မှတ်တိုင်တွေလား မိုင်တိုင်တွေလား

သူတို့ကိုယ်တိုင်ရဲ့ မွေးနေ့ပွဲ မွေးနေ့အလှူရယ်လို့ တစ်ခါမှ တိတိပပ မလုပ်ဖြစ်ကြတဲ့ အဖေ နှင့် အမေကို ပိုပြီး သတိရတယ်။ သူတို့ခမျာ သားသမီးတွေကို ဦးစားပေးရင်း သူတို့ကိုယ်သူတို့ မေ့ထားခဲ့တာ ကြာပြီကော။ နှင်းဆီဖြူလေးနှင့်သားလေးကိုရော လွမ်းလိုက်တာ၊ ကိုယ်လည်း အသက်ကြီးလာရင် ကိုယ့်မွေးနေ့ကိုယ် မေ့ဖြစ်သွားမယ် ထင်တယ်။

ကမ္ဘာမြေပေါ် ငါနေထိုင်တာ
တန်ဖိုးရှိသလား ဒီလိုမေးခွန်းမျိုးအား
လူတွေဆုံးဖြတ်ပါစေ (ရာဇ၀င် - ဇော်ဝင်းထွဋ်)

လူ့သက်တမ်းကို ပျမ်းမျှအနှစ် ၆၀ လို့ သတ်မှတ်ခဲ့ရင် ကိုယ်ရှင်သန်ခဲ့တာ လူ့သက်တမ်း တစ်ဝက်ရှိသွားပြီပဲ။ မြေကြီးကို ဒုက္ခပေးသူတစ်ယောက် မဖြစ်ခဲ့တာကတော့ ထူးပြီး ဂုဏ်ယူစရာ မဟုတ်။ ဒီထက်ပိုအောင် ကြိုးစားနေတယ် ဆိုတာရော
လုံလောက်တဲ့ ဆင်ခြေလား?

ငါနေထိုင်လာတဲ့နှစ်က ၃၀
မယုံနိုင်ဘူး အို ..ရုပ်ရှင်ကြည့်ရသလို
ဘ၀ကဆန်းကြယ်တယ် (ဂျစ်ပစီမိုးတိမ် - ဇော်ဝင်းထွဋ်)

စာသင်ဖို့ စိတ်တွေမပျက်၊ ဘီတယ်လ် သီချင်းတွေမကျက်ခဲ့ပေမယ့် ဂျစ်ပစီမိုးတိမ် သီချင်းလေးကိုတော့ သဘောကျမိတယ်။ မရည်ရွယ်တာ အကုန်ဖြစ်လာခဲ့တာကတော့ အမှန်ပဲ။ ဘ၀ဆိုတာလဲ ဂငယ်ကွေ့လောက် ကြမ်းတာတွေ မကြုံဖူးပေမယ့် အကွေ့အကောက်တွေ အတော်များတာကလား။

အဝေးက လမ်းဟောင်းအိုလေး အစဉ်မပြောင်းလဲ လဲလျောင်းနေဆဲ
ကိုယ်ဟာနှုတ်ခွန်းဆက် အဝေးကို ခင်တွယ်နေပေမယ့်လည်း
ဘ၀အတွက်သွားရမှာပဲ
(အ၀ါရောင်လမ်းကလေး - ဇော်ဝင်းထွဋ်)

လျှောက်ခဲ့တဲ့လမ်းများကိုလည်း လွမ်းဖို့ကောင်းစွာ နှုတ်ဆက်ခဲ့ဖူးတယ်။ တက္ကသိုလ်ကျောင်းသားဘ၀၊ စာသင်ပေးရတဲ့ သင်တန်းဆရာ ဘ၀ စသည်ဖြင့် ရွှေရောင်တောက်ခဲ့တဲ့ နေ့ရက်များကို လည်း လွမ်းမိတယ်။ နောက်ဘာတွေ ဘာတွေ ဆက်ဖြစ်ဦးမလဲ ဆိုတာ ကိုယ်လည်းမသိ။ စက်ရုပ်တစ်ပိုင်း လူတစ်ပိုင်း လက်ရှိဘ၀လေးကတော့ ချစ်သူငယ်ချင်း ဘလော့ဂါ ညီအစ်ကို မောင်နှမတွေကြောင့် ပျော်စရာကောင်းနေတာ အားလုံးကို ကျေးဇူးတင်စရာပါ။ ကိုယ့်ရဲ့အဖေ၊အမေနှင့် အမ၃ ယောက်၊ နှင်းဆီဖြူနှင့် သားလေး အားလုံးနဲ့ဝေးနေချိန်မှာ သူတို့ဟာ ကိုယ့်အတွက် တကယ့်မိသားစုတွေပါပဲ။

