ဒီအချိန် ကျောင်းတော်ကြီး ရဲ့ အလယ်မှာ (၃)

ဒီလိုနဲ့ ပထမနှစ် Second Term ရောက်လာပါရော။ သူငယ်ချင်းတွေနဲ့ ပြင်ဦးလွင် အနီးစခန်းနားက ရေတံခွန်သွားမယ် ဆိုစီစဉ်ကြတယ်။ ဓါတ်တော်ချိုင့်ရေတံခွန်ပေါ့ဗျာ။ ကားနဲ့သွားလို့ ရတဲ့နေရာထိသွား ပြီးရင် လမ်းဆက်လျှောက် တစ်နာရီ ကျော်ကျော်လောက် လျှောက်ရတယ်ဗျ။ မိုးတွင်းရောက်ခါစ ဆိုတော့ မိုးလေးကလည်းရွာ လမ်းကလည်းတောင်ဆင်းလမ်းဆိုတော့ တဘိုင်းဘိုင်း ချော်လဲကြတာပေါ့။ သူငယ်ချင်းကောင်မလေး တစ်ယောက်ဆို ချော်လဲလွန်းလို့ သူ့ကို ချော်ကွင်းဆိုပြီး စလာတာ။ ခရီးအဆုံး ရေတံခွန်ကြီးလည်း မြင်ရော သီဟသစ် တစ်ယောက် ၀ဋ်လည်ပါလေရော။ ပျော်ပြီး ပြေးမိတာ သုံးခါတောင် ချော်လဲတယ်။ (ဒါနဲ့ စကားမစပ် ဟိုနေ့က ကိုကိုရွာသား ကောင်းမှုနဲ့ Jurong Bird Park ရောက်တော့ လူလုပ်တဲ့ ရေတံခွန်ထဲမှာ အကြီးဆုံးလို့ သူတို့ညွှန်ထားတဲ့နေရာ ရောက်ခဲ့သေးတယ်။ အလှချင်း ခံစားရတာချင်း ဘာမှမဆိုင်ဘူး)။ အဲဒီခရီးစဉ်မှာ နှင်းဆီဖြူလေးပါလာပါတယ်။ သူငယ်ချင်းအရင်းတစ်ယောက်နဲ့ အဆောင်တူနေတော့ သူပါပါလာတာပါ။ ဒါပေမယ့် ဘာမှကို မဘာမှ သေးပါဘူး။ အဲဒီအချိန်က။ တိုက်တိုက်ဆိုင်ဆိုင် ပြောရရင်တော့ အုပ်စုပုံရိုက်ဖြစ်တဲ့ ၃ ပုံလုံးမှာ သီဟသစ်က သူ့နောက်မှာ ရပ်မိနေတာချည်းပဲ။ ရည်းစားဖြစ်ပြီးနောက်ပိုင်း သူက ပြန်ပြောမှ သတိထားမိတာပါ။


Credits to http://www.flickr.com/photos/21395558@N05/2078651738/
ဓါတ်တော်ချိုင့်ရေတံခွန်ပုံ

အဆောင်မှာ နေရင်း ဖဲကလည်း နည်းနည်းရိုက်တတ်လာတယ်။ ပထမဆုံးကတော့ တွမ်တီဝမ်းက စတာပေါ့လေ။ ပရော်ဖက်ရှင်နယ် အဆင့်တော့ မရောက်ပါဘူး။ အပျော်ပါဘဲ။ နောက်အတန်းတွေ ကြီးလာတေ့ ပိုကာ၊ ရှမ်း၊ ဟောင်ကောင်ရှိုးတဖြည်းဖြည်းချင်း တက်လာတာပေါ့။ ဟောင်ကောင်ရှိုးဆိုတာ သိကြလားမသိဘူး။ ၂ ကို အကြီးဆုံးထား ကစားရတာလေ။ ဒါတောင် အုန်းခွဲတာတို့၊ ရှိုးတို့၊ ဟောလိဝုဒ် စတဲ့ ပညာရပ်တွေ မတတ်လိုက်ရဘူး။

