။ ရုပ်တည်တည် ခပ်အေးအေး စကားနည်းတဲ့ လူတစ်ယောက်ပါတဲ့ အဖွဲ့က ညွှန်တာပါ လို့ပြောလိုက်ပါ။)ဖုန်းဆက်ပြီး လှမ်းမေးကြည့်တော့ နောက်နေ့ နေရာတွေ လည်ဖို့ရာ တစ်နေကုန်ကို RM 200 နဲ့ ဈေးတည့်သွားပါတယ်။

ကိုကျော်ဝင်းလည်း ခဏနေတော့ Orkid ကိုလာတွေ့ပါတယ်။ ဒူးရင်းသီးမြင်ရင် မနေနိုင်တဲ့ အမောင် Villager တစ်ယောက်ကြောင့် ဒူးရင်းသီးဆိုင်ကိုလဲ သွားခဲ့ပါသေးတယ်။ ဒူးရင်းသီး ၂ လုံးကို RM 24 တဲ့။ စင်္ကာပူနဲ့စာရင် တန်တယ်ဆိုပဲ။ သီဟသစ်ကတော့ စားနေကျ မဟုတ်လို့မသိ။

ဒုတိယနေ့ လည်ကြတဲ့ အကြောင်းကို ဆက်ပါဦးမည်။

ခင်မင်စွာဖြင့်
သီဟသစ်

P.S
၁) တစ်ချို့ရှူခင်းပုံတွေက သီဟသစ် ပုံထဲမှာမပါရင် တော်တော်ကြည့်ကောင်းမယ့်ပုံလေးတွေပါ။ မိတ်တွေပျက်ကုန်မှာစိုးလို့ မတင်တော့ပါဘူး။ :D (ကိုယ့်ပေါင်ကိုယ် လှန်ထောင်းထားတာ သက်သာ၏။)

၂) လန်ကာဝီသွားတာ ပြောမသွားလို့ သူတို့လည်း လိုက်ချင်တာ ဆိုပြီး ညီအစ်ကို မောင်နှမ တစ်ချို့က ပြောကြ၏။ နောက်တစ်ခါ ဖူးခက်၊ ဘာလီ သွားဖို့ စီစဉ်ရင် တွေ့တဲ့သူ လိုက်ခေါ်မည်။ မလိုက်ရင် လူပျိုကြီး အပျိုကြီးဖြစ်ပါစေ ကျိန်စာတိုက်မည်။

Bonus:
လွတ်သွားသော အခွင့်အရေး

နိုင်ငံခြားရှိ ပင်လယ်ကမ်းခြေ တစ်ခုခုတွင် ဇိမ်ခံအနားယူရန် ရုရှားအီဗန်ကြီး ဆုံးဖြတ်လိုက်သည်။ လိုသောငွေကို ကုတ်ကပ်စုသည်။ ပိုက်ဆံပြည့်သောအခါ ခရီးသွားဌာနတွင် လင်မယားနှစ်ယောက်အတွက် လေယာဉ်စရိတ်၊ သုံးပတ်စာ ဟိုတယ်နှင့် အစားအသောက်စားရိုက်တို့ကို ပေးချေကာ ခရီးထွက်သည်။ စိတ်ကြိုက်အနားယူသည်။ ရက်စေ့သောအခါ ဟိုတယ်မှ ထွက်မည်လုပ်သည်။ ဤတွင် ဟိုတယ်မန်နေဂျာရောက်လာပြီး ဒေါ်လာတစ်သောင်း ပေးချေရမည့် ဘောက်ချာလာပေးသည်။ အီဗန်ကြီး နားမလည်သဖြင့် ပြန်မေးသည်။

“ဘာအတွက် ပေးရမှာလဲဗျ”

မန်နေဂျာ ရှင်းပြသည်။

“ဟောဒီမှာ ကြည့်ပါ။ ဝိုင်အရက် မြည်းရန် ဝိုင်စိုက်ခင်းသို့ မော်တော်ယဉ်ဖြင့် ခရီးထွက်ခြင်း ဒေါ်လာ နှစ်ထောင်လို့ ရေးထားပါတယ်”

“ဟာမဟုတ်တာဘဲ။ ကျွန်တော်တို့ လင်မယား အဲဒီခရီးကို မလိုက်ခဲ့ပါဘူးဗျ”

“ဒါ... လူကြီးမင်းတို့ အပြစ်ပဲလေ။ ကျွန်တော်တို့ကတော့ ဒီခရီးစဉ်ရှိမယ် ဆိုတာ နေ့တိုင်းကြေငြာနေတာပဲဗျ။ ဟောဒီမှာ အထူးသင်္ဘောနှင့် ပင်လယ်ထဲ ငါးမျှားထွက်ခြင်း .. ဒေါ်လာ သုံးထောင်”

“အဓိပ္ပါယ် မရှိတာပဲ။ ကျုပ်တို့ တစ်ရက်မှ ငါးမမျှားခဲ့ဘူး။ ခင်ဗျားတို့ သင်္ဘောလည်း မစီးခဲ့ပါဘူးဗျာ”

“ဒါ လူကြီးမင်းတို့ အပြစ်ပဲလေ။ မနက်တိုင်း ဟိုတယ်ရှေ့ ဆိပ်ကမ်းကို သင်္ဘောလာဆိုက်တာပဲ။ ဂရုတစိုက်ကြည့်မှပေါ့။ ဟော.. ရဟတ်ယာဉ်ဖြင့် မြို့ကို လှည့်ပတ်ကြည့်ရှုခြင်း ဒေါ်လာ ငါးထောင်”

“ဘယ်ကနေ ... ဟယ်လီကော်ပတာ ပေါ်လာရပြန်တာလဲ”

“ကိုယ့်ဟာကိုယ် မစီးတာတော့ ကျွန်တော်တို့ မတတ်နိုင်ဘူး။ ရဟတ်ယာဉ်ကတော့ နေ့တိုင်း ဟိုတယ်ကို ပတ်ပြီး ပျံနေတာပဲ”

မန်နေဂျာကို ပြန်လည်ထိုးနှက်ရန် အီဗန် ဆုံးဖြတ်လိုက်သည်။

“ကောင်းပြီ .. ဒါဆို ကျုပ်ကလည်း ခင်ဗျားဆီက နစ်နာကြေး ဒေါ်လာ တစ်သောင်းခွဲ တောင်းဆိုရလိမ့်မယ်”

“ဘာအတွက်နစ်နာကြေးလဲ”

“ကျုပ်ရဲ့ မိန်းမကို မဟားဒရားလုပ်တဲ့အတွက်”

“ဟာမဖြစ်နိုင်တာ မပြောပါနဲ့ဗျ။ ခင်ဗျားရဲ့ မိန်းမအနားကို ကျွန်တော် လုံးဝ မကပ်ခဲ့ပါဘူးဗျ”

“ဒါ ... ခင်ဗျား အပြစ်နဲ့ ခင်ဗျားပဲလေ။ ပင်လယ်ကမ်းစပ်မှာ ကျုပ်မိန်းမ ဘီကီနီရေကူးဝတ်စုံလေးနဲ့ နေ့တိုင်းနေပူစာ လှုံနေခဲ့တာပဲ”

L for Langkawi - 2 : Island Hopping First Part

2009-09-09T02:04:00.001+08:00

ခရီးသွားတဲ့ အကြောင်းလေး မရေးခင် Positive ions နဲ့ Negative ions တွေ အကြောင်း ပြောပြပါရစေ။ Positive ions တွေဟာ လူတွေကို စိတ်ဖိစီးမှု ပိုများစေပါတယ်။ Negative ions တွေကတော့ ဦးနှောက်ဆီကို အောက်ဆီဂျင် စီးဆင်းမှု ပိုများစေပြီး လူတွေကို စိတ်ရွှင်လန်းစေပါတယ်။ ကျန်းမာရေး ပိုကောင်းစေပါတယ်။

Positive ions တွေဟာ လေထုညစ်ညမ်းမှုများတဲ့ မြို့တော်တွေမှာ ပမာဏများများရှိပါတယ်။ ကားမီးခိုး၊ စက်ရုံက မီးခိုး၊ ဖုန်တွေ၊ ဆေးလိပ်မီးခိုးတွေ၊ ချက်ပြုတ်ခြင်း၊ အပူပေးခြင်း ရတဲ့ မီးခိုးတွေဟာ Positive ions တွေကို ဖြစ်ပေါ်စေပါတယ်။ Negative ions တွေက ရဖို့ အလွယ်ဆုံးနည်းလမ်းက အိမ်ကရေပန်းနဲ့ ရေချိုးခြင်းပါပဲ။ ပမာဏများများ ရချင်တယ်ဆိုရင်တော့ ပင်လယ်ကမ်းခြေတွေနဲ့ ရေတံခွန်တွေမှာ ရှိပါတယ်။ စင်္ကာပူက လူလုပ်ကမ်းခြေနဲ့ လူလုပ်ရေတံခွန်တို့တွင်တော့ Negative ions နည်းမည်ထင်၏။ နှင်းဆီဖြူလေးနဲ့ သားလေးတို့ ရောက်လာရင် ကိုယ်သွားထားဖူးတော့ လိုက်ပို့ရတာလည်း အဆင်ပြေ၏။ ဤသို့သော အကြောင်းများကြောင့် သီဟသစ် လန်ကာဝီသို့ သွားခြင်းတည်း။(Believe it or not)

ကုန်ကျစရိတ်ကို စပြောရရင် လေယာဉ်ခနဲ့ ဟိုတယ်က S$129၊ လန်ကာဝီမှာ လည်ပတ်စားသောက်တာက ရင်းဂစ် ၄၀၀ (S$ 162) ဆိုတော့ကာ အပြီးအစီး S$ 300 နဲ့လောက်ပါတယ်။ လေယာဉ်က www.airasia.com ကနေ ဝယ်ပါတယ်။ စင်္ကာပူ-လန်ကာဝီ တိုက်ရိုက်လေကြောင်းပါ။(S$ 61 ကျပါတယ်၊ 15 KG သယ်လို့ ရပါတယ်) ဟိုတယ်က ၃ ညအိပ် ၄ ရက် ကို 68 ကျပ်ပါ။ တစ်ခန်းကို တစ်ရက် S$ 53 ပါ။ တစ်ခန်းမှာ နှစ်ယောက်အိပ်ကုတင် Queen Size ၂ လုံးပါပါတယ်။ Buffet Breafast ပါပါတယ်။ ဟိုတယ်ကိုတော့ http://www.agoda.com/ ကနေ Booking လှမ်းလုပ်ထားတာပါ။ ဟိုတယ်ရဲ့နာမည်က Langkasuka Beach Resort ပါ။

ဒီလိုနဲ့ ၃၊၉၊၂၀၀၉ မှာ သီဟသစ်တို့ရဲ့ လန်ကာဝီ ခရီးစဉ်ကို AirAsia နဲ့ စတင်ထွက်ခဲ့ပါတယ်။ Budget Airline ပီသပါပေတယ်။ AirCon လည်းသိပ်မအေးပါဘူး။ ဘာမှလည်း မကျွေးပါဘူး။ တစ်ချို့ခရီးသည်တွေက online ကနေ အစားအသောက်ပါ ၀ယ်ထားသူတွေ အတွက်ကိုတော့ ဝေပေးပါတယ်။ ကျန်တဲ့သူတွေကိုတော့ လေယာဉ်ထုံးစံ တွန်းလှည်းလေးနဲ့ လိုက်ရောင်းတာတွေ့တော့ မဆီမဆိုင် မန္တလေး-မြစ်ကြီးနား ရထားကိုတောင် သွားသတိရမိသေးတယ်။ ၁ နာရီ မိနစ် ၂၀ ကြာ လေယာဉ်စီးပြီးနောက်မှာတော့ လန်ကာဝီကို ရောက်ပါပြီ။ လေယာဉ်ပေါ်က ဆင်းရတာ လှေခါးနဲ့ပါ။ အဲဒီတော့ ရတဲ့ အခွင့်အရေး လက်မလွှတ်ကြစေပဲ လေယာဉ်တွေနဲ့ ဓါတ်ပုံရိုက်ကြပါတယ်။

Immigration ၀င်တော့ အဖြူမိသားစု ၃ ယောက်ကို တွေ့ပါတယ်။ ကလေးက ချစ်စရာလေးပါ။ အဖေလုပ်သူက သားလေးကို ရင်ဘတ်မှာ မတ်တပ်လေး ဖြစ်အောင် လွယ်ထားပါတယ်။ သီဟသစ်တော့ သားလေးချန်းချင်ကို အဲလိုလွယ်နိုင်ပါ့မလားမသိ။ သူငယ်ချင်းတစ်ယောက်အလှည့်မှာ တော်တော်ကြာပါတယ်။ ဘာဖြစ်လို့လဲ မေးတော့ System ဒေါင်းသွားလို့ပါတဲ့။ နောက်ထပ် Computer တစ်လုံး သယ်လာပါတယ်။ PIII ခေတ်လောက်က အဟောင်းကြီးပါ။ သနားစရာ :D။

လေဆိပ်ကနေ ဟိုတယ် သွားဖို့ Taxi ငှားမယ်လုပ်တော့ ကားမငှားခင် Taxi ကောင်တာမှာ သွားမယ့်နေရာနဲ့ အရေအတွက်ကို ပြောပြီး တိုကင်ဝယ်ရပါတယ်။ 6 ယောက်ကို RM 18 ကျပါတယ်။ ဟိုတယ်ရောက်တော့ Online Booking ကို Print ထုတ်ထားတာပြပြီး အခန်းယူကြပါတယ်။ ဟိုတယ်က ကြယ် ၃ ပွင့် အဆင့်ပါ။ အထုပ်အပိုးတွေချပြီး ဟိုတယ်ထဲမှာပဲ နေ့လည်စာသွားစားပါတယ်။ မြန်မြန်ရအောင် ထမင်းကြော်မှာတာ တစ်ပွဲကို RM 20 ကျပါတယ်။ ပုံမှန်ပါပဲ။ တအားမကောင်းလှဘူး။

ပြီးတာနဲ့ ဟိုတယ်က ကောင်တာမှာ Island Hopping အတွက် လက်မှတ်သွားမေးပါတယ်။ Island Hopping ဆိုတာ ကျွန်းတစ်ဝိုက်ကို စက်လှေနဲ့ လိုက်ပြတာပါ။ တစ်ယောက်ကို RM 60 တောင်းပါတယ်။ ဈေးဆစ်လိုက်တော့ RM 50 နဲ့ ရပါတယ်။ ရွာမှာလုပ်တဲ့ အပေါက်အတိုင်းပါပဲ။ သီဟသစ်တို့ ၆ ယောက်အဖွဲ့ သီးသန့် စက်လှေပေးမယ် ပြောပေမယ့် တကယ်သွားတော့ သူများတွေနဲ့ အားလုံးပေါင်း ၁၁ ယောက်ပါ။ စက်လှေဆိပ်ကို သွားဖို့ရာ ကားလာခေါ်ပေးပါတယ်။ ကြိုပို့ခက RM 50 ထဲမှာ ပါပြီးသားပါ။