ကျွန်တော်ရဲ့ ဘလော့လေးကို စာလာဖတ်ဖြစ်တဲ့ ညီအစ်ကို မောင်နှမအားလုံးရော၊ မအားလို့ လာမဖတ်ဖြစ်တဲ့ ညီအစ်ကိုမောင်နှမအားလုံးကိုလည်း ကျေးဇူးပါ။ ဇွဲမကောင်းတဲ့ ကျွန့်တော့ကို စာလေးတွေ ရေးဖြစ်အောင် အားပေးတဲ့အတွက်ရော၊ မှတ်သားစရာ မပါ၊ ရသတွေ မပါ တဲ့ စာတွေကို ဖတ်ပေးတဲ့အတွက်ရောပါ။

အရင်က တစ်ခါမှ မွေးနေ့တူ ဆိုတာ မကြုံဖူးပေမယ့် ဘလော့ရဲ့ အကျိုးကျေးဇူးကြောင့် တွေ့ရတဲ့ ၆ နှစ်ငယ် အမြွှာညီအစ်မ နွေးနေခြည်၊ August 14 မွေးနေ့ရှင် မေဇင် နဲ့တကွ လီယိုဖွား ညီအစ်ကိုမောင်နှမများ၊ ကျန်သော ညီအစ်ကိုမောင်နှမ အားလုံး ယနေ့မှ စ၍ စိတ်၏ချမ်းသာခြင်း၊ ကိုယ်၏ကျန်းမာခြင်းနဲ့ ပြည့်စုံပြီး ဘ၀မှာ အောင်မြင်ပျော်ရွှင်ကြပါစေ။

ခုဆက်ဖော်ပြမယ့် စာလေးကတော့ ကိုယ့်ကိုယ်ကို မွေးနေ့လက်ဆောင် ပြန်ပေးထားတာပါ။

I am I

ကိုယ်ဟာ တစ်ချို့တွေ
ထင်သလောက် မဆိုးသလို
တစ်ချို့တွေ ထင်သလောက်
မကောင်းပါဘူး။

တစ်ချို့တွေ ထင်သလောက်
မတော်သလို
တစ်ချို့တွေ ထင်သလောက်လဲ
မညံ့ပါဘူး။

တစ်ချို့သူတွေရဲ့ အကြိုက်ကို
မလိုက်နိုင်သလို
တစ်ချို့သူတွေ မကြိုက်လည်း
ကိုယ်ကြိုက်ရင်
ကိုယ့်လမ်းကို ဆက်သွားနေမှာပါ။

လီယိုဖွားပီပီ
မဖြစ်မနေ လုပ်ရမှာတွေ မုန်းတယ်၊
ဟန်ဆောင်ရမှာ ပျင်းတယ်။

ကိုယ်ဟာ ဒဏ္ဍာရီထဲက
သူရဲကောင်း မဖြစ်ချင်ခဲ့သလို
ပုံပြင်ထဲက ၀ံပုလွေလည်း
မဖြစ်ချင်ပါဘူး။

ဘာကြောင့်လဲဆိုတော့
ကိုယ်ဟာ သီဟသစ်ပဲ
ဖြစ်ချင်ခဲ့လို့ပါ။


P.S : ငါ .. ငါ လို့သုံးရင် ငါစွဲစွဲကြီးတယ် ထင်မှာစိုးလို့ ကိုယ်.. ကိုယ်လုိ့ သုံးထားပါတယ်

ခင်မင်စွာဖြင့်
တစ်သက်လုံး သုံးခါပဲ ပြုံးသူ သီလ၀ မင်းသားကြီးရဲ့ အနွယ်တော်
သီဟသစ်