တဖြည်းဖြည်းနဲ့ ပထမနှစ် Second Term စာမေးပွဲဖြေချိန်ရောက်လာပြန်ရော။ သီဟသစ်မှာ အကျင့်တစ်ခုရှိတာက ကိုယ်တခြားဟာလုပ်နေချိန် သူများကျောင်းစာကြည့်နေရင် မနေတတ်ဘူး။ ပထမနှစ်ကနေ နောက်ဆုံးနှစ်အထိ အတူတူနေခဲ့တဲ့ သူငယ်ချင်းတွေကလည်း ညညဆို စာတွေကြည့်ကြတာဗျ။ အဲဒါနဲ့ ကိုယ်လည်း မလိမ်မာချင်ရက်နဲ့ သူများဖျက်တာနဲ့ စာတွေလိုက်ကြည့်ဖြစ်ရော ဆိုပါတော့လေ။ (ရိုးတွေ ပုံမှန်လောက်ရှိခဲ့တာ သူတို့ကျေးဇူးတွေ ပါပါတယ်။) အဲဒီတုန်းက စစ်ကိုင်းက သူငယ်ချင်းကလည်း စာမေးပွဲတွင်း စာလာကျက်တယ်။ (ခုဘလော့ဂါ မိုးကောင်းသူ ရဲ့ ကိုယ်တော်ကြီး အလောင်းအလျာပေါ့)။ သူက အဲဒီကတည်းကတိုင် မျက်မှန်ပါဝါများတာ တပ်ရတာ။ အဆောင်က ရေကန်မှာ ရေချိုးတော့ သူက မျက်မှန်ကို ရေကန်ဘေး အုတ်ခဲပေါ်တင်ထားခဲ့တာ။ တခြားသူငယ်ချင်းက တက်နင်းတော့ မျက်မှန်လည်း အေးချမ်းမေဖြစ်သွားရော။ ဒီကြားထဲ သူဝမ်းလျောတာကို သီဟသစ်က ယမ်ယမ် ချဉ်စပ်တွေ ပြုတ်ကျွေးမိလို့ သူငယ်ချင်းခမျာ ပန်းသခင်ဇာတ်ကားမှာ ဆက်လက် သရုပ်ဆောင်လိုက်ရသေးတယ်။

ဒုတိယနှစ်ပြန်ဖွင့်ပြီး သိပ်မကြာခင် သူငယ်ချင်းတွေက ပုဂံကို Excursion ထွက်မယ်ဆိုပြီး စီစဉ်တော့ သီဟသစ်လည်း ဘယ်ရမလဲ။ လိုက်တာပေါ့။ အဲဒီတုန်းက(၁၉၉၉ ခုနှစ်က) တစ်ယောက် ၃ ထောင်နဲ့ ကို ၂ ညအိပ် ၃ ရက် ခရီးပေါ့။ (သူငယ်ချင်းတစ်ယောက်ကတော့ အိမ်ကို Drawing ဆွဲတဲ့ ပစ္စည်းဖိုး ၅၀၀၀ တောင်းပြီး တကယ်ဝယ်တော့ ၂၀၀၀ တန်ဝယ၊် ကျန်တာနဲ့ ပုဂံလိုက်လာတာပဲ။) ပုဂံရောက်တော့လည်း တည်းရတဲ့ တည်းခိုခန်းလေးက သပ်သပ်ရပ်ရပ်ပါပဲ။ အဲဒီကို ရောက်ရောက်ချင်းညက တိုးတိုးဝင်း ပုဂံဘူဖေးဆိုင်မှာ ထမင်းသွားစားကြတော့ သူငယ်ချင်းအဖွဲ့ချင်း ထမင်းစားပြိုင်ကြပါတယ်။ အအေးတိုက်ကြေးပါ။ ယောက်ျားလေး ၅ ယောက် အဖွဲ့နဲ့ မိန်းကလေး ၈ ယောက်အဖွဲ့ထင်တာပဲ။ နောက်ဆုံးကျတော့ သီဟသစ်တို့အဖွဲ့က ဇလုံ ၈ လုံး သူတို့အဖွဲ့က ၅ လုံးနဲ့လား မသိနိုင်သွားပါတယ်။ အအေးလည်းသောက်ပြီးရော အပြန်လမ်းမှာ သီဟသစ်ကို သူငယ်ချင်းတွေက တွဲကိုခေါ်ရတော့တာဗျို့။ အစားတွေလွန်ပြီး ဗိုက်အင့်နေတာလေ။ သူငယ်ချင်းတွေဆီက ဂျဲလမက်တွေ ဘားပလက်တွေ ယူသောက်ရသေးတယ်။ မနက်လင်းတော့လည်း Sun Rise ဆိုပြီးသွားကြည့်ကြသေးတယ်။ အပေါ်ကို တက်လို့ရတဲ့ ဘုရားတစ်ခုဆီကနေပေါ့။ အဲခါတုန်းကတော့ ပျင်းတောင်ပျင်းမိသေး နေထွက်တာများ ဘာထူးဆန်းလို့လဲပေါ့။ Excursion စီစဉ်တဲ့ သူငယ်ချင်း နှစ်ယောက်က တော်ကြပါတယ်။ သူတို့ စီစဉ်တဲ့ ခရီးတွေ အကြောင်းလည်းဆက်ရေးမှာပါ။