စက်လှေဆိပ်

စက်လှေဆိပ်က မြင်ရတဲ့ ရှုခင်းတွေ

စက်လှေသွားရာ လမ်းတစ်လျှောက် မြင်ရတဲ့ ရှုခင်းတွေ

စက်လှေပေါ်မှာ အသက်ကယ် အင်္ကျီတွေပေးပါတယ်။ သီဟသစ်ကတော့ ဒီပင်လယ်လောက်တော့ ပျင်းတောင် ပျင်းသေး၊ ကြောက်မနေဘူး ဆိုပြီး အရင်ဆုံး ယူဝတ်လိုက်ပါတယ်။ ပထမဆုံးစသွားတာက Tasik Dayang Bunting, Lake of Pregnant Lady ကိုယ်ဝန်ဆောင် အမျိုးသမီး လဲလျောင်းနေတဲ့ ပုံစံရှိတဲ့တောင်နေရာပါ။

အဲဒီတောင်ကို ပင်လယ်ထဲကနေ ပြပြီးတဲ့နောက်မှာ အဲဒီကျွန်းကိုသွားကြပါတယ်။ ကျွန်းထဲက ရေချိုကန်ဆီကိုပါ။ အဲဒီရေကန်ကရေကို သောက်ရင်ကလေးလိုချင်တဲ့သူတွေ ကလေးရတယ်လို့ဆိုပါတယ်။ အပြန်လေယာဉ်ပေါ် တက်မှပဲ ကလေးလိုချင်တဲ့ နာမည်ကြီး ကိုကိုဘလော့ဂါတစ်ယောက်နဲ့ နာမည်ကြီး ဘလော့ဂါ မမတစ်ယောက် အတွက် ရေမခပ်ခဲ့ရဘူးဆိုတာ သတိရသွားပါတယ်။

Lake of Pregnant Maiden ရေချိုကန်ရှိရာ ကျွန်း Dayang Bunting

Lake of Pregnant Maiden ရေချိုကန်ကို အပေါ်စီးကနေ ရိုက်ထားတာပါ

ရေကန်ကို သွားတဲ့လမ်းတစ်လျှောက်မှာ မျောက်ကလေးတွေလည်း တွေ့ရပါတယ်။ သူတို့တွေက အိတ်တွေ လိုက်ဆွဲကြတာမို့ ခြောက်ရပါသေးတယ်။ ဒါတောင်မှာ သီဟသစ်ဆီကနေ တစ်ရူးတွေထည့်ထားတဲ့ အိတ်ကို ရအောင်ယူသွားပါသေးတယ်။ နောက်မှ အစားအသောက်မဟုတ်မှန်းသိတာရယ် ၊ သီဟသစ်တို့က လှမ်းခြောက်တာရယ်ကြောင့် တစ်နေရာမှာ ချထားခဲ့ပါတယ်။

အဲဒီကျွန်းကနေ စပြီး သွားလည်တဲ့ နေရာတိုင်းလိုလိုမှာ တွေ့ရတဲ့ ဆိုင်းဘုတ်ကတော့ လာလည်တဲ့ သူတွေ တစ်ခုခု ထိခိုက်ဒဏ်ရာရလျှင် ပြည်နယ်အစိုးရတွင် တာဝန်မရှိပါ ဆိုတဲ့ ဟာတွေပါ။ တို့ဆီက ဆိုင်းဘုတ်နီနီတွေလို ပါပဲ။ ကိုယ်တွေကတော့ ကိုယ်ဖြစ်ကိုယ်ခံ နိုင်ငံက လာတာဆိုတော့ အဲဒီဆိုင်းဘုတ်တွေ တွေ့တော့ ရီတောင်ရီချင်ပါသေးတယ်။

ခုလိုကဗျာဆန်ဆန် ရှူခင်းလေးတွေလည်း အဲဒီကျွန်းမှာ ရှိပါတယ်။

ခင်မင်စွာဖြင့်
သီဟသစ်

P.S
အစက စိတ်ကူးထားတာ Island Hopping ကို ဒီတစ်ပုဒ်ထဲနဲ့ အပြီးရေးဖို့ပါ။ ပုံတွေ များများတင်ချင်တာရယ်၊ လူက အရမ်းအိပ်ချင်တာရယ်ကြောင့် နောက်ရက်မှာ Island Hopping ဒုတိယပိုင်းဆက်ရေးပါမယ်။

L for Langkawi

2009-09-06T23:28:00.000+08:00

"ငါသည် ငါ့အိမ်ထောင်ဖက်အပေါ် သစ္စာမပျက်၊ မဖောက်ပြန်ခဲ့သည်မှာ မှန်ကန်ခဲ့သည် ရှိသော် ဤလန်ကာဝီကျွန်းသည် ဆွေစဉ်မျိုးဆက် ၇ ဆက်တိုင် ငြိမ်းချမ်းကြွယ်ဝမှု ပျောက်ဆုံးပါစေသား"

(Photo Credits to http://www.gobalakrishnan.com/wp-content/uploads/2007/02/langkawi-mahsuri.jpg)
လွန်ခဲ့တဲ့ နှစ် ၂၀၀ ကျော်က မာစူရီ Mahsuri မင်းသမီးလေးရဲ့ ဆုတောင်းကျိန်စာလေးဟာ ဘာကြောင့်များ ပေါ်ထွက်လာခဲ့ပါလိမ့်။

လှပမှုတွေဟာ မနာလိုခံရခြင်း၊ သံသယဖြစ်ခံရခြင်း တို့ရဲ့ အကြောင်းအရင်းဖြစ်ခဲ့လေသလား မင်းသမီးလေးရေ။ ဆူလတန်ဘုရင်ရှား (၁၇၆၂-၁၈၀၀) လက်ထက်မှာ လူတစ်ယောက်ဟာ သူရဲ့ဘ၀ ရှေ့ရေးအတွက် လန်ကာဝီကို လာရောက် အခြေစိုက်ခဲ့ပါတယ်။ သူနဲ့သူ့ဇနီးတို့ကနေ မာစူရီ ဆိုတဲ့ လှပချောမောတဲ့ သမီးငယ်လေးကို မွေးဖွားခဲ့ပါတယ်။ အရွယ်ရောက်လာာနဲ့ အမျှ တစ်ကျွန်းလုံးမှာ အလှပဆုံးလို့ နာမည်ကျော်လာတဲ့ သူမကို လန်ကာဝီ အကြီးအကဲရဲ့ သားဖြစ်သူနဲ့ လက်ဆက်ပေးဖို့ ကမ်းလှမ်းခြင်းခံရပါတယ်။

ပျော်ရွှင်လှပတဲ့ ဘ၀လေး သူတို့တည်ဆောက်ခဲ့ကြပြီး သားငယ်လေး တစ်ယောက်ရခဲ့ပါတယ်။ တစ်နေ့မှာတော့ စစ်သူရဲကောင်းဖြစ်တဲ့ ခင်ပွန်းဖြစ်သူကို စစ်ချီဖို့အတွက် ဆင့်ခေါ်ခြင်းခံရပါတယ်။ ခင်ပွန်းသည် စစ်ထွက်နေတဲ့ အချိန်မှာ မာစူရီလေးဟာ နယ်လှည့်အနုပညာသမားလေးဖြစ်တဲ့ Deraman နဲ့ မိတ်ဆွေတွေ ဖြစ်သွားကြပါတယ်။

အဲဒီ အဖြစ်ဟာ သူမအတွက် အိပ်မက်ဆိုးတွေ သယ်ဆောင်လာခဲ့ပါတော့တယ်။ သူမရဲ့ လှပမှုတွေကို မနှစ်လိုဖြစ်တဲ့သူတွေ အတွက် လက်ညိုးထိုးစရာ တစ်ခုဖြစ်သွားပါတယ်။ အဓိကကတော့ သူမကို မနာလိုဖြစ်နေတဲ့ သူမရဲ့ယောက်ခမဖြစ်သူ Mahora ပေါ့။ မာစူရီနဲ့ အနုပညာသမားလေးတို့ဟာ ဖောက်ပြန်နေကြတယ်လို့ စွပ်စွဲခံရတဲ့ သတင်းဟာ သူ့ယောက်္ခထီးဖြစ်တဲ့ လန်ကာဝီအကြီးအကဲဆီ ရောက်သွားပါတော့တယ်။ သေချာစစ်ဆေးမေးမြန်ခြင်း မရှိဘဲ သူမကို သေဒဏ်ချမှတ်လိုက်ကြတယ်။

သူမကို လက်နက်အမျိုးမျိုးနဲ့ သေကြောင်းကြံခဲ့ပေမယ့် သတ်လို့မရခဲ့ပါ။ နောက်ဆုံးတော့ မာစူရီကိုယ်တိုင်က သူ့အိမ်မှာရှိတဲ့ လက်နက်တစ်မျိုးနဲ့သာ သူ့ကို အဆုံးစီရင်နိုင်ကြောင်းဖွင့်ပြောခဲ့တယ်။ ဖြူစင်ခြင်းရဲ့ သက်သေအဖြစ် ဒဏ်ရာတွေကနေ အနီရောင်သွေးတွေအစား အဖြူရောင်သွေးတွေ မြေခခဲ့ပါတယ်။ မသေခင် ပို့စ်ရဲ့အစမှာ ရေးသွားတဲ့ ကျိန်စာလေးကို သူမရွတ်သွားခဲ့တာပါ။

အဲဒီနောက်မှာတော့ လန်ကာဝီကျွန်းလေးဟာ စစ်မက်တွေ အကြိမ်ကြိမ်ကြုံ၊ ဖွံ့ဖြိုးမှုတွေ နှေးကွေး စသည်ဖြင့် ကြုံခဲ့ရပါတယ်။ မာစူရီရဲ့ ၇ ဆက်မြောက်ကျော်ပြီလို့ ယူဆရတဲ့ အချိန်၊ ဝန်ကြီးချုပ် မဟာသီယာမိုဟာမက် လက်ထက်အရောက်မှာ ကျွန်းကလေးကို ဖွံ့ဖြိုးတိုးတက်အောင် ပြုပြင်နိုင်ခဲ့တယ်လို့ဆိုပါတယ်။ မာစူရီရဲ့ မျိုးဆက်တွေက ဖူးခက်မှာရောက်နေကြတာမို့ သူတို့ကိုလည်း လန်ကာဝီကို ဖိတ်ခေါ်ပြီး ပညာသင်ဆုတွေပေး၊ နိုင်ငံသား ခံယူခွင့်ပေးဖို့ ကမ်းလှမ်းခြင်းများလည်း မလေးအစိုးရက ပြုလုပ်ပေးခဲ့ပါတယ်။

Credits to http://www.malaysian-museums.org/mahsuri.htm

မာစူရီရဲ့ မျိုးဆက် ၇ ဆက်မြောက် Wan Aishah

ယနေ့လန်ကာဝီ

တူတူသွားလည်ဖြစ်တဲ့ ကိုနေလင်းထွန်းရဲ့ လက်ရာပါ http://www.flickr.com/photos/34394626@N05/3891803459/

နောက်ပို့စ်တွေမှာတော့ လန်ကာဝီကို ဘယ်လိုသွားဖြစ်ခဲ့တယ်။ ဘယ်နေရာတွေ လည်ခဲ့ ဘာတွေစားခဲ့ ဘယ်လောက်ကုန်တယ် ဆိုတာလေးကို အသေးစိတ်ဆက်ရေးပါ့မယ်။ မာစူရီရဲ့ ပုံပြင်က version ၁၄ မျိုးထိ ရှိတယ်လို့ ဆိုပါတယ်။ အဲဒီအထဲကနေ ပြတိုက်က ကြည့်ခဲ့ရတာ အချို့နဲ့ http://www.langkawi-beaches.com/langkawi-folk-tales.html, http://uk.holidaysguide.yahoo.com/p-travelguide-130587-langkawi_history-i, http://www.langkawi-info.com/info/legends.htm တို့ကို ဘာသာပြန်ပြီးရေးထားတာပါ။ စာရေးကောင်းတဲ့သူတွေ ရေးရင်ပုံပြင်လေး ပိုကောင်းလာမယ်ထင်ပါတယ်။

ခင်မင်စွာဖြင့်
သီဟသစ်

တခြားဖတ်စေချင်သော လန်ကာဝီ ခရီးစဉ် အကြောင်းများ
သိမ်းငှက်ကျွန်းသို့ တခေါက် - စိတ်စမ်းရေ
Trip To Langkawi - Thinzar

Bonus
၁)နောက်ဆုံးဆန္ဒ

သေစားသေစေဟု အမိန့်ချမှတ်ခြင်း ခံရသည့် အကျဉ်းသားသည် လျှပ်စစ်ကုလားထိုင်ပေါ် ထိုင်နေသည်။ လျှပ်စစ်ဓါတ်အား မလွှတ်မီ ထောင်မှူးကြီးကမေးသည်။

"ကိုင်း၊ မောင်မင်းရဲ့ နောက်ဆုံး ဆန္ဒရှိရင်ပြော"

"ကျွန်တော့်လက်ကို ကိုင်ထားပါလားဗျာ၊ ဒါဆို ကျွန်တော်နည်းနည်းစိတ်အေးရတာပေါ့"

၂)မဆိုင်ဘူး

ပြင်သစ်ပြည် မြို့ကလေး တစ်မြို့၏ စားသောက်ဆိုင်ထဲသို့ လူ ၃ ဦး ဝင်လာပြီး အစားအသောက်မှာသည်။ ထို့နောက် မိမိတို့ အိတ်ထဲမှ အရက်ပုလင်းများကို ထုတ်လိုက်သည်။ ဤတွင် ဘေးစားပွဲမှ လူတစ်ဦးက ..

“အရက်သောက်လို့ နှစ်စဉ် ပြင်သစ်လူမျိုးထောင်နဲ့ချီပြီး သေကြတယ်ဆိုတာ မိတ်ဆွေတို့ မသိကြဘူး ထင်တယ်”
“သိပါတယ်။ ဒါပေမယ့် ကျွန်တော်တို့နဲ့ မဆိုင်ဘူး။ ကျွန်တော်တို့က ဒတ်ခ်ျလူမျိုးတွေ”

၃)မကြိုးစားနဲ့

အမြန်ပြေးရထားအိပ်ခန်းတွဲ တစ်ခုတွင် အမျိုးသမီးတစ်ဦး ဝင်ထိုင်နေသည်။ ထိုစဉ်လူငယ်တစ်ဦး ၀င်လာပြီး အမျိုးသမီးအနားတွင် ထိုင်လိုက်သည်။ ထို့နောက်ပီကေကို ထုတ်ကာ ပါးစပ်တလှုပ်လှုပ်နှင့် စားလေတော့သည်။ ဤတွင် အမျိုးသမီးက လူငယ်ဘက်လှည့်ပြီး ..

