ရွှေနိုင်ငံခရီးနဲ့ ဟိုတစ်စ ဒီတစ်စ (နိဂုံး)

အရင်ပို့စ်က ရေးသာရေးလိုက်တာ သူနာပြု အကြောင်းဖတ်ပြီး လာဖတ်တဲ့ ညီအစ်ကို မောင်နှမ တွေ စိတ်ညစ်သွားကြရင်ခွင့်လွှတ်ပါ။ သီဟသစ်လည်း ကြုံခဲ့ရတဲ့ အတိုင်း ရေးလိုက်တာပါ။ နောင်လာနောက်သားများ သတိထားနိုင်ကြစေရန်ပေါ့ခင်ဗျာ။


ဘေဘီလေးနဲ့ နှင်းဆီဖြူ

အဲဒီလို ကလေးကို သွေးစစ် ဓါတ်ကင်လုပ် ဆရာမ ထင်တိုင်းကြဲနေတဲ့ အချိန် အထူးကုဆေးခန်းမှာက သီဟသစ်အမျိုးသမီး နှင်းဆီဖြူ ရယ် သူ့ညီမလေး(ဆေးကျောင်းတတိယနှစ်) ရယ် နှစ်ယောက်ပဲ ရှိတာပါ။ လူကြီးတွေ တစ်ယောက်မှ မရှိကြဘူးလေ။ အဲဒါနဲ့ သီဟသစ်တို့ အမား (နှင်းဆီဖြူ့အမေ)က သူ့သမီးနား ၂၄ နာရီ မပြတ်စောင့်ရမယ် ဆိုပြီး သီဟသစ်ရဲ့ အဖေ နှင့် အမေရယ်၊ အမားရယ် တစ်လှည့်စီစောင့်ကြပါတယ်။ သီဟသစ်ကတော့ MD ဆိုတော့ ၀င်လိုက်ထွက်လိုက် နေလိုက်ပေါ့။ MD ဆိုတာ Motorcycle Driver ပါ။ လူကြီးတွေကို လိုက်ပို့လိုက် လိုတာလေး သွားဝယ်လိုက်ပေါ့။ မအားတဲ့ကြားကပဲ ငှားနေကျ စာအုပ်ဆိုင်ပြေးပြီး စာအုပ်ငှားဖတ်ရသေးတယ်။

အဲဒီနေ့ညနေမှာပဲ အမားက ကလေးအထူးကုဆရာဝန်နဲ့ သူနာပြုဆရာမကို နောက်နေ့က စပြီး မခေါ်တော့ဘူးဆိုတာ ကောင်တာမှာ သွားပြောခိုင်းပါတယ်။ သီဟသစ်သွားပြောတော့ ကောင်တာက Supervisor လိုမျိုးလူတစ်ယောက်က ဘာဖြစ်လို့ မခေါ်တော့တာလဲ မေးတော့ သီဟလဲ ကျွန်တော့ အမားက သူတို့ အသိဆရာဝန်နဲ့ပဲပြတော့မယ် ပြောလိုက်လို့ ဆိုပြီး ပြန်ပြောပါတယ်။ အဲဒီတော့ သူက ခင်ဗျားအမားက ဆရာဝန်လား၊ ခင်ဗျားက ဆရာဝန်လား၊..ဆိုပြီး ဆရာဝန်လားပေါင်းများစွာကိုမေးပါတယ်။ သီဟသစ်လည်း ဆယ်တန်းအောင်တုန်းက ဆေးကျောင်းကို မတက်မိတာကို ပထမဆုံးအကြိမ် နောင်တရမိသလိုလိုဖြစ်သွားပါတယ်။ မဆီမဆိုင် ခင်ဗျားတို့ညီမ 3rd MB က တစ်ယောက်ရှိတယ်ဆို၊သူ့အတွေ့အကြုံနဲ့ ကလေးအထူးကု အတွေ့အကြုံနဲ့ ဘယ်လိုမှ မယှဉ်နိုင်ဘူး ဆိုပြီးပြောသေးတာ။ (ယှဉ်စရာ အကြောင်းမှမရှိတာ) နောက်တော့ ဆရာဝန်မခေါ်ချင်ရင် လက်မှတ်ထိုးဆိုတော့ သီဟသစ်လည်း လက်မှတ်ထိုးခဲ့တာပေါ့။