ဒုတိယနှစ်ရောက်တော့ မန္တလေးက သူငယ်ချင်းတစ်ယောက်က သူတို့ရဲ့ လွတ်နေတဲ့တိုက်ခန်းငှားပေးပါတယ်။ သူငယ်ချင်း ၄ ယောက်သွားနေကြတာပေါ့ဗျာ။ စာရင်းပေါက် ၄ ယောက်က နေ့ခင်းဆို ကျောင်းသွားကြတယ်။ ကျန်တဲ့ မန်းလေးက သူငယ်ချင်းတွေက နေ့ခင်းဖဲလာရိုက်နဲ့ ဟုတ်တော့နေတာပဲ။ အဲဒီအထဲမှာ သူငယ်ချင်းတစ်ယောက်က တော်တော်စလို့ကောင်းတယ်။ ၀ကြီးလို့ ခေါ်တယ်။ သူတို့ဖဲရိုက်နေတဲ့ အချိန်သူ့ကိုစတော့ တွေ့တာနဲ့ကောက်ပေါက်တာနေမှာ။ သီဟကျောင်းက ပြန်လာရင် နိုးစက်နာရီလေးက တစ်စစီဖြစ်၊ ကက်ဆက်ကလည်း ကိုင်းတွေပြုတ်နဲ့ ရှုပ်နေတာပဲ။ သီဟတို့က ညရောက်ရင် တော်တော်နဲ့ မအိပ်ကြဘူး။ ည ၂ နာရီ ၃ နာရီ လောက်မှ မိုးအလင်းဖွင့်တဲ့ ထမင်းကြော်ဆိုင်ကို သွာစားကြတယ်။ တိုက်ခန်းက အိမ်နီးနားချင်းတွေကတော့ သြဘာပေးပါတယ်။ ညညဂျပန်စစ်ဖိနပ်သံတွေ ကြားရတဲ့အတိုင်းပဲတဲ့။

သူငယ်ချင်း ၄ ယောက်ပေါင်းပြီးတော့ ကွန်ပျူတာ တစ်လုံးလည်း ၀ယ်ကြသေးတယ်။ အစ်မအကြီးဆုံးရဲ့ ရွှေဆွဲကြိုးလေးကနေ ကွန်ပြူတာဖြစ်သွားတာပေါ့လေ။ ကွန်ပျူတာသွားဝယ်တော့ သတိရသေးတယ်။ Casing ဆိုတာကြီးကို ဘာကြောင့်ဝယ်ရတာမှန်းမသိဘူး။ ကိုယ်သိတာက Hard disk Memory အဲလောက်ပဲသိတာ။ နောက်မှကွန်ပြူတာ ထည့်ဆင်တဲ့ပုန်း မဖြစ်မနေ၀ယ်ရမယ်ဆိုမှ သိတော့တာ။ ကွန်ပျူတာ ၀ယ်ခါစကတော့ လုကိုင်ကြတာပေါ့လေ။ တစ်ယောက်က Keyboard ဆို တစ်ယောက်က Mouse ကိုင်ရှုပ်နေတာပဲ။ နောက်တော့လည်း ဘယ်သူမှလှည့်မကြည့်ဖြစ်ပါဘူး။ နောက်ပိုင်းသီဟသစ် Hardware သင်တန်းတက်ပြီးမှ စက်ပုံးကို ဖွင့်ကြည့်မိတာ အထဲမှာ ဖုန်တွေက တစ်လက်မထုလောက်ထုရှိတယ်။

နှင်းဆီဖြူလေးနဲ့တွေ့တဲ့ အပိုင်းရောက်ပါတော့မယ်။ ကိုယ်ရေးတဲ့ ဇာတ်လမ်းမို့လို့သာ ကိုယ်က ဇာတ်လိုက်လုပ်လိုက်ရတာ တကယ်တော့ ထူးထူးခြားခြားကြီး မဟုတ်ပါဘူး။ နီကိုရဲရဲ့ စိတ်အိုင်ပက်သူ ဇာတ်လမ်းနဲ့ နည်းနည်းတော့ ဆင်သလိုပါပဲ။

ဆက်ရန်...

P.S အိပ်ငိုက်နေလို့ ဘောနပ်စ်မရိုက်လိုက်ရပါ။ မနက်ကလည်း ၀ါးတီးသွားစားရအုံးမယ်။