“ကျွန်မနဲ့ မိတ်ဆွေဖွဲ့ဖို့ ကြိုးစားလည်း အလကားပဲ၊ ကျွန်မက နားလုံးလုံးမကြားဘူးရှင့်” ဟုပြောလိုက်လေသည်။

Because of you

2009-09-02T01:07:00.001+08:00

သီဟသစ်တို့ရုံးမှာက စနောက်ရင်း သုံးဖြစ်တဲ့ စကားလုံးလေးပါ။ ဥပမာ - သီဟသစ်နဲ့ ဂျွန်တို့ ရေးထားတဲ့ Application က Error တက်နေတဲ့ အကြောင်း ဆွေးနွေးနေရင်း ကိုယ့်အဖွဲ့နဲ့ မဆိုင်တဲ့ တခြား Team ထဲက သူငယ်ချင်းကို လှမ်းစချင်ရင် Because of you လို့ နောက်လိုက်တာမျိုးပါ။ သူနဲ့လည်း အဲဒီ Error က ဆိုင်တဲ့ အခါရှိသလို မဆိုင်တဲ့ အခါလည်းရှိပါတယ်။ ဒါပေမယ့် Application ကိုလက်ရှိ တာဝန်ယူတာ သီဟသစ်တို့ ဆိုတော့ ကိုယ်ကိုယ်တိုင်ပဲ ဖြေရှင်းရမှာပါ။

ဆက်စပ်ပြီးတွေးမိတာက သတင်းတွေ ဖတ်မိတဲ့ အခါပါ။ အရက်ဆိုင်/ အရက်သောက်သူတွေများလာ၊ တစ်လုံး နှစ်လုံး သုံးလုံး လောင်းကစားလုပ်သူများပြား. .. အဲလို အဲလိုဖြစ်နေခြင်းမှာ ကောက်ချက်ချလိုက်တော့ ဘယ်သူတွေ မကောင်းလို့ ဖြစ်ပါသည်ပေါ့။ ဘယ်သူတွေ မကောင်းကြဘူး ဆိုတာတော့ ပြောစရာမလိုလို့ မပြောတော့ပါ။ အဲလို လက်ညိုးညွှန်လိုက်ရုံက အဖြေတစ်ခု မဟုတ်ဟု ဆိုချင်ပါသည်။ အရက်သောက်၊ လောင်းကစားလုပ်တာ လုပ်တဲ့သူတွေ အသုံးမကျတာလည်း ပါပါသည် လို့လည်းပြောချင်ပါသည်။

လူငယ်ဘ၀ ဥပမာ ပေးရရင် ကောင်မလေးက ထားသွားလို့ ဆိုပြီး ဆိုးတေနေတဲ့ပုံစံမျိုး ဖြစ်နေသည်။ ဟိုတစ်ယောက်ကတော့ လှည့်မကြည့်ချင်လို့ နဂိုကတည်းက ထားသွားခဲ့ပြီ။ ကိုယ်က ဆိုးတေနေလေ သူက ပိုကြိုက်လေ ဖြစ်သည်။ အဲဒါကိုက သူဖြစ်စေချင်တဲ့ ပုံစံမျိုးကိုး။

အဲဒီတော့ ဘာဆက်လုပ်ကြမလဲ၊ သီဟသစ်မင်းပြော ဆိုတော့ အဲ့လူတွေ တရားထိုင်ကြပါ လို့ မပြောလိုပါ။ ကိုယ်ကိုယ်တိုင်မှ မလုပ်ဖြစ်သေး။ တခြားကောင်းရာမွန်ရာ လုပ်စရာတွေ မရှိကြတော့ဘူးလား ဟုမေးချင်ပါသည်။ အားလပ်ချိန်များကို စာဖတ်၊ အားကစားလုပ်၊ ကုသိုလ်ကောင်းမှု တစ်ခုခုလုပ်ခြင်းဖြင့် အချိန်တွေ ကုန်စေ့ချင်ပါသည်။

ဒီစာလေးကလဲ စိတ်ချဉ်ပေါက်နေတာ ကြာပြီဖြစ်နေလို့ ရေးလိုက်ခြင်းသာဖြစ်ပါသည်။ သူတို့တွေလည်း လာဖတ်ဖြစ်မည် မဟုတ်ပါ။ အဲဒီအတွေးလေး ဆက်မတွေးချင်တော့လို့ ရေးလိုက်ခြင်းသာ ဖြစ်ပါသည်။ ဖတ်ပေးတာ ကျေးဇူးတင်ပါသည်။

ခင်မင်စွာဖြင့်
သီဟသစ်

P.S
၁) သီဟသစ် ကိုယ်တိုင်လည်း သူတော်စင်ကြီး မဟုတ်ပါ။ ၀က်တုပ်ကွေး ကာကွယ်ရန် ကျား (Tiger) တစ်ခါတစ်လေ သောက်ပါသည်။ မှတ်ဥာဏ်ရွှင်ရန် ပိုကာတစ်ခါတစ်လေ ဒေါင်းပါသည်။ Because of me လို့ပဲ ပြောပါသည်။ :D (အဲ့လူတွေလည်း အဲလိုပြောလေသလားမသိ၊ သတင်းရေးတဲ့သူကပဲ ကောက်ချက်ချတာလည်း ဖြစ်နိုင်ပါသည်)

၂) ခုရက်ပိုင်း ခရီးတစ်ခု အလည်အပတ်သွားမှာမို့ နည်းနည်းပျောက်ပါမည်။ စာလာမဖတ်ဖြစ်၊ Cbox မအော်ဖြစ်ရင် ခွင့်လွှတ်ကြပါကုန်..:P

Bonus:
၁) မကျေနပ်ဘူး
ကိုဘမောင်က သူ၏ မိတ်ဆွေကို ပြောသည်။
"အခုခေတ်လူတွေ တော့်တော့်ကို ရိုင်းစိုင်းလာကြတယ်။"
"ဘာဖြစ်လို့လဲ ကိုယ့်လူရဲ့"

"ဘာဖြစ်ရမလဲ၊ မနေ့က အရက်ဘားက ကျွန်တော်ထွက်တော့ ဘယ်ကောင်လဲမသိဘူး၊ ကျွန်တော့်နားရွက်ကို တက်နင်းသွားတယ်"

၂)ကိုထိပ်ပြောင်
လူတစ်ယောက်တွင် ဆံပင်လေးချောင်းသာ ရှိတော့သည်။ နေ့တိုင်း ရုံးမသွားခင် မှန်ရှေ့ရပ်ပြီး ဆံပင် ၂ ချောင်းကို ဘယ်ဘက်၊ နောက် ၂ ချောင်းကို ညာဘက် ခွဲဖြီးသည်။ တစ်နေ့တွင် ဆံပင်တစ်ချောင်း ကျွတ်ကျသွားသည်။ သို့နှင့် နှစ်ချောင်းကို ညာဘက်၊ နောက်တစ်ချောင်းကို ဘယ်ဘက်ဖြီးပြီးသွားသည်။

နောက်မကြာမီ တစ်ချောင်းကျွတ်သွားပြန်သည်။ တစ်ချောင်းစီ ခွဲဖြီးပြီး ရုံးသွားသည်။ မကြာမီ နောက်ဆံပင်တစ်ချောင်း ကျွတ်သွားပြန်ရာ တစ်ချောင်းထဲသာ ကျန်တော့သော ဆံပင်ကို ကြည့်ပြီး ကိုယ့်ဘာသာကိုယ်ပြောသည်။

"မတတ်နိုင်ဘူး။ ဆံပင်မဖြီးပဲ ဖိုသီဖတ်သီ သွားရတော့မှာပဲ"

၃) တစ်ဆက်တည်း
ပါးစပ်အကျယ်ကြီး ဟပြီး သမ်းနေသော ယောက်ျားကို သူ့မိန်းမက ပြောသည်။

"ကိုမြ၊ ရှင့်ပါးစပ် ဟနေမှတော့ အိမ်ပြန်လာခဲ့တော့လို့ တစ်ဆက်တည်း ရှင့်သားငယ်ကို လှမ်းအော်လိုက်စမ်းပါ"

စပယ် နှင်းဆီ သဇင်

2009-08-27T23:28:00.000+08:00

Photot credits to http://www.flickr.com/photos/gmach/2176559651/

မြင်စဉ်ခဏ
အေးမြမျက်နှာ
ကြည်လင်အပြုံး
စပယ်လေးလို
မင်းမျက်လုံး..

စိတ်တွေကောက်တတ်
မာနတွေရှိ
သိလိုက်ချိန်မှာ
ချစ်သူလေးက
နှင်းဆီပါ..

သူများတွေအတွက်
ဘယ်လိုပဲရှိ
ကိုယ့်အတွက်တော့
သဇင်ပန်းလို
တော်ဝင်သူ

ကမ္ဘာပေါ်မှာ
ရှိရှိသမျှ
ကောင်းမြတ်မွန်တဲ့
ပန်းအားလုံးနဲ့
တင်စားလိုက်ချင်
ကိုယ်ရဲ့သခင်

ဘယ်သူလဲလို့
မမေးနဲ့ ချစ်သူ
မင်းသာ..
ကိုယ့်ရင်ထဲက
တစ်ပွင့်တည်းသော
နှင်းဆီဖြူ ။ ။

အပေါ်က ကဗျာမပီ စာမပီလေးက ကိုရွာသားလေး YTU ရဲ့ Tag ကိုရေးထားတာပါ။

စာကြုံလို့ ဆက်ရေးရရင် ကျွန်တော့်အမျိုးသမီး နှင်းဆီဖြူလေးနဲ့ ချစ်သူ သက်တမ်း ၇နှစ်ကျော်အတွင်း ဘာကဗျာမှ ရေးပြီး မပေးဖူးပါဘူး။ သီဟသစ်က မရေးတတ်တာရယ်၊ သူကလည်း ၀ါသနာ သိပ်မပါတယ်ရယ် နဲ့ ဆိုတော့ အကိုက်ပဲ။ တစ်ခုအံ့သြစရာ ကောင်းတာက နှင်းဆီဖြူလေး က စာဖတ်သာ သိပ်ဝါသနာမပါတာ။ သူတခါတလေ စကားပြောရင်၊ စာတွေ ရေးပို့ရင် စကားလုံးအသုံးအနှုန်း လှလှလေးတွေ ပါပါလာတတ်တယ်။ (ကိုယ့်စပျစ်သီးလေး ကိုယ်ချိုတာ အပြစ်မမြင်စေလို :P)။ (သူဒီပြန်လာရင် သူ့ကိုပါ ဘလော့ရေးခိုင်းမှပဲ။ တော်ကြာ ကိုလူထွေးရေးတဲ့ ဘလော့ဂါလင်မယားလို ဖြစ်နေမှ ဂွ။)

ခုတော့လည်း သူ့ခမျာ သားလေး ချန်းချင်လေးကို ထိန်းနေရတာနဲ့ သီဟသစ်ဆီ စာတွေမရေးဖြစ်တော့ပါဘူး။ ဖုန်းထဲကနေပဲ နေကောင်းလား။ စိတ်ချမယ်နော်။ ကျန်တာက သီဟသစ်တို့ရဲ့ new hope လေး အကြောင်းပဲ ပြောဖြစ်တာ။ သားလေးကြီးလာရင် ကိုယ်တွေ တုန်းကလို အဖေနဲ့ အမေ အပြန်အလှန်ရေးတဲ့ဟာတွေ ခိုးဖတ်ဖို့ရာ နည်းတော့မှာပဲ။

PR လျှောက်ဖို့အတွက် သားလေး ချန်းချင်ကို လိုင်စင်ပုံရိုက်ပြီးပို့ပေးလိုက်တာပါ။ ပုံကို size က 3.5cm x 4.5 cm ဆိုတာ သီဟသစ်က အပျင်းထူပြီး မပြောလိုက်တော့ ဒီရောက်မှ ပြန်ပြင်ဖို့လုပ်ရပါတယ်။ စလုံးက ကိုကိုပိန်းတွေက ၁၇ ကျပ်ပေးရပြီး ပုံလည်းကောင်းကောင်းထွက်မလာတာနဲ့ နောက်ဆုံး ကိုရွာသားဆီက scanner နဲ့ဖတ်၊ ဆောင်းချမ်းမိုးဆီကို ပို့ပြီး ပြင်ခိုင်းလိုက်တာ အထက်ပါပုံလေးထွက်လာပါတယ်။ (Thanks to Ko Villager and Ko Winter) ပုံလေးထွက်ပြီးသကာလ သွားလည်းတင်ရော မိန်းမနဲ့ကလေးကို တစ်ခါတည်းမလျှောက်သေးလို့ ပုံမလိုဘူး။ သူတို့အတွက် ဘာစာရွက်စာတမ်းမှလည်း မလိုဘူးဆိုတော့ နေပေါ့ဗျာဆိုပြီး ပြန်ယူလာတာပေါ့။

အဲဒီကနေရုံးကို အပြန် Taxi ငှားစီးတော့ မောင်းတဲ့ ဒရိုင်ဘာ အန်ကယ်ကြီးက လူနောက်ကြီးနဲ့ တူပါတယ်။ Myantien ဆိုပြီး မြန်မာပြည်နဲ့ သူတို့ စလုံးဘာတွေ ကွာလဲ ဘာညာမေးတာပါ။ ဓါးပြတိုက်တာ၊ ခါးပိုက်နှိုတ်တာ ရှိလား တဲ့။ ရှိတော့ရှိတယ် နည်းတယ် နယ်စပ်ဘက်တွေမှာ ဖြစ်နိုင်တယ်လို့ ပြောလိုက်ရတယ်။ ရှိခဲ့ရင်ကော ရဲကိုကိုတွေက မိလားတဲ့။ မိပါတယ်ပေါ့ (Video ဇာတ်ကားထဲတော့ မိတာပဲ)။ နောက်တော့ ကလေးအရေအတွက် ကန့်သတ်တာ ရှိလားတဲ့။ သူတို့ စလုံးမှာ အရင်က ကန့်သတ်တာ ရှိတဲ့ အကြောင်းပြောပြတယ်။ တို့ဆီမှာတော့ မရှိဘူး ပေါ့။ နောက်တော့ အဘက ဘာပြောလဲဆိုတော့ မိန်းမဘယ်နှစ်ယောက်ယူရမယ်ရော ကန့်သတ်တာရှိလားတဲ့။ ဥပဒေအရ ကန့်သတ်တာတော့ မရှိဘူး လို့ပြန်ဖြေတော့ မင်းမိန်းမ ဘယ်နှစ်ယောက်ယူထားလဲတဲ့။ သီဟသစ်က တစ်ယောက်ဆိုတော့ တအားနည်းတယ် ဆိုပဲ။ မလုပ်နဲ့ဟ ငါ့မိန်းမ သတ်လိမ့်မယ် ပြောလိုက်ရတယ်။

ဟယ် .. ပန်းကနေ စလိုက်တာ ဟိုရောက်စ် ဒီရောက်စ် ဖြစ်သွားပြီ။ ဒီနေရာထိ သည်းခံဖတ်ပေးလို့ ကျေးဂျူးနော်..