ဆေးခန်းဆက်ဆံရေးကောင်းပုံက အဲလိုဆရာမ မခေါ်တော့ဘူး သွားပြောပြီး နောက်ပိုင်း သီဟသစ်တို့ကို မကြည်တော့ဘူး။ ဖုန်းလာရင်လည်း ၂ ခါလောက်ခေါ်ပြီးမှ ကောင်တာက လိုင်းလွှဲပေး၊ နေ့စဉ် ဒီနေ့ ဆေးရုံဆင်းတော့မှာလား လှမ်မေး လုပ်တော့တာပဲ။ ဆေးခန်းမှာလည်း ကြိုတင်ငွေသွင်းထားတာပိုနေတော့ ဆေးခန်းက ဆင်းတဲ့နေ့မှာ သူတို့က အမ်းရမှာ ဆိုတော့ သေချာအောင်များ တွက်နေတာလားမသိ။ မနက် ၇ နာရီကနေ စာရင်းကိုရှင်းပေးပါပြောတာ ၁၁ နာရီမှသိရတယ်။ ဆေးခန်းနဲ့ ပက်သက်တာ ဒါလောက်ဆို တော်ပါပြီလေ။ (ဆရာမကို နို့မှုန့်ဝယ်ခိုင်းတာ ဖွင့်ပြီးသား နို့မှုန့်ဘူးကြီး ယူလာပြီး ကလေးကို တိုက်ပြီးတိုင်း ချက်ချင်းအိပ်ပျော်သွားတာတို့၊ နှင်းဆီဖြူရဲ့ ဘေးမှာ ဆရာမက ၀င်ဝင်အိပ်နေတာတို့ မပြောတော့ပါဘူး။ :D)

နောက်ရက်တွေမှာ ၀ယ်လာခဲ့တဲ့စာအုပ်တွေ အကြောင်း ဖတ်ဖြစ်ခဲ့တဲ့ စာအုပ်တွေ အကြောင်းရေးပါ့မယ်..

Bonus:
တွေ့ရင်ပြောမယ်
ကိုချူချာကို လူဆိုးနှစ်ဦး တစ်ဖက်တစ်ချက်မှ ချုပ်ကိုင်ပြီး ကမ်းဆိပ်သို့ အတင်းဆွဲခေါ်လာသည်။

ကိုချုချာ၏ခေါင်းကို ရေထဲနှစ်လိုက်သည်။ ခဏအကြာတွင် ပြန်ပြီးမေးသည်။

"ပိုက်ဆံရှိသလား"
"မရှိဘူး"

ကိုချူချာကို ရေထဲနှစ်လိုက်ကြပြန်သည်။ ပထမအကြိမ်က ထက် အနည်းငယ် ပိုကြာအောင်ထားလိုက်သည်။ ထို့နောက် ပြန်ဖော်ပြီးမေးသည်။

"ရွှေကောရှိသလား"
"မရှိဘူး"

"ခေါင်းမာတဲ့ အကောင်" ဟုပြောပြီး လူဆိုးများ ကိုချူချာကို ရေထဲနှစ်လိုက်ပြန်သည်။ ခဏကြာသောအခါ ပြန်ဖော်ပြီးမေးသည်။

"ပိုက်ဆံမရှိဘူး ဟုတ်လား"
"ဟုတ်တယ် မရှိဘူး"
"ရွှေလည်းမရှိဘူး ဟုတ်လား"
"ဟုတ်တယ် မရှိဘူး"
"အဲဒါဆို ဘာရှိလဲပြော"

"ရေနောက်နေတော့ ဘာမှ မမြင်ရဘူး၊ ကျွန်တော့်ကို ခပ်နက်နက် နှစ်ကြည့်ပါ၊ တွေ့ရင်ပြောပါ့မယ်။"