ခင်မင်စွာဖြင့်
သီဟသစ်

ကဲမရိုက်ဖြစ်တာ ကြာပြီဖြစ်တဲ့ ဘောနပ်စ်လေးတွေ ဖတ်ပေးပါအုံး

၁) ကွယ်ရာမှာ တစ်မျိုး ရှေ့မှာတစ်မျိုး
"ကွယ်ရာမှာ ခင်ဗျားရဲ့ အရာရှိကို ဝေဖန်တာ ရစရာမရှိဘူး။ အစည်းအဝေးမှာကျတော့ ခင်ဗျားပဲ သူ့ကို ချီးမွမ်းပြန်တယ်။ ဘာသဘောလဲ။"
"ဘာသဘောမှ မဟုတ်ဘူး။ စကားတစ်ခွန်းကို ၂ ခါထပ်မပြောချင်လို့"

၂) အခုမှသိတယ်
ကိုချူချာ၏ ဇနီးသည် ၁၂ ယောက်မြောက်ကလေးကို မွေးဖွားပြီးနောက် ဆေးရုံမှ ဆင်းရန်ပြင်သည်။ သူနာပြုဆရာမက မချူချာကို လိုက်ပို့ရင်းပြောသည်။
"ကိုင်း မချူချာ နောင်နှစ် ဒီအချိန်လောက်မှာပဲ ကျွန်မတို့တွေ့ကြအုံးမယ်နော်"
"ဟင့်အင်း၊ ကျွန်မတို့ တွေ့ကြမှာ မဟုတ်တော့ဘူး"

"ဘာကြောင့်တွေ့ကြမှာ မဟုတ်တော့ဘူးလို့ ရဲရဲကြီးပြောနိုင်တာလဲ"
"ကလေးဘာကြောင့်မွေးတယ် ဆိုတာ ကျွန်မနဲ့ ကျွန်မယောက်ျားတို့ အခုသဘောပေါက်သွားပြီရှင့်"

၃)မျက်စိပါပေမယ့်
ချူချာတစ်ယောက်ကားဝယ်လာသည်။ ၀ယ်လာသောကားကို မောင်းလာရာ သစ်ပင်တစ်ပင်ကို ၀င်တိုက်မိသည်။ ကားထဲမှ ချူချာထွက်လာပြီး ရှေ့မီး ၂ လုံးကို လက်ဖြင့်ထုလိုက်သည်။

"ဒီလောက်ကြီးတဲ့ မျက်လုံးကြီးတွေ ဘာကိုမှ မမြင်ဘူး၊ တောက်"

ရှာမယ် ကော်ဖီသောက်မယ် စားမယ်

2009-08-14T00:45:00.001+08:00

Enterprise Search, Boncafe and Lau Pa Sat

ရုံးက Enterprise Search အတွက် သင်တန်းလွှတ်တာနဲ့ သွားတက်ပါတယ်။ စီနီယာသွားတက်ရတဲ့ အလှည့်တုန်းက Las Vegas မှာ သွားတက်ရပါတယ်။ သူ့အလှည့်တုန်းက Singapore မှာ သင်တန်း ဖွင့်ဖို့ အနည်းဆုံး လူ ၅ ယောက် မပြည့်လို့ သွားရတာပါ။ ကိုယ့်အလှည့်ကျ ကံများကောင်းချင်တော့ ရုံးကချည်းပဲ လူ ၄ယောက် လွှတ်တာ ဆိုတော့ လူကမပြည့်စရာမရှိတာမို့ ဒီမှာပဲတက်ရတာပါ။ သင်တန်းက Raffles Place MRT ကနေ Underground Pass ကတဆင့် လမ်းလျှောက်သွားရတာဆိုတော့ လူတွေ အများကြီးရဲ့ ခြေသံတွေနဲ့ ညံနေတာပါ။ မဆီမဆိုင် ပြိုင်မြင်းတို့၏ ခွာသံ ဆိုတဲ့ ဆရာတာရာမင်းဝေရဲ့ စာအုပ်နာမည်တောင် သွားသတိရမိတယ်။

Enterprise Search ဆိုတာ organization အကြီးကြီးတွေမှာ data တွေရှာချင်တဲ့အခါ သုံးတဲ့နည်းပညာပါ။ files တွေ၊ email တွေ ၊ database စသည်ဖြင့် အမျိုးမျိုးရှိနေတဲ့ data တွေကို တစ်နေရာထဲကနေ ရှာလို့ ရနိုင်အောင် လုပ်ပေးဖို့ပါ။ သင်တန်းမှာ Search Engine ရေးတဲ့ အပိုင်းမပါပါဘူး။ ရှိထားတဲ့ Search Engine ကို organization နဲ့ကိုက်အောင် ဘယ်လို configure လုပ်ရမလဲ ဆိုတဲ့ အပိုင်းကို သင်တာပါ။ သီဟသစ်အတွက် နည်းပညာက အသစ်ဖြစ်နေတာကြောင့် တအားကြီး စိတ်ဝင်စားလို့ မရသေးပါဘူး။ ဆရာကလည်း တစ်ခုခု သင်ပြီးတိုင်း မေးစရာရှိလား မေးစရာရှိလားနဲ့ အားတောင်နာလာတယ်။ ကိုယ်က မေးစရာကို မရှိဘူး။ နားလည်လွန်းလို့တော့ မဟုတ် :D

ဖြစ်ချင်တော့ သင်တန်းစစချင်းနေ့က သင်တန်းခန်းထဲ ၀င်တာနောက်ကျသွားတော့ ရှေ့ဆုံးတန်းမှာပဲ နေရာက ရှိတော့တယ်။ အဲဒီတော့ ဆရာက စာရှင်းပြရင်း ပြုံးပြရင် လိုက်ပြုံးလိုက်၊ ခေါင်းညိမ့်ရင် လိုက်ညိမ့်လိုက် လုပ်နေရပါရော။ သန်းရင်တောင် အတွင်းထဲမှာပဲ ပြန်မျိုချပြီး သန်းရတယ်။ အော် သင်တန်းတက်ရတာ အလုပ်လုပ်ရတာထက် ပိုပင်ပန်းပါလား၊ အဲခါမှ သိတော့တယ်။ ဆရာကလည်း အမေရိကန်လူမျိုးဆိုတော့ စာသင်တာ နားထောင်ရင်းနဲ့ ငိုက်ချင်သလိုလို နားမလည်သလိုလို ဖြစ်လာရင် Sub Title လိုက်ရှာနေမိသေးတယ်။ ကိုယ့်ကိုယ်ကို ရုပ်ရှင်ကြည့်နေတယ် အောက်မေ့နေလို့လေ။

သင်တန်းမှာ သဘောအကျဆုံးကတော့ ကော်ဖီစက်ပဲ။ အဲဒီစက်ကို မြင်တော့ ကိုယ့်ထက်ကော်ဖီကြိုက်တဲ့ ကော်ဖီသရဲ ဘလော့ဂါတွေကိုတောင် သတိရသွားတယ်။ Break တစ်ခါပေးတိုင်း သွားသွားလွမ်းပစ်တာ။ တစ်နေ့သုံးခါလောက် လွမ်းပစ်တာ။ အဲခါကျမှပဲ ကော်ဖီမျိုးစုံအောင် သောက်ဖူးသွားတော့တယ်။ သင်တန်းပြီးရင်တော့ သတိရနေတော့မှာ သေချာတယ်။ Search Engine Configure လုပ်တာတော့ မသိ၊ ကော်ဖီစက် Configure တော့ ကောင်းကောင်းသိသွားပြီ။

Credits to http://www.flickr.com/photos/kelvinliew/440504536/sizes/o/

ကော်ဖီသောက်ရင်း ကြည့်ဖြစ်တဲ့ ရှုခင်းလေး

နေ့လည်စာ ထွက်စားတော့ သင်တန်းက လော်ပါးဆက်နဲ့ နီးတယ်။ ကိုယ်လည်း နာမည် ကြားဖူးပြီး တစ်ခါမှ မရောက်သေးတော့ သွားချင်နေတာနဲ့ သွားစားကြတယ်။ လော်ပါးဆက်အကြောင်း ပို့စ်ရေးဖူးတဲ့ လက်တွေ့ကျကျ ဘလော့ဂါလူပျိုကြီးကို ဖုန်းဆက်မေးရသေးတယ်။ ဘယ်ဆိုင်ကကောင်းလဲလို့။ သူကလည်း နေ့လည် မရောက်ဖူးဘူး ဆိုတော့ ကိုယ့်ဘာသာကိုယ်ပဲ ရှာပြီး စားလိုက်တော့တယ်။ Facebook ထဲ မာဖီးယားနေတဲ့ ညီအစ်ကို ဘလော့ဂါတွေကို သတိရတာနဲ့ Mafia ဆိုတဲ့ ဆိုင်လေးက နာနတ်သီး ထမင်းကြော် စားခဲ့တယ်။

Credits to http://gallery.ntu.edu.sg/photos/main.php?g2_view=core.DownloadItem&g2_itemId=1817&g2_serialNumber=2
လော်ပါးဆက် Lau Pa Sat

Search အကြောင်း စဉ်းစားနေရင်းနဲ့ ကိုယ့်ဦးနှောက်ထဲကို Search လုပ်လို့ရရင် ဘာတွေ ထွက်လာမလဲ စဉ်းစားကြည့်မိသေးတယ်။ အ၀ိဇ္ဇာ တဏှာ ဥပါဒါန်တွေ ရာခိုင်နှုန်းများနေရင်တော့ အခက်ပဲ။ သီလ သမာဓိ ပညာတွေ ရာခိုင်နှုန်းများအောင် ကြိုးစားရမယ် ဆိုတဲ့ စိတ်ကူးရသွားပါတယ်။

ခင်မင်စွာဖြင့်
သီဟသစ်

Present

2009-08-11T01:31:00.000+08:00

အကိုကြီး အောင်သာငယ်၊ ကိုဘိုဘို(မိုးကုတ်သား)၊ ကိုရီနိုမာန်တို့က ခုတလော ကို အခုပြောဆိုပြီး တဂ်ထားလို့ ရေးလိုက်ပါတယ်။ ခင်မင်စွာနဲ့ တဂ်လို့ ကျေးဇူးတင်ကြောင်းလဲ ပြောပါရစေ။

တွေးနေမိတာက
အိပ်မက်တွေကို အကောင်အထည် ဖော်ရရင် ကောင်းမယ် (ငါ့အိပ်မက်တွေ ဘယ်မှာပါလိမ့်)

ကိုယ့်ကိုယ်ကို ပြန်ဆင်ခြင်မိတာက
အသက်ကြီးပေမယ့် မပျက်စီးပါ(ငယ်ငယ်တုန်းက စိတ်တွေ မပျက်စီးတာ ပြောပါတယ်။ ခုထိ လူကြီးလည်းမဆန်၊ ရင့်လည်း မရင့်ကျက်သေး)

ကျန်းမာရေး
MC တစ်ခါမှ မယူဖူးသေးဘူး။ ခေတ်မီအောင် ယူကြည့်အုံးမှ။

ဖတ်ဖြစ်တဲ့စာအုပ်က
စိတ် (ကိုယ်ကိုယ်တိုင်ရဲ့စိတ်) ဖတ်ဖို့ကြိုးစားနေဆဲပါပဲ။ လူတွေရဲ့ မျက်လုံးတွေ..

ရောက်နေဖြစ်တာက
စိတ်ရောက်နေတာ က ရွှေနိုင်ငံကအိမ်
လူရောက်နေတာက အလုပ်၊ ဘလော့များ (မျက်နှာစာအုပ်ကတော့ အစမပြုအောင်နေထားလို့ လယ်လည်းမစိုက် မာလည်းမဖီးယားသေးပါ)

ရေးဖြစ်နေတာက
အတွေးအခေါ်လည်းမဟုတ်၊ ဒဿနလည်း မမည်တဲ့ ကိုယ်ကိုယ်တိုင် တွေးဖြစ်တဲ့စာတွေ

နားထောင်ဖြစ်နေတာက
ဘယ်လိုထင်ထင် ဖြစ်တယ်လေ
ထာဝစဉ်မှန်ကန်တဲ့ တရားမရှိနိုင်ပါ (ဂျစ်ပစီ မိုးတိမ်)

ရွတ်နေမိတဲ့ကဗျာက
ပုံမှန်ရွတ်ဖြစ်တာမရှိပါ

ဖြစ်ချင်နေတာက
တည်ငြိမ်အေးချမ်းတဲ့ ဘ၀ပိုင်ရှင်

စားဖြစ်နေတတ်တာက
ရုံးနားက Food Court က အစားအစာ (မချစ်သော်လည်း အောင့်ခါနမ်း)၊ ကိုယ်ကိုယ်တိုင် ချက်တတ်တဲ့ ၃ မျိုးသော ဟင်းများ

သနားနေမိတာက
လမ်းပျောက်နေသော လူများ

လွမ်းနေမိတာက
ကျောင်းသားဘ၀ နှင့် သူငယ်ချင်းများ

မေ့လျော့ပစ်နေမိတာက
တမင်သက်သက် မေ့လို့ရတယ် ဆိုတာ သီဟသစ်အတွက်တော့မရှိ။ မေ့ရင်မေ့နေတယ်၊ ပေါ်ချင်တဲ့ အချိန်ပေါ်လာတယ်။

ခါးသက်နေမိတာက
ဗြောင်လိမ်ဗြောင်စားလုပ်တတ်သူများ

တမ်းတနေမိတာက
မန္တလေးမြို့ကြီး

ကြိတ်ပြီးချီးကျူးနေမိတာက
ရင်ထဲက သူရဲကောင်းများ

ကြိတ်ပြီးအထင်သေးနေမိတာက
ငတေကြီးများ

ဆန္ဒမရှိတဲ့နေရာ
မပြောလဲ သိကြမှာပါ၊ ဒမြတိုက်ခံရတဲ့နေရာ။

ဆန္ဒရှိနေတဲ့ကိစ္စ
အဖေ နှင့် အမေ တို့သက်ရှိထင်ရှားရှိနေချိန်မှာ ကောင်းမွန်စွာ စိတ်ချမ်းသာစွာ ထားချင်တယ်

မုန်းတီးနေမိတာက
ရန်သူမျိုး ၃ ပါး

ချစ်နေတာက
ကိုယ့်ရဲ့မိသားစု နှင့် ချစ်ရပါသော ဘလော့ဂါညီအစ်ကို မောင်နှမ များ နှင့် စာလာဖတ်ဖြစ်သူအားလုံး

စိတ်ပျက်နေမိတာက
တစ်ခါတစ်ရံ ကိုယ့်ကိုကိုယ် (စိတ်အလိုလိုက်တတ်လွန်းလို့)၊ တစ်ခါတစ်ရံ ရုံးက ဂျာဂျာတွေနဲ့ တလွဲလုပ်တတ်တဲ့ ကိုဆန်းတင့်

စွဲလန်းနေမိတာက
ကော်ဖီတစ်ခွက် (လွမ်းတိုင်း ကော်ဖီသောက်တယ်)

လိုအပ်နေတာက
ခွင့်ရက်တွေ (အိမ်ကိုကြာကြာပြန်ချင်လို့)

ထပ်ပြန်တလဲလဲအော်ဟစ်နေမိတာက
မကျေနပ်ရင်လစ်သွားလိုက် ....
(Big Bag – Telepunk ထဲက စာသားတွေ)

ဝန်ခံချင်တာက
တဂ်ထဲမှာ ဒီတဂ်က နောက်ဆုံးပေမယ့် ပထမဆုံး ရေးဖြစ်ပါတယ်။ ခုတစ်လော ဘလော့တွေ လိုက်မလည်ဖြစ်တာ ခွင့်လွှတ်ပါရန်။ အာရုံရတာနဲ့ လိုက်လည်ပါမည်။

ဆက်တဂ်မည့်သူတွေကို နက်ဖြန်လိုက်ရှာပါမည်။ မရေးရသေးတဲ့သူတွေကို တဂ်မည်။

ခင်မင်စွာဖြင့်
သီဟသစ်

အနီးကြည့် အဝေးကြည့်

2009-08-06T00:35:00.001+08:00

တစ်ချို့အရာတွေက အနီးကနေကြည့်မှ သူ့ရဲ့တန်ဖိုး အမှန်ကို သိပြီးခံစားနိုင်သည်။ တစ်ချို့အရာတွေကတော့ အဝေးကနေကြည့်မှ ပိုပြီးသိနိုင်သည်။ အနီးကြည့်ကြည့် အဝေးကြည့်ကြည့် တန်ဖိုးမပြောင်းသော အရာအချို့လည်း ရှိပါသည်။

၁၀ တန်းအောင်ပြီးနောက် ကွန်ပျူတာ သင်တန်းတွေ တက်သည်။ ကွန်ပျူတာလောကရဲ့ ရှေ့ဆောင်ဂုရုကြီးတွေ အကြောင်းဖတ်သည်။ လေးစားအားကျခဲ့သည်။ ဒီလိုနဲ့ နောက် ၄၊၅ နှစ် လောက်ကြာလာတော့ ကွန်ပျူတာအသင်းက စစ်တဲ့စာမေးပွဲအောင်လို့ ပညာတော်သင် အင်တာဗျူးမှာ ဒီပုဂ္ဂိုလ်ကြီးတွေနဲ့ ဆုံရသည်။ အကျယ်အကျယ်တော့ မရေးလိုတော့။ ကွန်ပျူတာပညာရှင်များအဖြစ် လေးစားခဲ့ရသော ပုဂ္ဂိုလ်ကြီးများမှာ စီးပွားရေးလုပ်ငန်းရှင်များအဖြစ် ပို၍ကျွမ်းကျင်ကြောင်း သိလိုက်ရသည်။

စင်္ကာပူကို မလာခင်က တက္ကသိုလ်တုန်းက တူတူတက်ခဲ့သော သူငယ်ချင်း တော်တော်များများ အရင်ရောက်နေတော့ တွေ့ရမှာ ပျော်စရာကြီး ဟု တွေးခဲ့မိသည်။ ခုတော့ နေရထိုင်ရတဲ့ ကျွန်းပိစိလေးမှာ ကျောင်းကသူငယ်ချင်း ဘယ်သူနဲ့မှ သိပ်မတွေ့ဖြစ်။ Gathering လဲမလာကြ။ Gtalk မှာ အမြဲတမ်းတွေ့နေကြသော်လည်း နေကောင်းလားတောင် မမေးဖြစ်ကြ။ သူတို့လည်း သူတို့အလုပ်နဲ့သူတို့၊ ကိုယ်လည်းကိုယ့်အလုပ်နဲ့ကိုယ်ရှုပ်နေတာ မို့လို့လည်း ဖြစ်နိုင်သည်။ နောက်ပြီး ထင်တာတစ်ခုက Facebook ကြောင့် လူတွေ virtual world ထဲမှာ ပိုပျော်နေကြပြီး မအားလို့ နှုတ်မဆက်နိုင်တာလည်း ဖြစ်နိုင်သည်။

ဘလော့တွေ ဖတ်ဖြစ်၊ နောက်ရေးဖြစ်လာသောအခါ ဘလော့ရေးသူ အချို့ကို စိတ်ထဲမှာ ရင်းနှီးလာသည်။ အဆင်ပြေ အခန့်သင့် သောအခါ အပြင်မှာ တွေ့ဖြစ်ကြသည်။ ထုံးစံအတိုင်း အနီးကြည့်ကြည့်သောအခါ နည်းနည်းလေးတော့ လွဲပါသည်။ ကဗျာနူးနူးညံ့ညံ့လေးတွေ ရေးတတ်သူက စိတ်ဆတ်တာမျိုး၊ လူကြီးဆန်ဆန်စာရေးတဲ့သူက လူနောက်ဖြစ်နေတာမျိုး၊…(..မျိုး၊ …မျိုး တွေ ဆက်မရေးတော့ပါ၊ ကောမန့်မှာ လာအော်ကြတော့မှာ သိနေသည်။) တော်တော်များများ တူတဲ့အချက်ကတော့ ခင်မင်စရာ ကောင်းခြင်း နှင့် ပျော်တတ်ခြင်း ဖြစ်သည်။ သီဟသစ်လို အရီအပြုံးနည်းသူတောင် ဘလော့ရေးတဲ့ ညီအစ်ကို မောင်နှမတွေနဲ့တွေ့ရင် နည်းနည်းရီဖြစ်ပါသည်။ :P

နီးနီးလေးတုန်းက သိပ်မမြင်ခဲ့ပေမယ့် ဝေးမှ သိသာလာတာကတော့ ဆရာ၊ ဆရာမကောင်းများရဲ့ မေတ္တာ စေတနာ ဖြစ်သည်။ ကိုယ်လက်ရှိရောက်နေတဲ့ နေရာတစ်ခုသည် သူတို့ရဲ့သင်ကြားမှုတွေ မပါဘဲ ဘယ်လိုမှ မဖြစ်နိုင်ပေ။ ဒုတိယနှစ်မှာတုန်းက တပည့်တွေ အားလုံးဖတ်ဖို့ Reference စာအုပ် အလေးကြီး ၇ အုပ်လောက်ကို ရန်ကုန်ကနေ မန္တလေး၊ မန္တလေးကနေ မကွေးထိ အလေးခံသယ်ပေး၊ အပြင်စာဖတ်ချင်စိတ်တွေ ပေါ်လာအောင် လုပ်ပေးခဲ့တဲ့ ဆရာမကိုဆို အမြဲသတိရပါတယ်။ ကျောင်းမှာ သင်ခဲ့ရတဲ့ ပျင်းစရာလို့ ထင်တဲ့ စာတွေက တစ်ခါတစ်လေ အသုံးဝင်လာတဲ့အခါ ပိုပြီး သိသာပါတယ်။

အနီးကနေ ကြည့်ကြည့်၊ အဝေးကနေ ကြည့်ကြည့် တန်ဖိုးမပြောင်းလဲတာကတော့ မိဘမေတ္တာပဲ ဖြစ်ပါသည်။ အနီးမှာရှိတော့လည်း မိဘတွေ အစ်မတွေ ရဲ့ နွေးထွေးစွာ ပြုစုစောင့်ရှောက်မှုကြောင့် စိတ်ချမ်းသာရသည်။ အဝေးမှာနေတော့လည်း မိဘတွေရဲ့ပို့သသော မေတ္တာကြောင့် စိတ်အေးချမ်းသာနေရသည်။ မိဘတွေ ဆရာ၊ဆရာမ တွေနဲ့ ပတ်သက်ရင် ကသီဟသစ် သေချာတာတစ်ခုကတော့ သားဆိုး၊ တပည့်ဆိုး မဖြစ်ခဲ့ဟု ကိုယ့်ကိုယ်ကို ယုံကြည်သည်။ တစ်ခုရှိတာက မဆိုးတာနဲ့ ကောင်းတာ ထပ်တူမကျခြင်း ဖြစ်သည်။ ကောင်းတဲ့ အပိုင်းရောက်အောင်တော့ ကြိုးစားနေဆဲ ဖြစ်ပါသည်။

စာလာဖတ်ဖြစ်တဲ့ ညီအစ်ကို မောင်နှမတွေ အားလုံးလည်း အနီးကြည့်ကြည့် အဝေးကြည့်ကြည့် ကြည်လင်စွာ မြင်နိုင်ကြပါစေသော်..

ခင်မင်စွာဖြင့်
သီဟသစ်

Bonus

၁) စာရေးတဲ့ အချိန်
"လူကြီးမင်းရဲ့ တစ်နေ့တာ အချိန်ဇယား ဘယ်လိုရှိပါသလဲ"
ဟုသတင်းထောက်က မေးရာ နာမည်ကြီး စာရေးဆရာက အောက်ပါအတိုင်းဖြေသည်။

"မနက် ၁၁ နာရီ အိပ်ရာထတယ်၊ မနက် ၁၂ နာရီမှာ မနက်စာ စားတယ်၊ အဲဒီနောက် လာတဲ့စာတွေကို ဖတ်ကြည့်တယ်၊ တယ်လီဖုန်းတွေ လာတာကို ဖြေတယ်၊ နောက် ပန်းခြံထဲ လမ်းလျှောက်တယ်၊ နေ့လည်စာစားတယ်၊ ပြဇာတ်သွားကြည့်တယ် ၊ ပြန်လာတာနဲ့ အိပ်ရာထဲ ၀င်တာပါပဲ"

"ဒီလိုဆို ဘယ်အချိန်မှာ စာရေးပါသလဲ ခင်ဗျာ"
"ဘယ်အချိန်ရေးရမလဲ၊ နောက်နေ့မှာပေါ့ဗျ"

၂) တွေ့ခဲ့ရသော ကြော်ငြာများ

တိရစ္ဆာန်ရုံရှေ့ - ၀က်ဝံကို မထိပါနဲ့၊ ၄င်းသည် ကုတင်ဘေးမှ ကော်ဇော မဖြစ်သေးပါ။
လေဆိပ်အတွင်း - အချိန်မီ ဖက်ယမ်းနမ်းရှုပ်ကြပါ။ လေယာဉ်များသတ်မှတ်ချိန်တွင် အတိအကျထွက်လိမ့်မည်။
ပန်းဆိုင်တံခါးရှေ့ - အိမ်ထောင်ရှင်ယောက်ျားများပင် ၀ယ်ချင်စိတ်ပေါက်လောက်အောင် ဈေးချိုသာပါသည်။
တယ်လီဖုန်းရုံးရှေ့ - သတ်ပုံအမှားကို ရှောင်ရှားလိုလျှင် စာမရေးပါနှင့်၊ တယ်လီဖုန်းပဲ ဆက်ပါ
Blogger.com Home Page -
(မသိသေးပါ ကိုယ့်ဘာသာကိုယ် ဖြည့်သွားကြပါရန်)

၃) ခက်အောင်မလုပ်ပါနဲ့

စိတ်ရောဂါ အထူးကုဆရာဝန်၏ ဆေးခန်းရှေ့တွင် ချိန်ဆွဲထားသောစာတမ်း

ဆရာဝန်နှင့် တွေ့ရန်စောင့်နေကြသော လူနာများခင်ဗျား၊ မိမိတို့ ခံစားနေရသော ရောဂါလက္ခဏာများကို အချင်းချင်း မဖလှယ်ကြပါနှင့်၊ ရောဂါဇစ်မြစ် ဖော်ထုတ်ရာတွင် အခက်အခဲ ဖြစ်စေနိုင်ပါသည်။

အိပ်မက်တို့ မွေးဖွားရာမြေ (၂)

2009-08-01T22:16:00.000+08:00

http://www.flickr.com/photos/rawbean/2124639463/sizes/o/

တစ်ရက်လားကျတော့ တောင်သမန်အင်းကို စက်ဘီးနဲ့သွားကြတယ်။ ပဲခူးသား သူငယ်ချင်းက သူ့အိမ်က ပို့လိုက်တဲ့ ငါးဖယ်ချဉ်ကို သုပ်လာတယ်။ အဲဒါနဲ့မယ်ဇယ်ပင်ရိပ်က အကြော်ဆိုင်လေး တစ်ခုမှာထိုင်ပြီး အကြော်ရယ်၊ ရေနွေးကြမ်းအေးအေး လေးရယ်နဲ့ သောက်ကြတာပေါ့။ အဲဒီလိုလေး စားသောက်ပြီးသကာလ လေလည်းကလည်း တဖြူးဖြူးဆိုတော့ မြူးကြွပြီး ရေသန့်ဘူးခွံကို လေထဲမြှောက်ကန် လိုက်တာ တစ်ဖက်နားလေးမှာ ထိုင်နေတဲ့ စားသောက်ဝိုင်းပေါ် ကျပါလေရော။ သီဟသစ်လည်း ဇရှိတဲ့သူဆိုတော့ ဟိုဘက်ဝိုင်းက ထမလာခင် ချက်ချင်းပြေးပြီး ... တောင်းပန်လိုက်တာပါ။ သူငယ်ချင်းတွေနဲ့လည်း တောင်သမန်အင်းထဲမှာ ငှက်စီးကြပါသေးတယ်။ ပုံထဲမှာမြင်နေရသလို ငှက်ရဲ့ရှေ့ဆုံးကို သွားပြီး Titanic လုပ်သေးတယ်။ ကံကောင်းလို့ ရေထဲပြုတ်မကျတာ :)

စကားကြုံလို့ ပြောရရင် တောင်သမန်အင်းကို နှင်းဆီဖြူလေးနဲ့ တစ်ခါမှ အတူတူ မသွားဖူးပါဘူး။ ချစ်သူစုံတွဲ သွားရင် ကွဲတတ်တယ်ဆိုလို့ပါ။ သီဟသစ်တို့က အဲဒီနေရာမှာတော့ အယူသီးပါတယ်။ သူကတော့ အဲဒီတုန်းက ပြောပါတယ် သူငယ်ချင်းစုံတွဲ တစ်တွဲတောင် အဲဒီမှာ အဖြေပေးဖူးတာပဲ တဲ့။ သူတို့တွေ တော်တော်လည်း ချစ်ကြပါတယ်။ နောက်ပိုင်းကျတော့ အဲဒီစုံတွဲမှာ သူငယ်ချင်းကောင်လေးက ခုEurope ဘက်မှာ၊ ကောင်မလေးကတော့ ကလေးတောင်ကြီးနေပြီ၊ တခြားသူနဲ့ အိမ်ထောင်ကျတာပါ။ တိုက်ဆိုင်တာလဲ ဖြစ်နိုင်ပါတယ်။ နန်းရှေ့က ရန်ကင်းတောင်ကိုလည်း အတွဲတွေ မသွားရဘူးဆိုတာမျိုး ကြားဖူးပါတယ်။

မဟာအောင်မြေဘုံစံကျောင်း၊ အင်းဝ

Credits http://www.flickr.com/photos/trota/2228577286/in/set-72157603813777200/

နောက်တစ်ခါ သွားကြတာတော့ အင်းဝဘက်ပါ။ အရင်ခေတ်က ဘုန်းကြီးကျောင်းတွေကို လိုက်လေ့လာကြတာပေါ့။ အဲဒါက ပထမနှစ်လောက်တုန်းကပါ။ နောက်အတန်းကြီးလာတော့ သူငယ်ချင်းရဲ့ကားနဲ့ အဖွဲ့လိုက် သွားပြီး PC ကစားကြပါတယ်။ တခြားလူတွေ ကွက်ကြည့်ကွက်ကြည့် လာလုပ်ရင် တခြားတစ်နေရာကို ပြောင်းဆော့ပါတယ်။ များသောအားဖြင့်တော့ တောင်မြို့(အမရပူရ) ဘက်သွားပြီး ကစားကြတာ များပါတယ်။

Credits to http://www.flickr.com/photos/rstanek/2167744270/in/set-72157603622261776/

နောက်ထပ်ရောက်ဖြစ်တာက တော့ မင်းကွန်းဘက်ပါ။ ကားလမ်းနဲ့ပဲ ရောက်ဖြစ်ပါတယ်။ မော်တော်နဲ့သွားရင် ပိုပြီးပျော်စရာကောင်းတယ် ပြောကြပါတယ်။ ကားလမ်းကတော့ အရင်သွားတုန်းက ဖုန်နည်းနည်းထပါတယ်။ နောက်ပိုင်းတော့ ဆိုင်ကယ်နဲ့သွားလို့လား လမ်းကောင်းလာလို့လား မသိ ဖုန်သိပ်မထပါဘူး။ မင်းကွန်းခေါင်းလောင်းကြီးနဲ့ မြသိန်းတန်စေတီ ..ဆိုတဲ့ သီချင်းလေးကို သတိရမိတယ်။ မင်းကွန်းပုထိုးတော်ကြီး ပေါ်ကနေ ကြည့်ရတဲ့ မြင်ကွင်းက တော်တော်ကဗျာဆန်ပါတယ်။

အင်းဝတံတား နဲ့ ရတနာပုံတံတား
Credits to http://www.flickr.com/photos/trota/2227750295/

စစ်ကိုင်းဘက်ကတော့ ခဏခဏရောက်ပါတယ်။ သူငယ်ချင်း မိုးကောင်းသူရဲ့ ကိုယ်တော်ကြီးလောင်းလျာက စစ်ကိုင်းသားဆိုတော့ ညအိပ်ညနေ သွားသွားလည်ကြတာပါ။ သူတို့အိမ်လဲ သီဟသစ်တို့ အဖွဲ့ဒဏ်တော်တော် ခံရတာပါ။ ညလည်းတော်တော်နဲ့ မအိပ်ကြ။ မနက်ကျရင်လည်း မနက်စာ စားပြီးမှ ပြန်ကြတာကိုး။ စစ်ကိုင်းက ကမ်းနားလမ်းကိုတော့ တော်တော်သဘောကျပါတယ်။ ထိုင်ရတာလဲ တော်တော်ကောင်းပါတယ်။ စစ်ကိုင်းမှာ သဘောကျတာကတော့ အသုပ်ပါ။ အစုံကိုရပါတယ်။ အချို့အရွက်သုပ်တွေဆို ဆိုင်ရောက်မှ ကြားဖူးတာမျိုးပါ။ အဲဒီမှာ သွားသွားစားဖြစ်တာကတော့ အမေကြည် အသုပ်ဆိုင် ထင်တာပါပဲ။ စစ်ကိုင်းတောင်ကိုတော့ တအားမရောက်ပါဘူး။

လည်တာပတ်တာပြီးလို့ အစားအသောက်ဘက် လှည့်ရမယ် ဆိုရင် မနက်စာကိုတော့ မိန်းထဲက ရူဘီမုန့်တီ၊ ရွှေမူဆယ် ၀က်သားလုံး၊ ၂၈ လမ်းက ၀မ်ရွှေ ခေါက်ဆွဲဆိုင် တစ်ခုခုမှာ စားတာပါပဲ။ တစ်ခါတစ်လေ စစ်ကိုင်းလမ်း ဂုံးကျော်တံတားဘက်သွားပြီး ထမင်းကြော်စားပါတယ်။ သီဟသစ်က လက်ဖက်ရည် သမား မဟုတ်ပေမယ့် လက်ဖက်ရည်ထိုင်ရတဲ့ feel ကိုသဘောကျပါတယ်။ လက်ဖက်ရည်ဆိုင်မှာ သီချင်းနားထောင်ရတာ ပိုအရသာရှိသလိုပါပဲ။ ဂျာနယ်တွေ မဂ္ဂဇင်းတွေ အများကြီးချပေးထားတဲ့ လက်ဖက်ရည်ဆိုင်ကိုတော့ တစ်ခါတစ်လေမှ ထိုင်ပါတယ်။ သူငယ်ချင်းတွေ စကားပြောချင်လို့ သွားပါတယ်ဆိုမှ တစ်ယောက်ဂျာနယ် တစ်စောင်စီနဲ့ ဆိုတော့ စကားမပြောဖြစ်တော့လို့ပါ။

Credits To http://www.flickr.com/photos/robinthom/384868927/

မန္တလေးမှာ အကြိုက်ဆုံးကတော့ အချဉ်ပေါင်းပါပဲ။ အဲဒီနေရာမှာ နှင်းဆီဖြူလေးနဲ့ ကျွန်တော်ပြောင်းပြန် ၊ သူက အချဉ်ပေါင်းမကြိုက်၊ ၀က်သားတုတ်ထိုးမကြိုက်၊ ကျွန်တော်ကတော့ အကုန်ကြိုက်။ (ချန်းချင်လေးကတော့ အစားအသောက်မှာ ဘယ်သူနဲ့တူမယ် မသိ။) နေ့လည်ပိုင်း တရေးနှပ် အိပ်ရာနိုးတဲ့အချိန် အချဉ်ပေါင်းစားလိုက်ရရင် တကယ်မိုက်တယ်။ ဒါမှမဟုတ်ရင် ဆေးကျောင်းအဆောင်နားက မုန့်ပြစ်သလက်၊ ဒါမှမဟုတ်ရင် ၈၂x၂၇ လမ်းဒေါင့်က ချပါတီ တစ်ခုခုတော့ သွားစားတာပဲ။ စိတ်ပေါက်လာရင် နေပူပူထဲမှာ နန်းရှေ့ရေစစ်ကန်နားက ဆိုင်ထိသွားစားပါတယ်။

ညနေရောက်ရင်တော့ ၇၆ လမ်းက ညဈေးတန်းကို သွားပြီး တစ်ခုခုစားတာပဲ။ အဲဒီက အစားအစာတွေကို တအားကြီးတော့ မကြိုက်ပါဘူး။ များသောအားဖြင့် ဘိန်းမုန့်ဝယ်စားတာ များပါတယ်။ ၃၅ လမ်းပေါ်က လက်ဖက်ရည်ဆိုင်က ပလာတာသုပ်လည်း သွားသွားစားပါတယ်။ ညပိုင်းရောက်ရင်တော့ ကျုံးဘေးက အအေးဆိုင်လေးမှာ အေးအေးချမ်းချမ်းလေး သွားထိုင်ပြီး အအေးလေးသောက်တာပေါ့။ အစားအသောက်တွေ စားလှချည်လား မထင်ပါနဲ့။ ကျောင်းပြီးမှ အဲလိုလိုက်စားဖြစ်တာပါ။ ကျောင်းသားဘ၀ တုန်းက တော့ ညနေဆို အကြော်ဆိုင်လေးမှာ ကောက်ညှင်းပေါင်းနဲ့ အကြော်စား ရေနွေးကြမ်း သောက်ကြတာပါ။ (နေ့လည်စာ၊ ညစာ ထမင်းစားဖြစ်တဲ့ဆိုင်တွေကို တော့ အာရုရတဲ့အခါမှ ရေးပါ့မယ်။)

ဒီပို့စ်လေးကို အကိုကြီး ကိုစိုင်းစိုင်းလားရှိုးဆီကနေ ခွင့်တောင်းပြီး ယူထားတဲ့ ကဗျာလေးနဲ့ သိမ်းပါရစေ..

မန္တလေး အလွမ်းပြေ

နေရှိန်ပူပူ

ရင်ဆူဆူမို့

ရေပြင်ကျုံးဘေး

ဂရိတ်ဖုဖ်လှည်း လေးလည်းလွမ်းတယ်

နေညိုခင်းလေး

လေပြည်ညှင်းသွေး

ရေနီမြောင်းဘေး

အကြော်တဲ လေးလည်းလွမ်းတယ်

ညခင်းချိန်ခါ

လသာသာမို့

အကင်စုံတဲ့

ရွှေခိုင်ဆိုင် လေးလည်းလွမ်းတယ်

ညဉ့်နက်ချိန်ခါ

တိတ်ဆိတ်ပါလို့

အဆောင်လမ်းဘေး

ဂစ်တာဟောင်း လေးလည်းလွမ်းတယ်

သြော်.... လွမ်း.....တယ်

အိပ်မက်တို့ မွေးဖွားရာမြေ

2009-07-29T01:49:00.006+08:00

ဟိုးအဝေးက မြို့ငယ်လေး ကိုယ့်ဘ၀ရဲ့နှလုံးသားတစ်ခုပဲ .…....
တောက်ပတဲ့ လင်းရောင်ခြည်များ စိမ်းလဲ့တဲ့တောင်ပြာတန်းတွေ
ဆိုတဲ့ထူးအယ်လင်း သီချင်းလေးနဲ့ညီတဲ့ နှင်းဆီဖြူလေးရဲ့ဇာတိ ချန်းချင်လေးတို့ရှိရာ မိုးညှင်းမြို့လား?

ဆည်းဆာနေညိုချိန်မှာ ဧရာဝတီမြစ်ကမ်းနဘေးက
ငွေယောင်ယံကမ်းရဲ့ အထက်မှာ
မကွေးမြို့စွန် မြသလွန်ကို အတူဖူးခဲ့တာတွေ
ဆိုတဲ့ အောင်သူသီချင်းလေးထဲက ကိုယ့်ရဲ့ဇာတိ၊ မိဘတွေ နေထိုင်ရာ မကွေးမြို့လား?

အဲဒီမြို့ ၂ မြို့လုံးမှာ အခြေချနေထိုင်ချင်စိတ်မရှိဘူး ဆိုရင် သီဟသစ်ကို အပြစ်တင်ကြမလား မသိ။ တကယ် သီဟသစ်ရင်ထဲမှာ ရှိနေတဲ့မြို့က

ငါ့အိပ်မက်များ ဟိုးအတိတ်ဆီ လွင့်မျောမိ ၁၀ စုနှစ် ..
နဲ့စတဲ့ အငဲ သီချင်းလေးထဲက မန္တလေး မြို့ပါပဲ။

မွေးကတည်းကနေ ဆယ်စုနှစ် ၂ ခုလောက် နေလာတဲ့ မကွေးမြို့ထက် ၈ နှစ်လောက် နေလာခဲ့တဲ့ မန္တလေးမြို့ကို ဘာကြောင့်သဘောကျသလဲဆိုတာ ကိုယ့်ကိုယ်ကို ဆန်းစစ်ကြည့်တော့ လူငယ်ဘ၀မှာ တကယ်ပျော်ရွှင်ခဲ့၊ တက္ကသိုလ်တက်ခဲ့၊ အိပ်မက်တွေ စမက်တတ်ခဲ့တဲ့ မြို့မို့လို့ပါပဲ ဆိုတာတွေ့ရတယ်။

မန္တလေးမြို့ကို စရောက်ဖူးတာ တက္ကသိုလ်မတက်ခင် 1998 ခုနှစ် 9 လပိုင်းလောက်က သင်တန်းတက်ဖို့ စရောက်ခဲ့တာပါ။ စစချင်းကြုံရတဲ့ မန္တလေးစကားကတော့ တစ်ပြ၊နှစ်ပြဆိုတာပါ။ ရန်ကုန်က တစ်ဘလောက်၊ နှစ်ဘလောက်လို ဟာမျိုးပါ။ သူငယ်ချင်းရဲ့ ဆွေမျိုး ဘုန်းဘုန်းက ရှေ့တစ်ပြပါကွ ရှေ့တစ်ပြပါကွ နဲ့ ခေါ်သွားတာ ခြေကိုညောင်းရော။ တော်တော်ကို အီသွားတယ်။ (အဲဒါနဲ့ မန္တလေးသားတွေ မကွေးလိုက်လည်တော့ ဘယ်ရမလဲ တစ်ကွေ့ တစ်ကွေ့ဆိုပြီး ခေါ်ပြီးလျှောက်ခိုင်းပစ်လိုက်တယ်။ တကယ်က မကွေးမှာ တစ်ကွေ့ဆိုတာ မသုံးပါဘူး။ သီဟသစ်က သူတို့ကိုစချင်လို့ ပြောလိုက်တာပါ။)

နေတာက မြို့သစ်ဘက်ဆိုတော့ သင်တန်းကိုသွားဖို့ လိုင်းကားစီးရပါတယ်။ မှတ်တိုင်ကနေ သင်တန်းရှိရာဘက်ကို ဘယ်လိုမှတ်လဲဆိုတော့ ရှမ်းတောင်တန်းကြီးတွေ ရှိတဲ့ဘက်လို့ မှတ်ထားပါတယ်။ ရောက်တာမကြာသေးဘူး ဆိုတော့ အရှေ့အနောက်မခွဲတတ်ဘူး။ အဲဒါနဲ့ တစ်နေ့ကျတော့ မိုးတွေတအားရွာရော ရှမ်းတောင်တန်းကြီးလည်းပျောက်၊ မျက်စိတွေလည်ပါလေရော။ ဟိုလျှောက်ဒီလျှောက်လုပ်ပြီးမှ သင်တန်းကို ပြန်တွေ့တော့တယ်။

မန္တလေးမှာ အရှေ့ပြင် အနောက်ပြင် တောင်ပြင် မြောက်ပြင် ဆိုပြီး နန်းတော်ကြီးကို ဗဟိုထားပြီး အရပ်တွေကို နာမည်မှည့်ထားတာ သီဟသစ်မနေဖူးတာဆိုလို့ မြောက်ပြင် တစ်ခုပဲ ကျန်ပါတယ်။ နန်းတော်ကြီးကိုတော့ အတွင်းပိုင်းထက် အပြင်က မြို့ရိုးနဲ့ ကျုံးရှုခင်းကို ပိုပြီးသဘောကျပါတယ်။ တစ်ခါလားဟာ မီးသတ်ကားက ကျုံးဘေးမှာ ရပ်ပြီး ရေထည့်နေတာကို ကျုံးထဲက ရေတွေကုန်မှာစိုးလို့ ထပ်ဖြည့်ပေးနေတာလား ဆိုပြီးတော့လည်း ရွှေဥာဏ်တော်စူးရောက်စွာ တွေးခဲ့ဖူးပါတယ်။

Credits to http://www.flickr.com/photos/meckleychina/2264860362/

မန္တလေးကိုကြိုက်တဲ့တစ်ချက်က စက်ဘီးဆိုင်ကယ်ရှိရင် ဘယ်နေရာမဆို သွားလို့ရတာကိုပါ။ ကျောင်းသားဘ၀တုန်းက စက်ဘီးနဲ့ပဲ တစ်မြို့လုံးပတ်နေတာပါ။ ဘုရားကြီး၊ မန္တလေးတောင်၊ စန္ဒာမုနိ ဘုရား ၊ ကျောက်တော်ကြီး ဘုရား ၊ ကုသိုလ်တော်ဘုရား ၊ အတုမရှိကျောင်းတော်ကြီး၊ ရွှေကျောင်း စုံလို့ပါပဲ။ နည်းနည်းလှမ်းတဲ့ ဦးပိန်တံတားထိ လည်းရောက်ပါတယ်။ တစ်ခါတစ်လေ စစ်ကိုင်းမြို့ကိုတောင် စက်ဘီးနဲ့ သွားချင်သွားတာပါ။ ဘယ်လိုနင်းလဲ မမေးပါနဲ့။ စက်ဘီးကို လိုင်းကားပေါ်တင်သွားတာပါ။ (မြန်မာပြည် သိန်းတန် သီချင်းထဲက ဘုရားကြီးနဲ့ အိမ်တော်ရာ တနင်္ဂနွေ နေ့တိုင်း ဆီမီးကပ်လှူတာ ဆိုတဲ့ သီချင်းလေးကို မန္တလေးရောက်မှ ပြန်စဉ်းစားကြည့်တာ နည်းနည်းလွဲနေသလိုပါပဲ။ နည်းနည်းလှမ်းတဲ့နေရာ နှစ်ခုကို တစ်ရက်တည်းသွားတယ်ဆိုတော့ သူတို့ခေတ်က ကိုယ်တွေထက် ခြေရှည်ပုံရပါတယ်။)

မြန်မာမှုလက်ရာတွေနဲ့ ရွှေကျောင်းကြီး ရဲ့ပုံပါ

Credits to http://www.flickr.com/photos/10186213@N07/2343509987/

Credits to http://nettar.myanmarbloggers.org/2007_05_01_archive.html

စန္ဒာမုနိ ဘုရားပါ။ ဘုရားထဲမှာ တူတူပုန်းတမ်းကစားရတာ ပျော်စရာကောင်းပါတယ်
http://www.flickr.com/photos/14152780@N08/1433236163/in/photostream/

ပြင်ဦးလွင်နဲ့နီးတာကလည်း ပျော်စရာတစ်မျိုး ကောင်းပါတယ်။ ကျောင်းနည်းနည်းအားတာနဲ့ ပိုက်ဆံစု ကားငှားပြီး တက်ကြတာပါ။ ဓါတ်တော်ချိုင့်ရေတံခွန်၊ ပွဲကောက်ရေတံခွန်၊ ပြည်ချစ်ဘုရားဖူး အနှံ့ပါပဲ။ ပြင်ဦးလွင်အလွန်က သုံးထပ်ရေတံခွန်ကိုတော့ ကျောင်းပြီးမှ ရောက်ဖြစ်တာပါ။ တက္ကသိုလ် ကျောင်းသားဘ၀က သူငယ်ချင်းစုံတွဲကိုလည်း သတိရပါတယ်။ ကောင်လေးက ကားရှိတော့ သူတို့ရည်းစားမဖြစ်ခင်တုန်းက တစ်ဖွဲ့လုံးခေါ်ပြီး ပြင်ဦးလွင်တက်ကြတာပါ။ သူတို့လည်းရည်းစားဖြစ်ရော ငြမ်းလေးတွေ ကျန်ခဲ့ရောပေါ့လေ။

ရေးရင်းနဲ့ အရှိန်ရပြီးနည်းနည်းရှည်သွားလို့ ခွဲရေးပါရစေ..
ဆက်ရန်..
ခင်မင်စွာဖြင့်
သီဟသစ်

စပျစ်သီးလေး ချဉ်သလား

2009-07-25T00:16:00.005+08:00

ကျွန်တော်တို့ ငယ်ငယ်က စပျစ်သီးချဉ်တဲ့ မြေခွေးလေး အကြောင်းပုံပြင်ဖတ်ခဲ့ဖူးပါတယ်။ အားလုံးလဲဖတ်ဖူးကြလိမ့်မယ် ထင်ပါတယ်။ အဲဒီအခါတုန်းကတော့ ပုံပြင်လေးကပေးတဲ့ တိုက်ရိုက်အဓိပ္ပါယ်ကိုပဲ ယူခဲ့တာပါ။

အရင်တုန်းကတော့ မြေခွေးလေးကို အဆိုးမြင်သမားလေးလို့ ထင်ခဲ့မိတယ်။ တကယ်စဉ်စားကြည့်တော့ တစ်ခါတစ်လေကျတော့လည်း အဲလိုတွေးလိုက်တာပဲ ကောင်းသလိုလို ထင်မိတယ်။ ကိုယ်မရနိုင်တဲ့ဟာ၊ တန်တယ်မထင်တဲ့ဟာ တစ်ခုအတွက် စိတ်ဆင်းရဲခံ မနေတော့ဘူး။ တစ်ခုတော့ရှိတယ်ပေါ့ဗျာ။ ကိုယ့်ဟာကိုယ် ချဉ်တယ် လို့ ယူဆလိုက်ရုံအထိပဲ ကောင်းပါတယ်။ အဲဒီစပျစ်သီးက ချဉ်တယ်ကွ လိုက်ပြောနေရင်တော့လည်း မကောင်းပြန်ဘူးဗျ။ စပျစ်သီးချိုနေတဲ့သူတွေ စိတ်အနှောင့်အယှက်ဖြစ်ကုန်မှာပေါ့။

အဲဒီအတွေးလေး စတွေးမိတာ တက္ကသိုလ် စတက်တုန်းကတည်းက တိုင်ပါ။ ကိုယ်နဲ့ အဝေးကြီးက တစ်ချို့တွေကို နဂိုကတည်းကတိုင် စိတ်ကူးထဲမထည့်အောင်နေပါတယ်။ အဲဒီအတွေးလေးက အကျင့်တွေပါလာတော့ တစ်ခုခုက ဈေးမတန်ဘူး၊ ကိုယ်နဲ့မဆိုင်ဘူး ထင်ရင် auto ချဉ်တဲ့ အကျင့်ပါသွားပါတယ်။ ဥပမာ..

နောက်တော့ ...။ ... စသည်ဖြင့် စသည်ဖြင့် ပေါ့လေ။

အဲဒီလို အတွေးတွေတွေးရတာ သီဟသစ်တော့ စိတ်ချမ်းသာပါတယ်။ ငါတော့ မ၀ယ်နိုင်ဘူး၊ မသွားနိုင်ဘူး၊ မ၀တ်နိုင်ဘူး၊ စဉ်းစားမနေတော့ဘူး။ သူများတွေလုပ်နိုင်ရင် မုဒိတာပွားနိုင်တဲ့ အခါပွားလိုက်၊ မပွားနိုင်ရင် စပျစ်သီးချဉ်လိုက်ပေါ့လေ။

ဆိုင်လား မဆိုင်လားတော့မသိဘူး။ ပြောရရင် အရင်ကတည်းက ၀ထ္ထုဖတ်ရင် လွန်းထားထားတို့ ရှင်မိုးတို့ဆို လုံးဝလောက်နီးနီး မဖတ်ပါဘူး။ အစ်မတွေ စာအုပ်ဆိုင်က ငှားလာလို့ ဖတ်မိရင်လည်း ခဏဖတ်ပြီးရင် လွှင့်ပစ်ပါတယ်။ အရမ်းချမ်းသာ၊ မိုးပျံအောင်တော်၊ ရုပ်ကလည်း အရမ်းလန်ထွက်နေအောင်ချော ကိုယ်နဲ့ဘာဆိုဘာမှ မဆိုင်ကိုး။ ချဉ်ပစ်လိုက်ရောပေါ့။ အဲဒီတော့ စိတ်ကူးယဉ်ရအောင်လို့ ဆိုရင် ရှား ၀ထ္ထုတွေ ဖတ်တာများတယ်။ သူ့ဇာတ်ကောင်တွေက လူလတ်တန်းစားတွေများတော့ ကိုယ်က စိတ်ကူးယဉ်လို့ရတယ်လေ။

တစ်ခုတော့ ရှိပါတယ်။ ပုံပြင်မှာ ပြောချင်တဲ့ ဆိုလိုရင်းက လူတွေက တစ်ခုခုကို အောင်မြင်အောင်မလုပ်နိုင်ရင် ဆင်ခြေပေးစရာ ရှာလေ့ရှိတယ်တဲ့။ သီဟသစ်က တခြားတစ်နေရာဘက်က တွေးထားလို့ပါ။ နဂိုဆိုလိုရင်းလေးကိုလည်း လက်ခံသင့်ပါတယ်။ သီဟသစ်ဆိုလိုချင်တာက ကိုယ်နဲ့မဆိုင်တာ တစ်ချို့ကို နဂိုကတည်းက ချဉ်ထားလိုက်။ ကိုယ်လိုချင်တာတစ်ခုရှိရင်လည်း မရရအောင် အစွမ်းကုန်ကြိုးစား ရအောင်လုပ်။ အစွမ်းကုန်ကြိုးစားလို့မှ မရဘူးဆိုရင်တော့လည်း ချဉ်လိုက်တော့။ ထိုင်ရုံထိုင်ပြီး ချဉ်နေရင်တော့လည်း...

ခင်မင်စွာဖြင့်
အညီအမျှချစ်တဲ့ သီဟသစ်

P.S
၁) စာရေးရင်း စပျစ်သီးလေး ချဉ်လိုက် ချိုလိုက်ဖြစ်နေတတ်တဲ့ ဘလော့ဂါ ညီငယ်လေးတစ်ယောက်ကို သတိရသွားတယ်
၂) ဘလော့ဂါ ညီအစ်ကိုမောင်နှမ အားလုံးနဲ့ စာလာဖတ်ဖြစ်သူအားလုံးကို auto ခင်ပြီးသားဖြစ်ကြောင်း
၃)
Descendents ရဲ့ Sour Grapes သီချင်းလေးနားထောင်သွားပါအုံး

Hey you, new wave, come over here
You're the prettiest thing I've seen all year
Hey you, new wave, don't turn away
Close those pouty lips and listen to what I say
Why must you smoke that clove cigarette?
Why must you act like you've got a hole in you head?
Why don't you split the squares and love me instead?
You're all shiny and clean, I've seen you in my dreams
Like the Rolls Royce I can't have
Your presence makes me scream
Sour grapes - you leave such a bad taste
Sour grapes - I don't need you anyways
Sour grapes - feeding, feeding my rage
Hey you, new wave, I pity you
When you get old, what will you do?
What will you do when you turn 21?
You're cockteasing at the singles bar just for fun
What will you do when you turn 31?
What will you do when you don't know how to love anyone?
I wanted her cherry, I got sour grapes
I refuse to climb the ladder for you
I refuse to pant and paw for you
I need love, don't need no beauty queen
But still, when I look at you, I scream
Sour grapes - you leave such a bad taste
Sour grapes - I don't need you anyways
Sour grapes
Just go riding right by me on the crest of the new wave
Sour grapes - feeding, feeding my rage
Sour grapes

Bonus:
၁)ကဗျာ

ကဗျာဆရာတစ်ဦးက တခြား ကဗျာဆရာတစ်ဦးကိုပြောသည်။

"အခုအချိန်ထိ ဘယ်သူမှ မရေးဖူးတဲ့ အကြောင်းအရာကို ရေးချင်တယ်၊ ပြီးတော့ ဒီအကြောင်းအရာကို ဘယ်သူမှ နောင်မှာ မဖွဲ့စေချင်ဘူး"
"လွယ်လွယ်လေးပဲ၊ ကိုယ့်ကိုယ်ကို ဘုံမြှောက်တဲ့ ကဗျာရေးလိုက်ပေါ့"

၃)စုံထောက်ဝတ္ထူ
ရုံးအဖွဲ့မှူးက စာရေးမောင်မြကို မေးသည်။

"ဟေ့ မောင်မြ၊ ရုံးချိန်အတွင်းမှာ ဘာလို့ စုံထောက်ဝတ္ထူတွေကို ဖတ်နေရတာလဲ"
"ရုံးထဲမှာ ဆူညံလွန်းတော့ စာကြီးပေကြီးတွေကို အာရုံစိုက်ဖတ်ဖို့ မလွယ်လို့ပါ"

… ဆိုတာ

2009-07-21T00:47:00.002+08:00

ဝဋ်ဆိုတာ
အင်း.. အရင်ဘ၀ ဘုရင်ဖြစ်ခဲ့တုန်းက ကိုယ့်တိုင်းသူပြည်သားတွေ ကိုယ့်နိုင်ငံထဲမှာ နေလို့မရအောင် လုပ်ခဲ့ဖူးသလားမသိ။ နေ၀င်မီးဖြတ်လုပ်ခဲ့ဖူးသလားမသိ။ အကောက်ခွန်တော်တွေ များများဆက်စေလို့များ အမိန့်ချခဲ့ဖူးလားမသိ။…မသိ။..မသိ။

သနားတယ်ဆိုတာ
အလွယ်ဆုံးလို့ထင်တာပါပဲ။ ဘာဖြစ်လို့လဲဆိုတော့ ကိုယ့်ထက်နိမ့်တဲ့သူကို သနားရတာ အားလုံးလုပ်နိုင်တယ်လေ။ မုဒိတာပွားဖို့တော့ တယ်ခက်တာ။ သီဟသစ် ဒီရောက်ခါစက အလုပ်က offer ရပြီး pass က တန်းမကျသေး၊ ၂ ပတ်လောက်စောင့်နေရချိန် အတူနေတဲ့သူတစ်ချို့က သနားပါတယ်ပေါ့။ pass လည်းကျ၊ အလုပ်လည်းဝင်ရော စကားတောင်ကောင်းကောင်း မပြောတော့ဘူး။ ကိုယ်ကိုယ်တိုင် အဲလိုစိတ်တွေ တစ်ခါတစ်လေ ပေါ်တတ်လို့ ကိုယ့်ကိုယ်ကို ဆုံးမရပါတယ်။

စိတ်ချမ်းသာတယ်ဆိုတာ
တစ်ခါတစ်လေကျတော့လည်း စိတ်အလိုတွေလိုက်နေတိုင်း စိတ်ချမ်းသာတာ မဟုတ်ပါဘူး။ ကိုယ်တကယ်လုပ်စရာ တစ်ခုခုရှိနေတာကို မလုပ်မိရင်လည်း မသိစိတ်က ပူလောင်နေပြန်ရော။ အဲဒီတော့ လုပ်ချင်တာနဲ့ လုပ်သင့်တာလေးတွေ တွဲလုပ်ရမှာပေါ့လေ။ လုပ်ချင်တာတွေ အရင်လုပ်ပြီး လုပ်သင့်တာ လုပ်တဲ့အချိန်ငိုက်နေတော့လည်း ခက်သားလား။

စွံတယ်ဆိုတာ
(ရေးတော့ရေးဖို့ပဲ။ စာအကြမ်းထဲမှာ ရိုက်ပြီးသား။ တကယ်ရေးရင် Feminist တွေနဲ့ ဖိုက်နေရမှာစိုးလို့ ထားခဲ့ပြီ)

ဘလော့ရေးတယ်ဆိုတာ
ကိုယ့်စိတ်ထဲမှာ စဉ်းစားမိတဲ့ အကြောင်းအရာလေးတွေ ပျောက်ပျက်မသွားအောင်၊ ကိုယ်ထပ်ခါထပ်ခါတွေးနေမိတဲ့ အရာလေးတွေ မတွေးမိတော့အောင်၊ အတွေ့အကြုံလေးတွေ မျှဝေရအောင် အဲဒီရည်ရွယ်ချက်လေးနဲ့ပဲ ရေးပါတယ်။

ကဲစာဖတ်ဖြစ်တဲ့ ညီအစ်ကိုမောင်နှမတွေရဲ့ ဆိုတာတွေကရော…

ခင်မင်စွာဖြင့်
သီဟသစ်

Bonus
၁)ဆုံးဖြတ်ချက်

စာရေးမောင်မြက သူ့အရာရှိအကြောင်း မိတ်ဆွေများအား ပြောပြသည်။

"ကျွန်တော့ဆရာဟာ ဆုံးဖြတ်ချက်မချခင် ပတ်သက်တဲ့ အချက်အလက်မှန်သမျှကို ဂရုတစိုက်ကြည့်တယ်၊ အနုလုံပဋိလုံ စဉ်းစားတယ်၊ အဲဒီနောက်မှ ခေါင်းပန်းလှန်ပြီး ဆုံးဖြတ်တယ်"

၂)တော်တဲ့ပုံ မဆောင်စမ်းပါနဲ့

ပင်လယ်ကမ်းစပ်တွင် ကိုချုချာ ငါးမျှားနေသည်။ ရုတ်တရက် အမေရိကန် ရေငုပ်သင်္ဘောပေါ်လာသည်။ အမေရိကန် ရေတပ်ဗိုလ်ကမေးသည်။

"ဟဲလို ဆိုဗီယက် စစ်သင်္ဘော ဘယ်ဘက်ကို မောင်းသွားသလဲ၊ မြင်လိုက်ရင် ညွှန်စမ်းပါ။"

ကိုချုချာ လက်ညှိးညွှန်ပြသည်။

"North West ပဲ၊ Thank you"

အနောက်မြောက်ဘက်သို့ ဦးတည်ကာမောင်းရန် အမေရိကန် ရေငုပ်သင်္ဘော ကပ္ပတိန် အမိန့်ပေးလိုက်သည်။ မကြာမီ ဆိုဗီယက်ရေငုပ်သင်္ဘောပေါ်လာသည်။ ချူချာကိုမေးသည်။

"ဟေ့ ရဲဘော်ချူချာ၊ အမေရိကန် ရေငုပ်သင်္ဘော ဘယ်ကိုထွက်သွားသလဲဗျ"

"North West "
"ဟာ သူများအထင်ကြီးအောင် ရွတ်ပြမနေစမ်းပါနဲ့ လက်ညှိးနဲ့သာ ညွှန်စမ်းပါ"

ပြောချင်ခဲ့သော စကားလုံးများ

2009-07-16T01:12:00.002+08:00

အလုပ်ထဲမှာ တစ်ခါတစ်လေ Customer က ကိုယ့်ကိုရစ်လာရင် (သို့) မန်နေဂျာက စကားလာပြောရင် ပြန်ပြန်ပြောချင်တဲ့ စကားလုံးတွေ ရှိတယ်။ တကယ်ပြောလိုက်ရင် မိတ်ပျက်သွားမှာ စိုးလို့ ဘလော့ထဲမှာပဲ ချရေးလိုက်တော့တယ်။

Customer: If I am not wrong, it should be..
ThihaThit: No you are wrong

သူတို့ ပြောတာနားလည်လား လာမေးရင်

Manager: You know where I am coming from
ThihaThit: I know, you are coming from Singapore.

သီဟသစ်ရေးထားတဲ့ Software က error တက်လို့ ဆိုပြီးပြောလာတယ်

Customer: Because of the error in your software, the users are not happy, my boss is not also happy.
ThihaThit: If so, you should tell them to drink Beer.

အထက်မှာ ရေးထားတဲ့ဟာတွေကတော့ စိတ်ထဲကပဲ ပြောခဲ့တာပါ။
မန်နေဂျာက သီဟသစ်ကို စနေ၊ တနင်္ဂနွေ ပါ အိမ်မှာ အလုပ်လုပ်ခိုင်းပါတယ်။ သီဟသစ်လည်း I am not superman like you. ဆိုပြီး ပြန်ပြောလိုက်ပါတယ်။

စာလာဖတ်ဖြစ်တဲ့ ညီအစ်ကို မောင်နှမတွေလည်း ပြောချင်ခဲ့တဲ့ စကားလုံးလေးတွေရှိရင် Comments ထဲမှာ ရေးပေးသွားကြပါဗျို့…..။

ခင်မင်စွာဖြင့်
သီဟသစ်

Bonus:

၁) မပေးရင် မပေးဘူးပြော

"ငါ့ကို ငွေတစ်ရာလောက် ချေးစမ်းပါကွာ"
"ပဲရစ်က ပြန်လာမှ ယူကွာ"

"ဘာလဲ၊ မင်းပြင်သစ်သွားမလို့လား"
"စိတ်တောင်မကူးဘူး"

၂)ကျွန်မပါပဲ

"တရားသူကြီးရှင့် ကျွန်မမှာ အပြစ်မရှိပါဘူး၊ ကျမ်းကျိန်ပြီးပြောရဲပါတယ်"

"ဒါပေမယ့် အထောက်အထား အချက်အလက်တွေက အပြစ်ရှိကြောင်း ညွှန်းနေပါလား၊ ဟောဒီမှာ သက်သေတစ်ယောက်ရဲ့ ထွက်ဆိုချက်ထဲမှာ အတိအကျ ဆိုထားတယ်၊ 'ငယ်ရွယ်နုပျိုရုံမက မည်သူမှ မတုနိုင်သော ဆင်မယဉ်သာ လျှောက်ဟန်မျိုးဖြင့် အချိုးကျန ပြေပြစ်လှသော အမျိုးသမီး' တဲ့"

"ဟုတ်ကဲ့၊ အဲဒါဆို ကျွန်မပါပဲ"

ဖတ်ဖြစ်တဲ့စာအုပ်များ (၁) - ပန်းကြာဝတ်မှုန်

2009-07-14T01:03:00.002+08:00

Credits to http://www.ourmandalay.net/index.php/2008-11-13-10-32-09/130-2009-01-08-07-21-01

For Book : Credits to ကိုရွာသား

တကယ်တော့ ဒီစာအုပ်လေးကို ကျောင်းတော်ကြီးရဲ့ အလယ်မှာ မရေးခင်ဖတ်ဖြစ်ရင် ပိုကောင်းမှာပဲလို့ တွေးမိတယ်။ ဆရာမက သူ့ရဲ့ မန္တလေး တက္ကသိုလ်ကျောင်းသား ဘ၀ကို အခြေခံပြီးရေးထားတဲ့ ဇာတ်လမ်းလေးပါ။ ၁၉၈၀ လောက်က အကြောင်းကို အခြေခံပြီး ရေးထားတာပေမယ့် ပတ်ဝန်းကျင်က ကိုယ်နဲ့ ရင်းနှီးခဲ့တဲ့ ပတ်ဝန်းကျင်ဆိုတော့ ဖတ်ရတာ လွမ်းစရာပါ။

မြင်းခြံကနေ မန္တလေးကို ကျောင်းလာတက်တဲ့ ကျောင်းသူလေးနဲ့ ကလောက ကျောင်းလာတက်တဲ့ ကျောင်းသားလေးတို့ အကြောင်းရေးထားတာပါ။ မြန်မာစာမေဂျာက ကျောင်းသားနဲ့ စာဖတ်ဝါသနာပါတဲ့ ကျောင်းသူအကြောင်းဆိုတော့ တစ်လျှောက်လုံးမှာ ကဗျာလေးတွေ ထည့်ပေးထားတယ်။ တကယ်တော့ ဆရာမကြီး ကြည်အေး ၀တ္ထူတွေကို သိပ်မကြိုက်ပါဘူး။ ကဗျာတွေကတော့ ဒီစာအုပ်ထဲမှာ ထည့်ထားမှ ဖတ်ဖူးတာ။ သူ့နေရာနဲ့သူ ကဗျာလေးတွေသုံးသွားတာ ကဗျာလေးတွေကို တော်တော်ကြိုက်သွားတယ်။

အဓိက ဇာတ်လိုက် ၂ ယောက်က ကျောင်းမှာတုန်းက မပွင့်လင်းဖြစ်ခဲ့ကြ၊ ကျောင်းပြီးပြီး အနှစ် ၂၀ ကျော်ကြာမှ ဇာတ်လိုက် အမျိုးသားက US ကခဏပြန်လာ၊ အမျိုးသမီးနဲ့ ပြန်တွေ့.. နည်းနည်းတော့ စိတ်ကူးယဉ်ဆန်သလိုရှိပေမယ့် ဆရာမက တကယ့်အဖြစ်အပျက်ကို အခြေံပြီးရေးထားတာလို့ ဆိုပါတယ်။

တကယ်တော့ စာအုပ်ကို Review သဘောမျိုး ရေးချင်ပေမယ့် အကြည်တော် ၀တ္ထူ ထဲက စာပေဝေဖန်ရေးလို ဖြစ်နေမှာစိုးလို့ ရေးတတ်သလို ရေးလိုက်ပါတယ်။ (အဲဒီအထဲမှာ စာအုပ်တစ်အုပ်လုံးကို ကူးချပြီးမှ ဆရာမကြီး ဤသို့ရေးထားတာကို ဝေဖန်လိုက်ရပေသည် ဆိုတာမျိုး)

စာအုပ်ထဲက ကြိုက်မိတဲ့ စာသားတွေ၊ ကဗျာလေးတွေကို ကူးရိုက်ထားတာပါ။

မိန်းမသားဆိုတာ မျက်ရည်ကျကောင်းတယ်၊ ဒါမိန်းမသားတွေရဲ့ ဗီဇက ပါလာတဲ့ ကိစ္စ… ဒါပေမယ့် ပျော့ညံ့တာ မဖြစ်စေရဘူး။ မျက်ရည်ကျခြင်းအားဖြင့် နောက်တစ်ခါ လုပ်ရမည့်အလုပ်အတွက် နောက်တစ်ခါ ရင်ဆိုင်ရမည့် အတွေ့အကြုံတစ်ခုအတွက် အားဖြစ်ဖို့လိုတယ်။ မေမေကတော့ မျက်ရည်နဲ့အားယူတယ်(စာမျက်နှာ ၁၄)

မိန်းမသားဟာ ခင်ပွန်းဖြစ်သူရဲ့ အောင်မြင်ကြီးပွားမှုဟာ သူ့ကြောင့်လို့ ထင်စေချင်ပြီး၊ ယောက်ျားသားကတော့ သူရှာဖွေထားတဲ့ အောင်မြင်ကြီးပွားမှုဟာ သူ့အတွက် မဟုတ်ဘူးဆိုတာနဲ့ လုံလောက်တယ် ထင်နေတတ်သတဲ့ (စာမျက်နှာ ၆၆)

ခုံမင်ချစ်မွေ့၊ အိမ်သားစေ့ငှ
တွေ့ကြုံဆုံမြဲ၊ အိမ်ပြန်ပွဲ၌
ကြေကွဲဖုံးဝှက်၊ ငါချည်းသက်သက်
အိမ်လွမ်းခက်လှ…
(ကြည်အေး - စာမျက်နှာ ၈၀)

တွယ်ငြိခြင်းသည်
ဆင်းရဲအစ၊ သံသာရဟု
ချမ်းမြသိလည်း၊ တွယ်ငြိမြဲပင်
ရဲဝံ့သည်လား၊ ကြောက်သည်လားဟု..
(ကြည်အေး - စာမျက်နှာ ၉၅)

သူ့အပြုံးက နှလုံးစွဲစိမ့်
ရင်တွင်းငြိမ့်ငဲ့ ဖိုသိမ့်ကြက်သီး
ချမ်းမပြီးဘူး…။
ယောင်တီးယောင်တ ရပ်ရမလို
နှုတ်ချိုခွန်းစ ဆက်ရမလို
သူ့ကိုသာမှတ်ပြုံးရုံတတ်သည်.. (ကြည်အေး - စာမျက်နှာ ၁၄၂)

ရှင်ဟာ ဥသြငှက်ကိုတောင် ခေါ်မလာဝံ့တဲ့ နွေဦးမျိုးပဲ.. (စာမျက်နှာ ၄၁၆)

အသက်အရွယ်ကြောင့် ဇွတ်ကြီး လူကြီးမဆန်ချင်ပါဘူး..လူကြီးဆန်တယ်ဆိုတာ ရင့်ကျက်ဟန် ဆောင်တာ တစ်မျိုးပါ..ခံစားမှုရှိတဲ့အတိုင်း ပြောတယ်… နေတယ်။ ငိုစရာရှိ ငိုမယ်.. ရယ်စရာရှိ ရယ်မယ်..
(စာမျက်နှာ ၄၃၉)

ခင်မင်စွာဖြင့်
သီဟသစ်

P.S ခုရက်ပိုင်း stress နည်းနည်းများနေလို့ ဘလော့မလည်ဖြစ်တာ ခွင့်လွှတ်ပါရန် :)